အလှူခံပုဂ္ဂိုလ်တစ်ဆယ့်လေးမျိုးဆိုသည်မှာ......
၁။ တိရစ္ဆာန်
၂။ သီလမရှိသူ
၃။ သီလရှိသူ
၎။ စ်ာန္ရရေသ့
၅။ သောတာမတ္တိမဂ်ပုဂ္ဂိုလ်
၆။ သောတာမတ္တိဗိုလ်ပုဂ္ဂိုလ်
၇။ သကဒါဂါမိမဂ်ပုဂ္ဂိုလ်
၈။ သကဒါဂါမိဗိုလ်ပုဂ္ဂိုလ်
၉။ အနာဂါမိမဂ်ပုဂ္ဂိုလ်
၁၀။ အနာဂါမိဗိုလ်ပုဂ္ဂိုလ်
၁၁။ အရဟတ္တမဂ်ပုဂ္ဂိုလ်
၁၂။ အရဟတ္တဗိုလ်ပုဂ္ဂိုလ်
၁၃။ ပစ္စေကဗုဒ္ဓါ
၁၄။ သမ္မာသမ္ဗုဒ္ဓဘုရားရှင် တို့ဖြစ်ပေသည်။
အကျိုးပေးမှုမှာလည်း အဆင့်ဆင့်များ၍ အကျိုးပေးလေသည်။
ရိုသေစွာဖြင့်
ဒကာတော်ရေ ဒုသနသောနဲ့ပတ်သတ်ပြီး မြန်မာဇာတ်ကား ရိုက်ထားတာရှိပါတယ်လေ။ ကဿပဘုရားရှင် လက်ထက်တော်အခါတုန်းက သူဌေးသား(၄)ဦးသည် ယောက်ျားရှိသော မိန်းမများအားလည်းကောင်း၊ ပိုက်ဆံပေးပြီး ငှားရမ်း၍ရသော မိန်းကလေးများအားလည်းကောင်း ကာမေသုမိစ္ဆာစာရကံကို ကျူးလွန် ခဲ့ကြတယ်။
အဲဒီကံကြောင့် သူတို့လေးဦးသည် သေလွန်သောအခါမှာ လောဟကုမ္ဘီငရဲ၌ ဆင်းရဲဒုက္ခများစွာကို ခံစားနေရလေတယ်။ ဒီလိုနဲ့ ယခုပွင့်တော်မူခဲ့သော ဂေါတမဗုဒ္ဓလက်ထက်တွင် ကောသလအမည်ရှိသောဘုရင်သည် တစ်ပါးသောယောက်ျားရှိ မယားတစ်ယောက်အား လိုချင်၍ ယောက်ျားဖြစ်သူကို သေဒဏ်ပေးနိုင်အောင် မဖြစ်နိုင်သောအလုပ်တစ်ခုကို ခိုင်းခဲ့လေသည်။ ထိုယောက်ျားသည် သူတော်ကောင်းတစ်ယောက်ဖြစ်သောကြောင့် သူမဖြစ်နိုင်သည့် နဂါးပြည်ရှိသော မြေမုန့်နှင့်သစ်ပင်ကို နဂါးမင်း၏ အကူအညီဖြင့် ရရှိခဲ့လေသည်။
သို့သော်လည်း နေ့ချင်းမပြန်နိုင်အောင် ဘုရင်၏ အထောက်တော်အမတ်များက မြို့ရိုးတံခါးကို မိုးမချုပ်ခင် ပိတ်ထားခဲ့ကြတယ်။ ယောက်ျားဖြစ်သူလည်း တံခါးပိတ်ထားသောကြောင့် မြို့ပြင်မှာပင် အိပ်ခဲ့ရ၏။ ကောသလဘုရင်သည် သူ၏ မကောင်းသော အကြံကြောင့် ထိုညမှာပင် ကဿပဘုရားရှင်လက်ထက်၌ ကာမေသုမိစ္ဆာစာရကံကို ကျုးလွန်ခဲ့သော သူဌေးသားလေးဦးတို့၏ အော်ဟစ်သံကို ကြားခဲ့ရလေသည်။ သူဌေးသားလေးဦးတို့သည် ၎င်းတို့ခံနေရသော ငရဲပြည်ဒယ်အိုးကြီးထဲမှ အပေါ်သို့ ခေတ္တပေါ်လာချိန်တွင် နောက်တစ်ခါ ငရဲပြည်မှလွတ်၍ လူပြည်ပြန်ရောက်လျှင် ထိုကာမေသုမိစ္ဆာစာရကံစသော မကောင်းမှုများကိုရှောင်ကြဉ်ပြီး ကောင်းမှုကုသိုလ်များကိုသာ ပြုလုပ်မည်ဟု အော်ဟစ်ပြောဆိုကြလေသည်။
ထိုလေးဦးတို့သည် တစ်ယောက်ပေါ်လာလျှင် တစ်ခါအော်ဟစ်ကြရာ လေးဦးလုံးခေတ္တပေါ်ပေါက်လာချိန် သူတို့ပြောချင်သောစကားများကို အကုန်ပြောချင်ကြသော်လည်း ငရဲအိုးထဲမှ ခေတ္တမျှသာ အပေါ်သို့ လည်ပင်းပေါ်ရုံလေးပေါ်လာပြီး အောက်သို့ပြန်နစ်မြုစ်သွားကြလေသည်။ ထို့ကြောင့် သူတို့ပြောသောစကား၏ အဓိပ္ပါယ်ကို ကောသလမင်းသည် အကုန်မကြားရဘဲ လေးယောက်လုံး၏ အစဦးဆုံးတစ်လုံးစီသာ ကြားခဲ့ရလေ၏။
ကောသလဘုရင်သည် အဲဒီသူဌေးသားလေးဦးတို့၏ ဒုသနသော လေးလုံးကိုကြားရသောအခါ ထိတ်လန့်ခြင်းများဖြစ်ပြီး ဇောချွေးပြန်၍ နှိုးခဲ့လေသည်။ ထိုအကြောင်းအရာများကို မြတ်စွာဘုရားအား သွားရောက်မေးမြန်းသောအခါ မြတ်ဗုဒ္ဓက ထိုဒုသနသောဟူသော အသံလေးမျိုးသည် အရင်ဘုရားရှင်လက်ထက်က ကာမေသုမိစ္ဆာစာရကံကို ကျူးလွန်ခဲ့သော သူဌေးသားလေးဦး၏ အော်သံများဖြစ်ကြောင်း မိန့်ကြားခဲ့လေသည်။
ကာမေသုမိစ္ဆာစာရကံနဲ့ပတ်သတ်၍ သိသင့်သိထိုက်သော အချက်အလက်များကို ဦးဇင်းအရင်က ကိုယ်ပိုင်ဘဘော့၌လည်းကောင်း သူများဝက်ဆိုက်များ၌လည်းကောင်း တင်ထားခဲ့ပြီးဖြစ်သောကြောင့် ထိုနေရာများ၌သာ ဖတ်ရှု့ကြပါလေ။
(ဓမ္မပဒအဋ္ဌကထာ(ပ)အုပ်၊ စာမျက်နှာ(၂၈၄)တွင် အကျယ်ကြည့်ရှု့နိုင်ပါသည်။)အရှင်ဘုရား...အဝေးမှ ဦးတင်ပါသည်..အရှင်ဘုရား။
တပည့်တော်မှာမေးစရာမေးခွန်းတွေရှိနေလို့မေးခွင့်ပြုပါဘုရား။
၁။ စေတနာသည် ကံဖြစ်သည်လို့ဖတ်ဘူးပါတယ်(ဟုတ် မဟုတ်အရင်သိလိုပါတယ်ဘုရား) ဟုတ်ခဲ့ရင်
(က) စေတနာစေတသိက်ပါသော အမှုကိစ္စအားလုံးသည် သံသရာရှည်စေသော အကြောင်းရင်းဟုတ်ပါသလား (အရပ်သုံးပြောဆိုနေကြသောစေတနာသည် စေတနာစေတသိက်ကိုပဲ ရည်ရွယ်ပါသလား)
(ခ) ဘုရားရဟန္တာတွေရဲ့စိတ်တွေဟာ ကြိယာသက်သက်ဖြစ်တယ်လို့လဲ မှတ်သားဘူးပါတယ်ဘုရား။ (ဟုတ် မဟုတ်) ဟုတ်ခဲ့ရင်။
(ဂ) ကြိယာစိတ်မှာ ဘယ်လိုစေတသိတ်တွေနဲ့ ဘယ်လိုအမှုကိစ္စတွေဆောင်ရွက်လဲ သိချင်ပါတယ်ဘုရား။
၂။ ကောင်းမှုမကောင်းမှု ဘယ်လိုအမှုပဲပြုပြု သဘာဝနိယာမအရ တူညီတဲ့အကျိုး ပြန်လည် သက်ရောက်တယ်.(ကောင်းတာရော..မကောင်းတာတွေပါ..ပြန်လည်လာမယ်)လို့လဲမှတ်သားဘူးပါတယ်ဘုရား။ (ဟုတ် မဟုတ်) ဟုတ်ခဲ့ရင် ဥပမာလေးတခုနဲ့ စိတ်တခုဖြစ်ပုံနဲ့ စိတ်ရဲ့ ဘယ်အခြေအနေ ဘယ်အဆင့်မှာ ဘယ်လိုစွမ်းအားနဲ့ (action & reaction) သဘာဝနိယာမကို ဘယ်လိုဆက်စပ်ဆင်ခြင်ရမလဲဆိုတာ သိချင်ပါတယ်ဘုရား။ ရိုသေစွာဦးတင်လျှက်..
ဖြေ။ ။ (၁-က) စေတနာသည် ကံဖြစ်တယ်ဆိုတာ ဟုတ်ပါပေသည်။ စေတနာသည် စေတသိက်ပင်ဖြစ်ပါသည်။ အလုပ်ကိစ္စမှန်သမျှသည် ကံပင်ဖြစ်ပါတယ်။ စေတနာပါသော အမှုကိစ္စအားလုံးသည် သံသရာရှည်စေသော အလုပ်များမဟုတ်ပါပေ။ သံသရာမှ တဖြည်းဖြည်း လွှတ်အောင်အားထုတ်မှုနဲ့ အမြန်လွှတ်အောင် အားထုတ်မှုသာ ကွာခြားပေသည်။
ဒါနအမှုကိုပြုလုပ်သောသူသည် သံသရာတွင် ကြီးပွားချမ်းသာပြည့်စုံ၍ နေသောကြောင့် ဥပုသ်သီလဆောက်တည်ခြင်း၊ တရားဘာဝနာကို အေးဆေးစွာ ပြုလုပ်နိုင်ပါသည်။ ဒါနအမှုကို မလုပ်ခဲ့၍ ဆင်းရဲနေသောပုဂ္ဂိုလ်သည် စားဝတ်နေရေးအတွက် အလုပ်မအားသောကြောင့် ဥပုသ်သီလ ဆောက်တည်ရန် ခက်ခဲသကဲ့သို့ တရားအလုပ်ကို အေးဆေးစွာလုပ်ရန်မှာလည်း မိမိမှာ မပြည့်စုံသောကြောင့် နောက်ကြောင်းမအေးဘဲဖြစ်နေတတ်၍ တရားအလုပ်ကို စိတ်ချလက်ချ မပြုလုပ်နိုင်ကြပေ။
ထို့ကြောင့် ဒါနအလုပ်သည် သီလ ဘာဝနာတို့ကိုလုပ်ဆောင်ရန်အတွက် နောက်ခံအထောက်အပံ့ဖြစ်ပေသည်။ သို့ဖြစ်၍ ဘုရားရှင်သည် ဒါနပါရမီကို အစဦးစွာ ဖြည့်ကျင့်ခဲ့ပေသည်။
သံသရာရှည်စေသောတရားများသည် အကုသိုလ်အလုပ်များသာ ဖြစ်ပေသည်။ တစ်ချို့က ဒါနလုပ်ခဲ့၍ ချမ်းသာသော်လည်း သီလအလုပ် တရားအလုပ်တို့ကို မလုပ်သောကြောင့် သံသရာ၌ ရှည်လျားနေတတ်ပေသည်။ ဒီလောက်ဆိုရင် နံပါတ်(၁-က) ရှင်းလိမ့်မည်ထင်ပါသည်။
(ခ) ဘုရားရဟန္တာများ၏ စိတ်သည် ကြိယာစိတ်ဖြစ်ပါပေသည်။
(ဂ) ကြိယာစိတ်ဆိုသည်မှာ ကုသိုလ်အကုသိုလ်မှလွတ်သောစိတ်ကို ဆိုလိုပေသည်။ အကြောင်းတရားကြောင့် အကျိုးတရားဖြစ်တယ်ဆိုရာ၌ အကြောင်းတရား၏ ရည်ရွယ်ချက် မျှော်လင့်မှုပေါ်မှာမူတည်ပြီး အလုပ်လုပ်ကြသောကြောင့် ထိုမူတည်လုပ်သော အမှုကိစ္စအလျောက် အကျိုးပေးဆိုတာ ဖြစ်လာရပေသည်။
ဥပမာ-မိမိက လူတစ်ယောက်ကို ကူညီရာ၌ သူ့ဆီမှ ပြန်လည်၍ ကူညီမှုကို လိုချင်သောကြောင့်လည်းကောင်း၊ သူ့၏ ကျေးဇူးဆပ်ခြင်းတစ်ခုခုကို လိုချင်သောကြောင့် လည်းကောင်း ပြုလုပ်ပေးလျှင် ထိုသူထံမှ တုန့်ပြန်မှုကို မိမိက ခံစားချင်သော ဆန္ဒနဲ့ပြုလုပ်ခြင်းကြောင့် ထိုသူက ကောင်းသောတုန့်ပြန်မှုကိုပေးလျှင် ကောင်းသောတုန့်ပြန်မှုကို ခံစားရမည်။ မကောင်းသောတုန့်ပြန်မှုကို ပေးလျှင် မကောင်းသော တုန့်ပြန်မှုကို ခံစားရပေမည်။
မိမိက လူတစ်ယောက်ကို ကူညီသောအခါ သူ့ဆီမှ ဘာမျှော်လင့်ချက် အကူအညီ တုန့်ပြန်မှုကိုမှ မလိုချင်ဘဲ ကူညီရုံသက်သက်ဖြစ်လျှင် ထိုလူဆီမှ ဘယ်လိုတုန့်ပြန်မှုလာလာ မိမိသည် လက်မခံသောကြောင့် သူ၏တုန့်ပြန်မှုသည် အရာမရောက်တော့ပေ။
ထို့အတူ ကိလေသာမကင်းသေးသော ပုဂ္ဂိုလ်များသည် အကြောင်းတစ်ခုခုကိုပြုလုပ်ရာတွင် အကျိုးတစ်ခုခုရဖို့ရန် မျှော်လင့်ချက်ထားပြီး ပြုလုပ်ကြသောကြောင့် မိမိလုပ်သောအကြောင်းတရားသည် အကျိုးပေးတစ်ခုခု ရရှိနေပေသည်။ ထို့ပြင် မိမိတို့မှာ အကျိုးပေးရန်အတွက် အကျိုးပေးကိုခံစားရန် ခန္ဓာတစ်ခုခုဖြစ်ရန်လည်း ရှိနေပေသေးသည်။ ထိုအကျိုးပေးရန် ခန္ဓာကိုယ်ကို နောက်ထပ်ခန္ဓာကိုယ်မဖြစ်အောင် မပယ်သတ်နိုင်သေးသောကြောင့်လည်းကောင်း အကြောင်းတစ်ခုကို ပြုလုပ်ရာတွင်လည်း မျှော်လင့်ချက်ကိလေသာတစ်ခုခုနဲ့ လုပ်နေသေးသောကြောင့် ကုသိုလ်အကုသိုလ်ကံ တို့က အကျိုးပေးနေခြင်း ဖြစ်ပေသည်။
ဘုရားရဟန္တာတို့သည် အကျိုးပေးရန် ခန္ဓာကိုယ်ကိုလည်း နောက်ထပ် မဖြစ်နိုင်အောင် ပယ်သတ်ထားသောကြောင့်လည်းကောင်း အကြောင်းတစ်ခုခုကို လုပ်သောအခါ၌လည်း ဘာမျှော်လင့်ချက်မှမရှိဘဲ လူတစ်ယောက်အပေါ်မှာ ကူညီရုံသက်သက်မျှသာ သဘောထားသကဲ့သို့ လုပ်ဆောင်သောကြောင့် ကုသိုလ်ကံတို့က အကျိုးပေးချင်သော်လည်း အကျိုးပေးခွင့်မရဘဲ ပြောက်ပျယ်သွားရပေ သည်။ ဘုရားရဟန္တာများသည် မိမိချမ်းသာသလို နေနိုင်သော်လည်း သူတော်ကောင်းများဖြစ်၍ သူတို့လုပ်ပေးနိုင်သောအလုပ်များကို လုပ်ပေးနေခြင်း ဖြစ်ပေသည်။
(၂) ကုသိုလ်အကုသိုလ်တို့ရဲ့ အကျိုးပေးပုံကိုတော့ ဦးဇင်းရှေ့၌တင်ပြခဲ့သော ရေတွင်းထဲက ခဲလုံးကလေး ဥပမာနဲ့ဆို လုံလောက်မယ်ထင်ပါတယ်လေ။ ဒီလောက်ဆို လုံလောက်ပြီးဟု ထင်မြင်မိသောကြောင့် ဒီမျှနဲ့ပဲ နားပါရစေ။ မရှင်းလင်းတာများရှိပါက ထပ်မံမေးမြန်းဆွေးနွေးနိုင်ပါသည်။
ဒကာတစ်ဦးက ဦးဇင်းကို မေးလ်ပို့ မေးထားတဲ့ မေးခွန်းနှင့်အဖြေလေးကို လူသားအပေါင်း ဗဟုသုတရအောင် တင်ပြပေးလိုက်ပါတယ်။
မေး။ ။ အရှင်မြတ်ဘုရား သဘာဝနိယာမကိုပေါ်လွင်အောင်ရှင်းလင်းပြောနိုင်တဲ့ ဘုရားရဲ့ဂုဏ်တော်ကြောင့် လူသားတွေဟာ သဘာဝနိယာမတရားကို နားလည်သဘောပေါက်လာကြပြီး ဆင်းရဲခြင်းအမှန်ကို မလိုချင်တော့လောက်အောင်ဖြစ်လာခဲ့ပြီး ဖြစ်ခြင်းပျက်ခြင်း ငြိမ်းသတ်သွားနိုင်ခဲ့ကြတယ်လို့ မှတ်သားဖူးပါတယ် ဘုရား။ ဒါပေမယ့် ဘုရင်းရှင်ရဲ့ ရှင်းလင်းချက်တွေကို တစ်ဆင့်ပြီးတစ်ဆင့် တစ်ဦးမှတစ်ဦး တစ်ဘာသာမှ တစ်ဘာသာ ပြောင်းလဲလာခဲ့ကြတော့ ပုဂ္ဂိုလ်ရေးအာဘော်တွေနဲ့ ရှုပ်ထွေးကုန်ပြီး ဝေါဟာရ သံသရာပြန်လည် သွားရပါတယ်ဘုရား။ အရှင်ဘုရားအချိန်ရရင် တပည့်တော်ရဲ့ မေးခွန်းလေးတွေကို အရှင်းဆုံးဝေါဟာရနဲ့ ဖြေကြားပေးပါလို့ တောင်းပန်လျောက်ထားပါတယ်ဘုရား။
၁။ ကံရဲ့သတ္တိစွမ်းအားဟာ စိတ်ဖြစ်စဉ်ဘယ်အဆင့်မှာ နောက်အကျိုးပေးဖို့ ကိန်းအောင်းသွားသလဲ။
ဥပမာ-ဆင်တစ်ကောင်ကိုသတ်ခြင်းနဲ့ ခြင်တစ်ကောင်ကိုသတ်ခြင်းတို့ရဲ့ အကျိုးပေးဟာ ဇောကွာဟမှုကြောင့် ကွဲပြားတဲ့အကျိုးပြန်လည်မယ်လို့ထင်ပါတယ်ဘုရား။ ဆင်ကိုသတ်ရာမှာ စိုက်ထုတ်လိုက်ရတဲ့ စိတ်အင်းအားကသာလွန်လို့ အကျိုးပေးကလဲ ကြီးမယ်လို့ထင်ပါတယ်။ အဲဒီအချိန်မှာ အဲဒီပုဂ္ဂိုလ်ရဲ့စိတ်သဏ္ဍန်မှာ သေစေချင်စိတ်ဇောတွေနဲ့ အားထုတ်လိုက်လို့ သေလောက်တဲ့အမှုကိုပြုမယ် ဆင်ကလဲသေသွားမယ်ဆိုရင် သေစေလောက်တဲ့ကံသတ္တိတွေက အဲဒီပုဂ္ဂိုလ်ရဲ့သဏ္ဍန်မှာ ကိန်းအောင်းသွားလို့ အဆင်သင့်တဲ့ တစ်ချိန်မှာပြန်လည်ခံစားရမယ်ဆိုတာ လက်ခံနိုင်ပါတယ်ဘုရား။ ဒါပေမယ့် ငရဲဆိုတာကဘယ်လိုဆက်စပ်ယူရမလဲဘုရား စိတ်ဇောရဲ့ဘယ်အဆင့်ဘယ်အချိန် ဘယ်အခြေအနေကငရဲကျဖို့ အခြေအနေဖြစ်သွားရပါသလဲဘုရား။
ရိုသေစွာဖြင့်
ဖြေ။ ။ ဒကာတော်က ကံရဲ့အကျိုးပေးပုံကို သိချင်တာကိုး။ အလုပ်သည် ကံဖြစ်တယ်ဆိုတာကို လူတိုင်းသိကြလိမ့်မယ် ထင်ပါတယ်။ မိမိစေတနာအလျှောက် ကောင်းတာရော မကောင်းတာရော လူသားတွေဟာ လုပ်ဖြစ်ကြပါတယ်။ ကောင်းတဲ့အလုပ်ကိုလုပ်မယ်ဆိုရင်လည်း စေတနာက ပါပြီးသားပါ။ စေတနာ အနည်းအများ ကွာခြားမှုတော့ ရှိမှာပေါ့နော်။ စိတ်ပါတဲ့အရာဆိုရင် စေတနာများစွာပါပြီး စိတ်မပါတဲ့အရာဆိုရင် စေတနာနည်းပါးပါမယ်။
အဲဒီတော့ မိမိရဲ့ စိတ်ပါမှု(စေတနာပါမှု) မပါမှုပေါ်မှာ မူတည်ပြီး အလုပ်ကိစ္စသည် အောင်မြင်မှု ကျရုံးမှုရှိသလို ကုသိုလ်ကံ အကုသိုလ်ကံသည်လည်း မိမိရဲ့ စိတ်(စေတနာ) ပါမှု မပါမှုပေါ်မှာမူတည်ပြီး အကျိုးပေး နည်းများ ကွာခြားသွားပါတယ်။
ပထမဦးဆုံး ကံရဲ့အကျိုးပေးမှုကို နားလည်အောင် ဥပမာပေးချင်ပါတယ်။ ကံသည် ဘယ်လိုအကျိုးပေးသလဲဆိုရင် ရေတွင်းတစ်ခုထဲကို ခဲလုံးတစ်ခု ပစ်ချလိုက်ရင် ခဲလုံးကျတဲ့နေရာမှာ ရေပွက်လေးဟာ ဗွမ်းကနဲ့ နဘေးကိုရေလှိုင်ကလေး ဖြစ်သွားပါတယ်။ အဲဒီရေလှိုင်လေးဟာ နဘေးသို့ရောက်သွားသော်လည်း မကြာခင်မှာ ခဲလုံးကျတဲ့နေရာကို ပြည်လည်စုစည်းပြီး ရောက်လာပါတယ်။
အဲဒီလိုပါပဲ မိမိလုပ်လိုက်တဲ့အမှုကိစ္စသည် အကျိုးပေးချိန်မရောက်သေးရင် ရေလှိုင်းကလေး နဘေးသို့ လွင့်နေတဲ့အချိန် ဖြစ်နေတတ်ပေမဲ့ အကျိုးပေးဖို့ အချိန်ရောက်လာရင်တော့ မိမိခဲလုံးလေးထံ ပြန်လည်ပြီး အကျိုးပေးပါတယ်။ မိမိသည် ခဲလုံးလေးနဲ့တူပြီး ကောင်းကံ မကောင်းကံသည် ရေလှိုင်းနဲ့တူပါတယ်။ လောကကြီးသည် ရေတွင်းနဲ့တူပါတယ်။ မိမိလုပ်တဲ့အလုပ်သည် မိမိကိုပြန်ပြီး ရောင်ပြန်ဟပ်တာပါပဲ။ လှိုင်ဂူထဲမှာ မိမိက ဟေ့လို့အော်လိုက်ရင် မကြာခင်မိမိဆီကို ဟေ့ဆိုတဲ့ရောင်ပြန်သံက ပြန်ရောက်လာသလို မိမိလုပ်တဲ့ကောင်းကံ မကောင်းကံက မိမိဆီကို ပြန်ရောက်လာတာပါပဲ။
မိမိလုပ်တဲ့အားထုတ်မှုပေါ်မှာ မူတည်ပြီး အကျိုးပေး နည်းများကလည်း ကွာခြားသွားပါတယ်။ ခဲလုံးကလေးကို လွတ်ချလိုက်တဲ့အခါ အားပါရင် အားပါသလောက် ရေပွတ်ဟာ ကြီးမားသကဲ့သို့ ရေလှိုင်းကလည်း ကြီးမားသွားသလို အကျိုးပေးဟာလည်း စေတနာပါမှုအားထုတ်မှုပေါ်မှာ မူတည်ပြီး အကျိုးပေးပါတယ်။
ဆင်တစ်ကောင်နှင့်ခြင်တစ်ကောင်သတ်ရမှာလည်း ဆင်ကိုသတ်ရာ၌ ခြင်ထက် ပိုမိုအားထုတ်သတ်ရသောကြောင့် အကျိုးပေး ကွာခြားပါတယ်။ ခဲလုံးကလေးကို မရွေ့ရသောအားထုတ်မှုနဲ့ ကျောက်တုံးကြီးကိုမရွေ့ရသော အားထုတ်မှုချင်း မတူသကဲ့သို့ ဖြစ်ပေသည်။
ကုသိုလ်ကံသည် အကျိုးပေးဖို့ရာ မိမိနောက်မိမိအရိပ်လိုက်သကဲ့သို့ လိုက်နေပါသည်။ အကုသိုလ်ကံသည် အကျိုးပေးဖို့ရာ နွားခြေရာနောက် လှည်းဘီးလိုက်သကဲ့သို့ လိုက်နေပါသည်။ ထို့ကြောင့် မိမိမှာ အကုသိုလ်ကံများနေလျှင် အကုသိုလ်ကံက အရင်အကျိုးပေး၍ ကုသိုလ်ကံက နောက်မှအကျိုးပေးလိမ့်မည်။ မိမိမှာ ကုသိုလ်ကံက များနေလျှင် ကုသိုလ်ကံက အရင်အကျိုးပေး၍ အကုသိုလ်ကံက နောက်မှ အကျိုးပေးပါလိမ့်မည်။
ဒီလောက်ဆိုရင် ရှင်းလိမ့်မည် ထင်ပါသည်။ မရှင်းလင်းသေးပါက ထပ်မံမေးမြန်းနိုင်ပါသည်။ ယခုတော့ ဤမျှနဲ့ နားပါရစေ။
ဦးဇင်းအား မေးလ်ပို့ပြီးမေးထားတဲ့ မေးခွန်းလေးကို လူသားအားလုံး ဗဟုသုတရစေရန် ပို့စ်တင်၍ ဖော်ပြပေးလိုက်ခြင်း ဖြစ်ပါသည်။
မေး။ ။ မေးထားတဲ့မေးခွန်းလေးက....အရှင်ဘုရား အခုခေတ်မှာ စပွန်ဆာဆိုပြီး အရမ်းခေတ်စားနေတယ်လေ၊ မင်းသမီးတွေဆိုလဲ ဒီအတိုင်းပဲ ဘယ်သမီးကို ဘယ်သူက စပွန်ဆာပေးတာစသည်ဖြင့်ပေါ့နော်။ တကယ်တမ်းစဉ်းစားကြည့်မယ်ဆို အဲဒီစပွန်ဆာပေးတဲ့ လူတွေမှာ မိန်းမရှိနေတာပဲ။ အဲဒီတော့ ပေးတဲ့သူရော လက်ခံတဲ့သူရော ကာမေသုမိစ္ဆာစာရကံ ထိုက်မထိုက် သိချင်ပါတယ်။ နှစ်ယောက်စလုံး ထိုက်ပါသလား မထိုက်ဘူးလားဘုရားတဲ့။
ဖြေ။ ။ အင်း ဒီမေးခွန်းတွေကို ဖြေပေးဖို့က တော်တော်ကို ခက်ပါတယ်။ ဘာဖြစ်လို့လဲဆိုတော့ ဒီလိုမျိုးလုပ်နေတဲ့လူတွေက အပြစ်တင်မှာဆိုးလို့လေ။ နောက်ပြီး ဒီကိစ္စတွေက တွင်ကျယ်စွာဖြစ်နေကြတာကို လူတိုင်းလိုလို သိရှိမယ်ထင်ပါတယ်။ အဲဒီတော့ လိုရင်းပဲ ဖြေပေးလိုက်ပါမယ်။
အိမ်ထောင်ကျပြီးသား ယောက်ျားမိန်းမတို့သည် မိမိလင်မိန်းမမှတစ်ပါး တစ်ပါးသူနဲ့ ကျူးလွန်လျှင် အပြစ်ရှိပါတယ်။
ယောက်ျားလေးများသည် မိမိတရားဝင် တောင်းရမ်းထားသူ၊ လက်ထပ်ထားသူမှတစ်ပါး ကျန်သောမိန်းကလေးများနဲ့ ကျူးလွန်လျှင် အပြစ်ရှိပေသည်။ ပြည်တန်ဆာမနဲ့ကျူးလွန်လျှင်လည်း အပြစ်ရှိပေသည်။ ပြည်တန်ဆာမသည် ဘ၀ပေးအခြေအနေ စားဝတ်နေရေးအတွက် လုပ်နေရသော်လည်း သူ၏အုပ်ထိန်းသူထံမှ တရားဝင်တောင်းရမ်းမယူသောကြောင့် ဖြစ်ပေသည်။ ပြည်တန်မကိုယ်တိုင်လည်း အုပ်ထိန်းသူများ၏ ခွင့်ပြုချက်မရဘဲ ကျူးလွန်ပါက အပြစ်ရှိပေသည်။ အုပ်ထိန်းသူများ၏ ခွင့်ပြုချက်ရရှိသော ပြည်တန်ဆာမသည် တစ်ယောက်သူ၏ ကမ်းလှမ်းမှုကို လက်ခံထားပြီး ထိုလက်ခံထားသူအား တာဝန်မကျေသေးဘဲ ကျန်တစ်ပါးနဲ့ ကျူးလွန်လျှင်လည်း အပြစ်ရှိပေသည်။
အိမ်ထောင်မရှိသော မိန်းကလေးများသည် အိမ်ထောင်မရှိသော ယောက်ျားလေးနဲ့ ကျူးလွန်ရာ၌ အမိ၊ အဖ၊ မိဘနှစ်ပါး၊ အကိုမောင်၊ အမညီမ၊ ဆွေမျိုး၊ အမျိုးအနွယ်၊ သူငယ်ချင်းများ အုပ်ထိန်းသူ ဤမိန်းမ(၈)ဦးတွင်ပါဝင်ပါက အပြစ်မရှိပါပေ။ သို့သော် ယောက်ျားလေးများအား ကာမရာဂထကြွအောင်ပြုလုပ်လျှင် ထိုမိန်းကလေးသည် တဏှာရာဂဖြစ်မူ အကုသိုလ်ဖြစ်ပါပေသည်။
တစ်ချို့သော ယောက်ျားလေးများက ပြောပေလိမ့်မည်။ မိန်းကလေးက သဘောတူ၍ ပြုကျင့်တာ အပြစ်မရှိဟု။ တရားဝင် စောင့်ရှောက်သူများ၏ ခွင့်ပြုချက်မရဘဲ ကာမကို ယူခြင်းကြောင့် အပြစ်ရှိပေသည်။ မိန်းကလေးသည် အထက်ဖော်ပြပါ (၈)ယောက်စာရင်းတွင် ပါဝင်ပါက သူတို့သည် သူတို့၏ ကာမကို ပိုင်ဆိုင်သောကြောင့် အပြစ်မရှိခြင်း ဖြစ်ပေသည်။ တစ်စုံတစ်ယောက်က သူတို့၏ အုပ်ထိန်းသူထံမှ တရားဝင်တောင်းယူထားပြီးပါက ထိုသူနဲ့မှတစ်ပါး ကျန်တစ်ပါးနဲ့ ကျူးလွန်လျှင် မိန်းကလေးသည် အပြစ်ရှိပါသည်။
ဤမျှလောက် ရေးသားတင်ပြလျှင် ရှင်းမည်ထင်ပါသည်။ မရှင်းလင်းသေးပါက ထပ်မံမေးမြန်းဆွေးနွေးနိုင်ပါသည်။
ယခုတည်ရှိနေသော လူသားတို့သက်တမ်းသည် (၇၅)နှစ် သက်တမ်းဖြစ်ပေသည်။ ထိုမှတဆင့်ချင်း လူသားတို့ သက်တမ်းသည် တဖြည်းဖြည်းချင်း ဆုတ်ယုတ်သွားပေမည်။ မည်မျှထိ ဆုတ်ယုတ်သွားမည်ဆိုသော် (၁၀)နှစ် သက်တမ်းထိ ဆုတ်ယုတ်လာပေမည်။ ထိုသို့ လူတို့သက်တမ်းလည်း ဆုတ်ယုတ်လာ၍ (၁၀)နှစ်တမ်းတွင် ကောင်းမှုကုသိုလ်များလည်း ဆုတ်ယုတ်လာကြကာ တစ်ယောက်နဲ့တစ်ယောက် မျက်နှာချင်းဆိုင်တွေ့လျှင်ပင် သတ်ဖြတ်ခြင်းများ ပြုလုပ်လာကြလိမ့်မည်။
ထိုသို့ တစ်ယောက်နဲ့တစ်ယောက် သတ်ဖြတ်ခြင်းများပြုလုပ်၍ လူသားများအကုသိုလ်များနေချိန်တွင် လူသားတို့သည် ထိတ်လန့်ကြောက်ရွံ့ခြင်းများဖြစ်ပြီး မြို့ရွာများတွင် မနေရဲဘဲ တောထဲ တောင်ပေါ်များတွင် တက်ရောက်ပုန်ခိုးနေကြပေလိမ့်မည်။ ထိုသူများသည် တောတောင်များထဲတွင် သီလစောင့် တရားများကျင့်ကြံကြသည့်အတွက် ထို(၁၀)နှစ်သက်တမ်းမိဘများမှ မွေးဖွားသော သားသမီးများသည် အနှစ်(၂၀) အသက်ရှည်လာမည်။ အသက်(၂၀)မိဘများမှ မွေးဖွားသော သားသမီးများသည် အနှစ်(၄၀) အသက်ရှည်လာကြမည်။ ထိုကဲ့သို့ တစ်ဆင့်ချင်းတိုးပြီး အသက်ရှည်လာကြရာ လူသားတို့သက်တမ်း နှစ်(၈၀၀၀၀)သက်တမ်းတွင် အရိမေတ္တေယျဘုရားရှင် ပွင့်ထွန်းပေါ်ပေါက်ပါလိမ့်မည်။ အရိမေတ္တေယျဘုရားရှင်လက်ထက်တွင် လူသားတို့သည် နတ်သားနတ်သမီးများကဲ့သို့ ချောမောလှပပြီး အနာရောဂါများ အကုန်ကင်းရှင်းကြလိမ့်မည်။ ဘုရားရှင်၏ ရောင်ခြည်တော်ကြောင့် နေ့ညခွဲ၍မရအောင် လင်းထိန်းနေပေလိမ့်မည်။ ကြက်တွန်းသံကို အမှတ်အသားပြု၍ နေ့ညခွဲကြရပေမည်။
အရိမေတ္တေယျဘုရားရှင်လက်ထက်တွင် လူသားတို့သည် စားစရာ ၀တ်စရာ နေစရာများလည်း ပြည့်စုံနေ၍ ပင်းပန်းစွာ အလုပ်မလုပ်ရပေ။ ထိုအချိန်၌ လောဘကာမစိတ်ဖြစ်ခြင်း၊ အိုမင်ရင့်ရော်ခြင်း၊ ဆာလောင်ခြင်းဟူသော အချက်သုံးချက်သည်သာ ရောဂါဟု သတ်မှတ်ကြရပေမည်။
ယခုတည်ရှိနေသော ဘဒ္ဒကမ္ဘာသည် နောက်ပွင့်လာမည့် အရိမေတ္တေယျဘုရားရှင်၏ သာသနာကွယ်ပြီးနောက် လူသားများ သက်တမ်းယုတ်လျှော့လာမည်။ ထို့ပြင် ကုသိုလ်ကောင်းမှုများပျောက်၍ အကုသိုလ်များ ထူပြောလာကာ တစ်ယောက်နှင့်တစ်ယောက်သတ်ဖြတ်ခြင်းများ ပြုလုပ်ကြပေလိမ့်မည်။ လူအချင်းချင်းတွေ့လျှင်ပင် သတ်ဖြတ်ခြင်းများ ပြုလုပ်သည့်အထိ အကုသိုလ်များ ပေါများလာချိန်တွင် ကမ္ဘာ့စောင့်နတ်များမှ လူသားများကို ကမ္ဘာ့မြေကြီး ပျက်စီးတော့မည်။ သီလများ စောင့်ထိန်းကြပါ။ တရားဘာဝနာများ ပွားများကြပါဟု တိုက်တွန်းစကား ပြောကြပါလိမ့်မည်။
အသိဉာဏ်ရှိသော လူသားများသည် ကမ္ဘာစောင့်နတ်တို့၏ အသိပေးမှုအပေါ် သတိသံဝေဂရ၍ တောတောင်ထဲတွင် သီလစောင့်ပြီး တရားအားထုတ်ကြရာ လောကီဈာန်အဘိညာဉ်ရရှိကြသဖြင့် အထက်အရူပလေးဘုံ၌ ဗြဟ္မာကြီးများ ဖြစ်ကြပါလိမ့်မည်။ သီလမစောင့် တရားအားမထုတ်သောပုဂ္ဂိုလ်များသည် အ၀စီငရဲသို့ ရောက်ရှိ၍ သွားကြပေလိမ့်မည်။
ထိုသို့ ကမ္ဘာစောင့်နတ်သားများ၏ သတိပေးပြီး များမကြာမီတွင် နေများ လေများ ရေများဒဏ်ကြောင့် ယခုတည်ရှိနေသော ဘဒ္ဒကမ္ဘာကြီးသည် အထက်နတ်ပြည်များ အောက်ကငရဲသေးလေးများပါမကျန် ပျက်စီးသွားပါသည်။ နိဗ္ဗာန်သို့ မရောက်ရှိသေးသော သတ္တ၀ါမှန်သမျှတွင် ကောင်းမှုရှိသူတို့က အထက်ဗြဟ္မာဘုံ၌ ဗြဟ္မာကြီးများဖြစ်၍ ကောင်းမှုမရှိသူတို့က အောက်အ၀ီစိတို့တွင် ငရဲသားများ ဖြစ်နေကြပါလိမ့်မည်။
ထို့နောက် ကာလအတော်ကြာသောအခါမှ နောက်ကမ္ဘာမြေကြီးတစ်ခုဖြစ်ဖို့ရန်အတွက် တဖြည်းဖြည်းချင်း ပြန်ဆက်စပ်တည်ရှိပြီး ရေမြေတောင်တောင်များဖြင့် ဓါတ်မြေသြဇာအဆီအနှစ်များနဲ့ ပြည့်စုံသော ကမ္ဘာမြေကြီးတစ်ခု ပြန်လည်၍ ဖြစ်ပေါ်လာပါမည်။ ကမ္ဘာမြေကြီးဖြစ်ပေါ်လာပြီးနောက် ဗြဟ္မာပြည်မှ သက်တမ်းကုန်သော ဗြဟ္မာများက လူပြည်၌ လူသားလာ၍ ဖြစ်ကြသည်။
ကမ္ဘာမြေကြီးဖြစ်ပေါ်လာပြီး လူသားတို့စတင်ဖြစ်ပေါ်လာပုံကို အရင်တင်ထားသော ``လူသားစတင် ဖြစ်ပေါ်လာပုံ´´ဆောင်းပါး၌ ဖတ်ရှု့ကြပါလေ။ ခုတော့ ဒီမျှနဲ့ပဲ နားပါရစေ။ (ဤဆောင်းပါးပါ အကြောင်းအရာများကို အကျယ်တ၀င်း ဖတ်ရှု့ချင်ပါက ပါထိက၀ဂ်ပါဠိတော်၊ စက္က၀တ္တိသုတ်တော်တွင် ကြည့်ရှု့နိုင်ပါကြောင်း။)
လူသားသည် မျောက်ဘ၀မှ စတင်ခြင်းမဟုတ်သလို ဖန်ဆင်ရှင်တွေက ဖန်ဆင်ပေးတာလည်း မဟုတ်ပါ။ ကမ္ဘာတစ်ခုပျက်ပြီး နောက်တစ်ခုကမ္ဘာအသစ်ဖြစ်ပေါ်လာတဲ့အခါ ဗြဟ္မာပြည်က သက်တမ်းကုန်သော ဗြဟ္မာများသည် လူ့ဘုံ၌ အထီးအမ မခွဲခြားသေးဘဲ လူသားများ ဖြစ်လာကြလေသည်။
ဗြဟ္မာပြည်ကနေ လူ့ပြည်၌ လူလာဖြစ်ကြသော ဗြဟ္မာတွေမှာ သူတို့ရဲ့ ကုသိုလ်ကံ ဘုန်းတန်ခိုးအရှိန်ကြောင့် လူ့ပြည်မှာဘာမှလုပ်စရာမလိုဘဲ စားစရာ အသီးအပင်များ ၀တ်စရာအ၀တ်အထည်ပင်များသည် ပဒေသာပင်သီးကုံးထားသကဲ့သို့ အလိုလို မြေကြီးပေါ်မှာ ပေါက်ရောက်နေကြတဲ့အတွက် အဲဒီအပင်တွေကနေ အသာလေး ယူစားဝတ်ဆင်ရုံပါပဲ။ ထို့ပြင် ပထ၀ီမြေဓါတ်ကြီးဟာလည်း သန့်ရှင်စင်ကြယ်ပြီး အဆီသြဇာတို့နဲ့ ပြည့်စုံနေတဲ့အတွက် စားချင်သဖွယ် ရှိနေပေသည်။
ဒီလိုနဲ့ တစ်နေ့မှာ အသိဉာဏ်ကင်းမဲ့တဲ့ လူတစ်ယောက်သည် မြေကြီးကိုလက်နဲ့ကလော်ပြီး လျှာပေါ်တင်ကြည့်ရာ အရသာတစ်မျိုးခံစားရသောကြောင့် ထိုရသပေါ်၌ ခံစားရသော ရသတဏှာစတင် ပေါ်ပေါက်ခဲ့ပေသည်။ အဲဒီပုဂ္ဂိုလ်မှ စတင်စားလိုက်တာ ကျန်တဲ့လူသားအားလုံးလည်း လိုက်စားကြသည့်အတွက် လောဘအကုသိုလ်စိတ်တွေဖြစ်ကုန်ကျတာနဲ့ အလိုလိုသီးပွင့်ပေးနေတဲ့ ပဒေသာပင်တွေသည် ပျောက်ကွယ်သွားပါပေသည်။ မြေကြီးပေါ်က အဆီသြဇာတွေကို စားသောက်ခြင်းကြောင့် ခန္ဓာကိုယ်ထဲကနေ အပုတ်အသိုးတွေ ယိုးစီးဖို့ရန် အင်္ဂါအပေါက်တွေ ပေါ်ပေါက်လာပြီး ကုသိုလ်ကံအလိုက် ယောက်ျားမိန်းမ ကွဲပြားလာခဲ့ပေသည်။
ဒီလိုနဲ့ မြေအဆီအနှစ်များကို ယူစားရင်း လောဘကြီးသူတွေက တစ်နေ့စာအပြင် နောက်တစ်ရက်စာ ယူထားကြလို့ သူ့နေရာ ကိုယ့်နေရာဟု မြေကြီးကို သတ်မှတ်ခွဲဝေခြင်း ပြုလုပ်ကြရပြန်ပါသည်။ ယောက်ျားမိန်းမ အင်္ဂါဇာတ်တွေ ပေါ်လာတဲ့အခါ လူတွေဟာ တစ်ယောက်နဲ့တစ်ယောက် ထိတွေ့မှုကနေ ကာမစိတ်ကျူးလွန်ခြင်းများ ဖြစ်လာကြပေသည်။ ကာမကျူးလွန်ကြတဲ့ပုဂ္ဂိုလ်များသည် မကျူးလွန်သောသူများက သိလျှင် ကဲ့ရဲ့ကြမှာကြောက်၍ အကာအကွယ်အိမ်များ စတင်ဆောက်လုပ်လာကြပေ သည်။
ထိုသို့ ကာမစိတ်များ တဖြည်းဖြည်းချင်း လူသားတွေမှာ တိုးပွားလာတာနဲ့ မြေကြီးမှာရှိတဲ့ မြေသြဇာတွေကလည်း တဖြည်းဖြည်းချင်း ယုတ်လျှော့လာသည့်အတွက် စိုက်ပျိုးခြင်း ထွန်းယက်ခြင်းများ စတင်၍ ပြုလုပ်လာကြလေသည်။
ကမ္ဘာတစ်ခုပြီး၍ နောက်ကမ္ဘာအသစ်ပေါ်ပေါက်လာပုံကို ဆက်လက်ရေးသားတင်ပြပေးပါမည်။ ယခုတော့ ဒီမျှနဲ့ နားပါရစေ။
ဤကမ္ဘာလောကကြီးတွင် ဖြစ်ထွန်းပေါ်ပေါက်နေသော အကျိုးတရားဟူသမျှတို့သည် အကြောင်းတရား ကြောင့်သာ ဖြစ်ပေါ်လာရခြင်း ဖြစ်ပေသည်။ အကြောင်းတရားမှကင်းသော အကျိုးတရားဟူ၍ မရှိပါချေ။ သို့ဖြစ်၍ အကျိုးတရားကိုလိုချင်လျှင် အကြောင်းတရားကို ရှာမှီးအားထုတ်ရပေမည်။
အသီးကိုလိုလျှင် အပင်ကို စိုက်ပျိုးရမည်။ ဘုရားဖြစ်လိုလျှင် ဘုရားဖြစ်ကြောင်း ပါရမီတော်တို့ကို ဖြည့်ကျင့်ရမည်။ မြင့်မြတ်သူဖြစ်လိုလျှင် မြင့်မြတ်သည့်အတွေးအခေါ် လုပ်ဆောင်ချက်များ ရှိရပေမည်။
လောက၌ရှိသော လူသားတို့သည် များသောအားဖြင့် ပုထုဇဉ်များသာ ဖြစ်ကြ၏။ ပုထုဇဉ်တို့၏ သဘောသဘာဝသည် မိမိကိုယ်ကိုသာလျှင် အချစ်ဆုံးချစ်သူများ ဖြစ်ကြ၏။ သူတစ်ပါးအား မေတ္တာစစ် မေတ္တာမှန်ဖြင့် ချစ်နိုင်ဖို့ရန် ခဲယဉ်းကြပေသည်။ သူတစ်ပါးအား မေတ္တာစစ် မေတ္တာမှန်ဖြင့် မချစ်နိုင်သေးသမျှကာလပတ်လုံး သာမန်ပုထုဇဉ်ဘ၀ဖြင့်သာ သံသရာထဲ၌ ကျင်လည်နေရပေဦးမည်။
မိမိကိုယ်ထက် သူတစ်ပါးကိုပို၍ မေတ္တာ ကရုဏာဖြင့် ချစ်တတ်ပြီး အများအကျိုးကို ဆောင်ရွက်တတ်သော ပုဂ္ဂိုလ်ဖြစ်မှသာလျှင် ထိုသူသည် မြင့်မြတ်သည့်ပုထုဇဉ်များဖြစ်၍ သံသရာထဲမှ လျှင်မြန်စွာ လွန်မြောက်ပေလိမ့်မည်။
လူ့ဘ၀သည် တိုတောင်းလှသော ကာလလေး၌ပင် ကုန်ဆုံးသွားသောကြောင့် ထိုအချိန်ကာလအတွင်း အများအကျိုး လောကကောင်းကျိုးများအတွက် မြင့်မြတ်သည့် ပရဟိတလုပ်ငန်းများကို လုပ်ဆောင်ကာ မိမိ၏ဘ၀ကို သာမန်ပုထုဇဉ်ဘ၀မှ မြင့်မြတ်သည့်ပုထုဇဉ်ဘ၀သို့ရောက်အောင် ရခဲလှသောလူ့ဘ၀လေး၌ အသုံးချကြရန် လိုအပ်ပါပေသည်။
ရခဲလှသောလူ့ဘ၀လေးမှာ ရောက်ရှိလာပြီး အများအကျိုး ကောင်းမှုကုသိုလ်များ မလုပ်ဘဲသေသွားပြီးဆိုလျှင် ထိုသူကို မည်သူကမျှ မှတ်တမ်းတင်ထားမည် မဟုတ်ပေ။ မိမိကောင်းစားရေးတစ်ခုသာကြည့်ပြီး မိမိကောင်းစားရေးကိုသာ လုပ်ဆောင်သောပုဂ္ဂိုလ်၊ မိမိကိုယ်သာချစ်ပြီး တစ်ပါးသူကို မေတ္တာ ကရုဏာဖြင့် မချစ်တတ်၍ အများအကျိုးကို လုပ်ဆောင်မသွားသောပုဂ္ဂိုလ်တို့ သေသွားလျှင် ထိုသူသည် လူဖြစ်သော်လည်း ဆန်ကုန်မြေလေးလူမျှသာ ဖြစ်ပေလိမ့်မည်။
ထို့ကြောင့် ကျွန်ုပ်တို့ လူသားများသည် ရခဲလှသော လူ့ဘ၀လေးမှာ မိမိခန္ဓာကိုယ်ထက် သူတစ်ပါးကို မေတ္တာ ကရုဏာများဖြင့် ချစ်တတ်ပြီး အများကောင်းကျိုးများအတွက် မိမိတတ်နိုင်သည့်ဘက်မှ နေ့စဉ်ပြုလုပ်ပေးသွားမည်ဆိုလျှင် ထိုသူသည် မြင့်မြတ်သော နှလုံးသားပိုင်ရှင်ဖြစ်၍ လူဖြစ်ရကျိုးနပ်သော လူတစ်ယောက်ဖြစ်သောကြောင့် သံသရာ၌လည်း မြင့်မြတ်သည့်ပုဂ္ဂိုလ်ဖြစ်ပြီးလျှင် ချမ်းသာသုခခံစားရာအမှန် မြတ်နိဗ္ဗာန်သို့လည်း လျှင်မြန်စွာ ရောက်ရှိနိုင်ပေလိမ့်မည်။
လူသားအားလုံး ရခဲလှသော လူ့ဘ၀လေး၌ မိမိကိုယ်ထက် တစ်ပါးသူကို မေတ္တာ ကရုဏာအမှန်များဖြင့် ချစ်နိုင်ကြပါစေလို့ ဆန္ဒပြုလျက်.....................
အရှင်ကောမလ(ခ)ဆန်နီနေမင်း
Sanninaymin@gmail.com
သာသနတက္ကသီလဓမ္မာစရိယ
B.A (Buddhism)
M.A (university of Kelaniya)
ကိုလံဘိုမြို့၊ သီရိလင်္ကာနိုင်ငံ။
မိစ္ဆာစာရ၊ ကျူးလွန်ကလည်း၊ မုန်းကြသူများ၊ ရန်သူပွား၍၊ ရှားပါးလာဘ်တိတ်၊ ချမ်းသာဆိတ်၏။ ဣတ္ထိပဏ္ဍုတ်၊ မျိုးယုတ်ခါခါ၊ မျက်နှာမလှ၊ အရှက်ရလျက်၊ လက္ခဏဣနြေ္ဒ၊ ယွင်းသေချို့သိမ်၊ စိုးရိမ်များစွာ၊ ချစ်သူကွာသည်။ ရှောင်ကာအပြန်အကျိုးတည်း။
ကာမေသုမိစ္ဆာရကံသည် အလွန်ကြောက်စရာကောင်းသော အပြစ်ဖြစ်ပေသည်။ ကျွတ်တမ်းဝင်မည့် အရှင်အာနန္ဒာ၊ ဣသိဒါသီထေရီမ ပါရမီရှင်ကြီးများသည်ပင် ကျွတ်တမ်းဝင်မည့် ဤဘဒ္ဒကမ္ဘာ တစ်ခုသောဘ၀တွင် ကာမေသုမိစ္ဆာစာရကံကို ကျူးလွန်မိခဲ့သောကြောင့် ဆင်းရဲပေါင်းစုံနဲ့ ကြုံတွေ့ခံခဲ့ရပေသည်။
အရှင်အာနန္ဒလျောင်းလျာသည် ငရဲ၌ နှစ်ပေါင်းများစွာ၊ လူပြည်၌ မိန်းမဘ၀၊ ပဏ္ဍုတ်ဘ၀တို့ ဖြစ်ခဲ့သည့်အပြင် တိရစ္ဆာန်ဘ၀ပေါင်းများစွာတို့၌ အထီးဖြစ်သော်လည်း ဝှေ့စေ့အထုတ်ခံရသော ဆင်းရဲဒုက္ခများစွာဖြင့် ကြုံတွေ့ခဲ့ရပေသည်။
ဣသိဒါသီထေရီမသည်လည်း ကျွတ်တမ်းဝင်မည့် ဤဘဒ္ဒကမ္ဘာ လူ့ဘ၀တစ်ခုဝယ် ကာမေသုမိစ္ဆာစာရကံကို ကျူးလွန်ခဲ့ခြင်းကြောင့် ငရဲ၌နှစ်ပေါင်းများစွာ ဒုက္ခခံရပြီးနောက် ကျွတ်တမ်းဝင်မည့် ယခုဘ၀ပင်လျှင် လင်ယောက်ျားအမျိုးမျိုးကို မိန်းမကောင်းအင်္ဂါဖြင့် ပြုစုပေးခဲ့သော်လည်း လင်ယောက်ျားတို့၏ စွန့်ပစ်ခြင်းကို ခံခဲ့ရပေသည်။ မိဘများက ချမ်းသာပြီး သူ့၏ရုပ်အင်္ဂါကလည်းလှ မယားကျင့်ဝတ်လည်းညီအောင် နေပေခဲ့သော်လည်း ကာမေသုမိစ္ဆာစာရကံကြောင့် ယောက်ျားများ၏ စွန့်ပစ်ခြင်းကို ခံခဲ့ရပြီးမှ ရဟန္တာထေရီမဖြစ်ခဲ့ရပေသည်။
လောက၌ မိတ်ဆွေကောင်းလျှင် ကောင်းကျိုးများရသကဲ့သို့ အပေါင်းအသင်းများ မကောင်းလျှင်လည်း ယခုဘ၀တွင် မကောင်းမှုများ ပြုလုပ်တတ်ကြပေသည်။ အပေါင်းအသင်းမကောင်း၍ မကောင်းမှုများလုပ်မိလျှင် ယခုဘ၀တွင်လည်း ဘ၀ပျက် လမ်းဘေးရောက်တတ်သလို နောင်ဘ၀တွင်လည်း ဆိုးကျိုးများနဲ့သာ ရင်ဆိုင်ရပေလိမ့်မည်။
တစ်ချို့က သူများက မြောက်ပင့်ပြောဆိုပေးလျှင် ကောင်းတဲ့အလုပ်လား မကောင်းတဲ့အလုပ်လားဟု မစဉ်းစားမဆင်ခြင်ဘဲ လုပ်တတ်ကြပေသည်။ တစ်ချိ့က သတ္တိရှိတာနှင့်မိုက်မဲတာကို မခွဲခြားတတ်ပေ။ ကောင်းတဲ့အလုပ်ကို သူများထက်သာအောင် သူများမလုပ်ရဲသည့်အလုပ်ကို လုပ်ဆောင်ပေးခြင်းကိုသာ သတ္တိရှိခြင်းဖြစ်ပြီး မကောင်းမှုကို သူများထက်သာအောင် သူများမလုပ်ရဲတာကို လုပ်ရဲခြင်းသည် မိုက်မဲခြင်းဖြစ်ပေသည်။ ထို့ကြောင့် မိမိတို့ လူ့ဘ၀၀ယ် အပေါင်းအသင်းများ ရွေးချယ်စီစစ် စဉ်းစားဆင်ခြင်ကာ ပေါင်းသင်းတတ်ရန်လည်း လိုပေသည်။
မိမိတို့ရဲ့ ဘ၀ပေါင်းများစွာတွင် လူ့ဘ၀ကိုရဖို့ရန် ခဲယဉ်းသလို ဗုဒ္ဓ၏အဆုံးအမများကို သိရှိနားလည်ပြီး ကောင်းမှု မကောင်းမှုကို ခွဲခြားတတ်သောဘ၀ကို ရဖို့ရန်လည်း ခက်ခဲပေသည်။ ထို့ကြောင့် ကျွန်ုပ်တို့လူသားများသည် ယခုဘ၀၀ယ် လူ့ဘ၀လည်းရ ဗုဒ္ဓရဲ့သာသနာနဲ့ကြုံတွေ့၍ အသိဉာဏ်ကောင်းလေး ရှိနေချိန်ဝယ် မကောင်းမှုများကို တတ်နိုင်သလောက် ဆင်ခြင်ပြီး ရှောင်ကြဉ်ကြရန် အထူးလိုအပ်ပါကြောင်း စေတနာ မေတ္တာများဖြင့် တင်ပြပေးလိုက်ပါပေသတည်း။
အရှင်ကောမလ(ခ)ဆန်နီနေမင်း
Sanninaymin@gmail.com
သာသနတက္ကသီလဓမ္မာစရိယ
B.A (Buddhism)
M.A (university of Kelaniya)
ကိုလံဘိုမြို့၊ သီရိလင်္ကာနိုင်ငံ။
ခုခေတ် ယောက်ျားမိန်းမများသည် သိသလိုလို မသိသလိုလိုနဲ့ ကျူးလွန်မိသော အပြစ်များတို့ ရှိပေလိမ့်မည်။ ထိုအပြစ်များစွာရှိသည့်အထဲမှ လူ့လောက လူ့ကျင့်ဝတ်နဲ့လည်းမညီ လူသားတို့ အများဆုံးမုန်းတီး ရွံ့ရှာကြသည့် ကာမဂုဏ်မှားယွင်းမှုအကြောင်းများကို သိရှိနားလည်အောင် တင်ပြပေးချင်ပါသည်။
ယခုခေတ်တွင် နိုင်ငံတိုင်း၌ မေထုန်မှုပြုလုပ်ခြင်းကို ခေတ်စားနေလောက်အောင် လူသားတို့စိတ်တွင် အာရုံပြုကျုးလွန်းနေကြသည်ကို စာဖတ်သူတို့ မြင်ဖူးကြားဖူးပေလိမ့်မည်။ ခေတ်ကာလသည် ကိလေသာများ များပြားလာသောခေတ်လာလဖြစ်လာသည့်နဲ့အမျှ လူသားစိတ်တို့တွင် ကာမစိတ်များ မွန်ထူလျက်ရှိနေကြပေသည်။
ထို့တွင် မိန်းကလေးများနှင့်ကောင်လေးများ မသိသလိုလို သိသလိုလိုနဲ့ ကျူးလွန်နေသောအပြစ်များသည် ကြာလေဆိုးရွားစွာဖြစ်လာလေဟု ထင်မြင်မိပါသည်။ ထိုသို့ပြုမှုခြင်းများသည် သိရဲ့သားနဲ့ လုပ်တာလား မသိလို့များ လုပ်နေကြတာလားဟု စဉ်းစားမရ၍ မေထုန်မှုကိစ္စများနဲ့ပတ်သတ်သော သိသင့်သော အကြောင်းအရာများကို အနည်းငယ်တင်ပြပေးလိုက်ပါသည်။
အိမ်ထောင်ရှိပြီးသားသူများက ကျန်တစ်ပါးသူနဲ့ ကျုးလွန်လျှင် ကာမေသုမိစ္ဆာစာရကံထိုက်၍ အပြစ်ရှိတယ်ဆိုတာ သိပေကြလိမ့်မည်။ သိရက်နဲ့ မိုက်တာသာ ဖြစ်ပေမည်။ အိမ်ထောင်မပြုသေးသူများ မေထုန်အကျင့်ကို ပြုကျင့်တာသည် အပြစ်မရှိဟု မှတ်ထင်နေသောသူများ ရှိပေလိမ့်မည်။ ထို့ကြောင့် ထိုသို့သောသူများအတွက် တင်ပြပေးပါမည်။
ကာမေသုမိစ္ဆာစာရကံတွင် မသွားကောင်းသော မိန်းမ(၂၀)ဆိုတာ ရှိပါတယ်။ ထိုအထဲတွင် အမိ၊ အဖ၊ မိဘနှစ်ပါး၊ အကိုမောင်၊ အမညီမ၊ ဆွေမျိုး၊ အမျိုးအနွယ်၊ သူငယ်ချင်းများ အုပ်ထိန်းသော မိန်းမ(၈)ယောက်တွင် ကျူးလွန်သော ယောက်ျား၌ ကာမေသုမိစ္ဆာစာရ အပြစ်ထိုက်၍ ကျုးလွန်ခံရသော မိန်းကလေးမှာ အပြစ်မထိုက်ပါ။ သို့သော် တစ်ချို့သော ယောက်ျားလေးများက ပြောပေလိမ့်မည်။ မိန်းကလေးက သဘောတူ၍ ပြုကျင့်တာ အပြစ်မရှိဟု။ တရားဝင် စောင့်ရှောက်သူများ၏ ခွင့်ပြုချက်မရဘဲ ကာမကို ယူခြင်းကြောင့် အပြစ်ရှိပေသည်။ နှစ်ဦးသဘောဖြစ်၍သာ အပြစ်နည်းပါသည်။
ထိုသို့မဟုတ်ဘဲ မိန်းကလေးဘက်ကလည်း သဘောမတူဘဲ ကျူးလွန်လျှင် ထိုသူသည် အပြစ်များစွာ ထိုက်ပေသည်။ သီလရှိသော မိန်းကလေးကို ကျူးလွန်မိလျှင် ပို၍အပြစ်များပါသည်။ ထို့ကြောင့် ရှေးဆရာကြီးများက ´မိန်းမနှစ်ကျိပ်၊ ပျော်ကြောင်းသိပ်လည်း၊ မအိပ်လေရာ´ မိန်းမများက ခေါ်အိပ်သည့်တိုင် မိမိကိုယ်ပိုင်မှတစ်ပါး မိန်းမ(၂၀)နဲ့ မအိပ်ကြဖို့ ဆုံးမခဲ့ခြင်း ဖြစ်ပေသည်။
မိန်းကလေးများက သူတို့၏ ကာမကို မည်သူကမျှ တရားဝင်စောင့်ရှောက်သူများထံမှ လာမတောင်းထားသေးပါက သူတို့ကိုယ်ပိုင်ဖြစ်နေသေး၍ အပြစ်မရှိခြင်း ဖြစ်ပေသည်။ စောင့်ရှောက်သူများထံမှ တရားဝင်တောင်းပြီးသော စေ့စပ်ပြီးသော မိန်းကလေးများ တစ်ပါးသူနဲ့ဖောက်ပြန်ပါက အပြစ်ရှိပေသည်။ ကာမကို ကိုယ်မပိုင်သောကြောင့်တည်း။
အခုခေတ်လူငယ်များ မသိ၍ကျုးလွန်မိမှာဆိုးသောကြောင့် တင်ပြပေးလိုက်ခြင်း ဖြစ်ပေသည်။ တကယ်တော့ ကာမဂုဏ်စိတ်ဟာ မိမိရဲ့စိတ်ထိန်းနိုင်မှုပေါ်မှာ မူတည်ပါပေသည်။ တဏှာကို ပယ်သတ်နိုင်သော ရဟန္တာမဖြစ်သေးသမျှ ပုထုဇဉ်လူသားတိုင်းတွင် ထိုစိတ်များရှိပေသည်။ ထိုတွင် စိတ်ထိန်းနိုင်မှုနှင့်မထိန်းနိုင်မှုသာ ကွာပေလိမ့်မည်။ စိတ်ထိန်းနိုင်သောသူသည် အပြစ်မရှိ၍ ဒုက္ခမရောက်ပေ။ စိတ်မထိန်းနိုင်သောသူသည် ယခုဘ၀လည်း ဒုက္ခတွေ့ နောင်ဘ၀လည်း ဆင်းရဲပေလိမ့်မည်။ နောက်တွင် ကာမေသုမိစ္ဆာစာရကံ၏ ဆိုးကျိုးများကို သာဓကဖြင့် တင်ပြပေးပါမည်။ ယခုတော့ ဒီမျှနဲ့ပဲ နားပါရစေ။
အရှင်ကောမလ(ခ)ဆန်နီနေမင်း
Sanninaymin@gmail.com
သာသနတက္ကသီလဓမ္မာစရိယ
B.A (Buddhism)
M.A (university of Kelaniya)
Colombo, Sri lanka.
