ဆရာတော် ဦးကောမလ(ခ)ဆန်နီနေမင်းနဲ့ အင်တာဗျူး

ကျွန်တော်ဟာ ဆရာတော်ဦးကောမလကို အွန်လိုင်းပေါ်ကနေ ခင်မင်သိကျွမ်းခွင့် ရရှိခဲ့ပါတယ်။ ၀က်ဆိုဒ်စာမျက်နှာတွေပေါ်မှာ ဆရာတော်ရဲ့စာတွေဖတ်မိပြီး အများသိသင့်သိထိုက်တဲ့ ဘာသာရေးအမြင်ရှု့ထောင်ကနေ ရေးသားထားတာတွေ သိလာရပါတယ်။ ဆရာတော်ရေးတဲ့စာတွေကို ကျွန်တော်တို့ဂျာနယ်မှာဖော်ပြဖို့ ဆရာတော်ဆီကို ခွင့်တောင်းခဲ့ပါတယ်။ ဆရာတော်က လိုလိုလားလားနဲ့ သီးသန့်စာမူတွေ ချီးမြှင့်ပေးခဲ့ပါတယ်။ ဆရာတော်က ကိုယ်ပိုင်ဝက်ဆိုဒ်မှာရော၊ တခြားဝက်ဆိုဒ်တွေမှာရော ဆန်နီနေမင်းနာမည်နဲ့ ရေးပါတယ်။ ဆရာတော်ဟာ မန်းလေးသာသနာ့တက္ကသိုလ်မှာ ကျောင်းတတ်ခဲ့တာလို့လည်း သိရပါတယ်။ B.A ဘွဲ့ကို သာသနာ့တက္ကသိုလ်မှ ရရှိပြီး M.A ဘွဲ့ကို သီရိလင်္ကာနိုင်ငံမှ ရရှိကာ ယခု သီရိလင်္ကာနိုင်ငံ၊ ကိုလံဘိုမြို့၊ ကေလနိယတက္ကသိုလ်မှာ Master of philosophy ဘွဲ့ကို ဆက်လက်သင်ယူနေပါတယ်။ ကျွန်တော်တို့ Shade journal စာဖတ်ပရိသတ်များအား ဆရာတော်ဦးကောမလ(ခ)ဆန်နီနေမင်း အကြောင်းသိရအောင် ကျွန်တော်မေးမြန်းထားတဲ့ အင်တာဗျုးလေးကို စီစဉ်တင်ပြပေးလိုက်ရပါတယ်။

သာဇော်(အယ်ဒီတာချုပ်)

၁။ အရှင်ဘုရား သသနာ့ဘောင်ကို စတင်ဝင်ရောက်ခဲ့ပုံကို မိန့်တော်မူပါဦးဘုရား။

ဦးဇင်း ဇာတိက လက်ပန်မြောက်ရွာ၊ ဘုတလင်မြို့နယ်၊ စစ်ကိုင်းတိုင်းဒေသကြီးကပါ။ ဦးဇင်း အသက်(၁၂)နှစ်အရွယ်မှာ မိဘများအလှူပေး ရှင်ပြုရာကနေစတင်ပြီး သာသနာ့ဘောင်ကို ၀င်ရောက်ခဲ့ပါတယ်။

၂။ မန္တလေး၊ သာသနာ့တက္ကသိုလ်နေခဲ့ရတဲ့အချိန်မှာ အမှတ်တရရှိခဲ့တာလေးတွေလည်း သိချင်ပါတယ်ဘုရား။

သာသနာ့တက္ကသိုလ်မှာနေခဲ့စဉ်က အမှတ်တရတွေကတော့ အများကြီးပါပဲ။ သာသနာ့တက္ကသိုလ်မှာ ဦးဇင်းနေခဲ့ရတာ အလွန်လည်းပျော်ရွှင်ခဲ့ပါတယ်။ ဒါကြောင့် ဦးဇင်း မန်းလေးကိုရောက်တိုင်း သာသနာ့တက္ကသိုလ်ကိုရောက်အောင်သွားလေ့ရှိပါတယ်။ ဦးဇင်းရဲ့ မမေ့နိုင်တဲ့နေရာထဲမှာ သာသနာ့တက္ကသိုလ်ပါပါတယ်။ သာသနာ့တက္ကသိုလ်ဟာ ဦးဇင်းရဲ့ပညာမျက်စိကို အမြင်ကျယ်အောင် ဖွင့်ပေးခဲ့တဲ့ ကျေးဇူးရှင်နေရာဒေသလည်း ဖြစ်ပါတယ်။

၃။ အရှင်ဘုရားဇာတိမုံရွာနဲ့ မန္တလေးကွာခြားမှုရော ရှိပါသလားဘုရား။

ကွာခြားမှုကတော့ ဘယ်နေရာမဆို တစ်နေရာနဲ့တစ်နေရာ ကွာခြားမှုတွေ ရှိကြပါတယ်။ ဦးဇင်း မုံရွာမှာက ငယ်စဉ်ကတည်းကနေခဲ့တဲ့နေရာဆိုတော့ ပိုသံယောဇဉ်ဖြစ်မိတာပေါ့။ မန်းလေးကတော့ ဦးဇင်းသာသနာ့တက္ကသိုလ်ရောက်မှ နေဖူးခဲ့တာမို့ မန်းလေးဟာ ပညာမျက်စိပွင့်အောင် လုပ်ပေးခဲ့တဲ့နေရာဖြစ်ပါတယ်။ အဲဒီတော့ မုံရွာမြို့ဟာ ဦးဇင်းပညာစသင် ကတည်းက ပျော်ရွှင်ဖွယ်ရာဒေသ ဖြစ်ခဲ့ပြီး မန်းလေးကတော့ ဦးဇင်းပညာမျက်စိပိုမို ပွင့်လင်းအောင်ပြုလုပ်ပေးခဲ့တဲ့နေရာလို့ မြင်မိပါတယ်။

၎။ တပည့်တော်တို့ရဲ့ ထေရ၀ါဒ ဗုဒ္ဓဘာသာက မည်သူမဆိုကျင့်ကြံ အားထုတ်ကြည့်နိုင်တဲ့ ဘာသာတရားဆိုတော့ တပည့်တော်တို့လည်း မိမိယုံကြည်ကိုးကွယ်နေတဲ့ ဘာသာ အပေါ်မှာ စေ့စေ့ငုငုလေ့လာကြည့်တော့ တပည့်တော်တို့ ကိုးကွယ်နေတဲ့ ဗုဒ္ဓဘုရားရှင်ကို ပိုပိုပြီး ယုံကြည်ဆည်းကပ်မိ လာပါတယ်ဘုရား။ သို့ပေမယ့် တချို့တွေမှာတော့ မိဘက မှတ်ပုံတင်မှာ ဗုဒ္ဓဘာသာအမည်တပ် ထားလို့ သာမန်လောက်ပဲလို့ ယူဆနေကြတဲ့သူတွေရှိနေကြတာ လည်း တွေ့ရပါတယ်။ အဲဒီလိုဖြစ်နေရတဲ့ အဓိကအကြောင်းအရာက ဘာကြောင့်ဖြစ်မယ်ဆိုတာ အရှင်ဘုရားရဲ့ ထင်မြင်သုံးသပ်မှုတွေ သိချင်ပါတယ်ဘုရား။

ဒါကတော့ မိမိပတ်ဝန်းကျင်မှာ ကျင်လည်ကျက်စားမှု၊ မိမိမိသားစုများရဲ့ ဆုံးမသွန်သင်မှုအားနည်းမှု၊ မိမိတို့ကိုယ်တိုင် ကိုယ့်ဘာသာအပေါ် စိတ်ဝင်စားမှုနည်းပြီး ကိုယ့်ဘာသာအကြောင်း လေ့လာမှုနည်းပါးလို့ ဖြစ်ပါတယ်။ အဲဒီတော့ မိမိတို့ဟာ ကိုယ့်ဘာသာ အကြောင်းကို သူများမေးရင်လည်းသိအောင်၊ မိမိတို့ကိုယ်တိုင်လည်း ဘယ်လိုနေထိုင်ပြုမှုကျင့်သုံးရင် ပိုမိုအကျိုးများတယ်ဆိုတာသိရအောင် ကိုယ့်ဘာသာအကြောင်းကို တက်နိုင်သမျှ လေ့လာဆည်းပူး မေးမြန်းခြင်းများ ပြုလုပ်ဖို့ လိုပါတယ်။ အဲဒီလို ပြုလုပ်ပေးမယ်ဆိုရင် မိမိဘာသာအကြောင်းလည်း ကောင်းကောင်းသိမြင်ပြီး ကိုယ့်အတွက်လည်း အသက်ရှင်စဉ်လူ့ဘ၀လေးကို အဓိကအသုံးကျမဲ့အရာများနဲ့ ဘ၀ကိုကုန်ဆုံးနိုင်အောင် လုပ်ဆောင်ပေးနိုင်ပါလိမ့်မယ်။

၅။ အရှင်ဘုရားက ဗုဒ္ဓစာပေတွေပေါ်မှာပျော်ပိုက်နေတာသိနေရတော့ တပည့်တော် ၀မ်းမြောက်မိပါတယ်ဘုရား။ သို့ပေမယ့် အရှင်ဘုရား မိသားစုနဲ့အရှင်ဘုရားဇာတိမြေကို ခွဲခွာနေရတဲ့အပေါ်မှာရော အရှင်ဘုရားစိတ်ထဲ အဘယ်သို့ရှိမယ်ဆိုတာ သိချင်ပါတယ်ဘုရား။

ဘယ်သူမဆို တစ်ခုခုကိုလိုချင်ရင် တစ်ခုခုကို စွန့်လွတ်ရတာဆိုတာ သိကြမယ်ထင်ပါတယ်။ ဦးဇင်းလည်း ကိုယ့်ပြုလုပ်ချင်တဲ့ ပြည်တွင်းပြည်ပသာသနာပြုပေးချင်တာကို ပြုလုပ်ချင်တဲ့စိတ်ကြောင့် မိမိပျော်ရွှင်ဖွယ်ရာဒေသကိုနေချင်ပေမဲ့ ကိုယ့်ပြုလုပ်ပေးချင်တာဖြစ်မြောက်ဖို့အတွက် ဒါတွေဟာ မလွဲမသွေ ခွဲခွာရမယ်ဆိုတာ သိလာခဲ့ပါတယ်။ နောက်ပြီး ဦးဇင်းတို့ဟာ တစ်နေ့နေ့ တစ်ချိန်ချိန်ရောက်ရင်လည်း ဒီလိုပဲ ခွဲခွာသွားကြရမှာပါပဲလေ။ အဲဒီတော့ မိသားစုပတ်ဝန်းကျင်ဆိုတာ သူ့ကျေးဇူး၊ ကိုယ့်ကျေးဇူးကို သိတတ်ပြီး ကိုယ့်လုပ်ပေးနိုင်တာကို လုပ်ပေးပြီးသကာလ ခွဲခွာသင့်ရင် ခွဲခွာရမယ်လို့ နားလည်ထားပါ တယ်။ ဒါကြောင့် မိဘများကိုလည်း ဒီလိုပဲ ခွဲခွာရတဲ့အကြောင်းတွေကို ရှင်းပြပေးထားခဲ့ပါတယ်။

၆။ အရှင်ဘုရားက မြတ်ဗုဒ္ဓတရားတော်နဲ့ပျော်မွေ့နေတာမို့ ထားပါဦးဘုရား။ အရှင်ဘုရား မယ်တော်ကြီးက အရှင်ဘုရား မန္တလေးကိုကြွတယ်။ ပြီးတော့ နိုင်ငံရပ်ခြားကိုကြွတယ်။ အဲဒီလို မိဘရဲ့ အရိပ်အာဝါသက ထွက်ခွာသွားတော့ မိဘတွေစိတ်ထဲမှာဘယ်လိုကျန်ရစ်ခဲ့မယ် ထင်လဲဘုရား။

ဦးဇင်းအမေကတော့ သားဖြစ်သူတစ်ယောက်တည်းရှိတာမို့ အလွန်သံယောဇဉ်ချစ်ခင်မှု အားကြီးပါတယ်။ ဦးဇင်းမုံရွာနေတော့လည်း ကျောင်းကို ခဏခဏ လာပါတယ်။ မုံရွာကနေ မန်းလေးသာသနာ့တက္ကသိုလ်ကိုသွားတော့လည်း ဦးဇင်းကိုရင်ဘ၀(၁၈)နှစ်အရွယ်မှာ မုံရွာမြို့၊ မြို့မရွှေဂူတိုက်အုပ်ဆရာတော်က ဦးဇင်းတို့ကျောင်းတိုက်ကနေ သာသနာ့တက္ကသိုလ်တက်ခွင့်ရတဲ့ သံဃာတွေကို ဆရာတော်ကားနဲ့ လိုက်ပို့ပေးခဲ့ပါတယ်။ အဲဒီအခါမှာ ဆရာသမားတွေက အမေဖြစ်သူကို အဝေးကြီးမို့ မလိုက်ခဲ့နဲ့။ ခင်ဗျားသားကို ဆရာတော်က သူ့ကားနဲ့လိုက်ပို့ပေးမယ်လို့ပြောတာကို လက်မခံဘဲ အမေဖြစ်သူက မုံရွာမန်းလေးကားစီးပြီး သာသနာ့တက္ကသိုလ်ကို မရောက်ရောက်အောင် လိုက်လာခဲ့ပါတယ်။ ခုလည်း သားဖြစ်သူက နိုင်ငံခြားကို ပညာသင်သွားချင်တယ်ဆိုတော့ မိဘတွေက သွားခွင့်မပြုချင်ကြပါဘူး။ ဒါပေမဲ့ မိဘတွေက သူတို့ကျေးဇူးကို သားဆပ်ချင်တယ်ဆိုရင် သူတို့ဖြစ်ချင်တဲ့ သာသနာ့ဘောင်မှာ ပညာတတ်ရဟန်းတစ်ပါး ဖြစ်အောင်လုပ်ဆိုတဲ့ သူတို့စကားကြောင့် မတားနိုင်ဘဲ ခွင့်ပြုပေးခဲ့ရပါတယ်။ ဦးဇင်းကလည်း မိဘတွေရဲ့ လွမ်းဆွတ်မှုပြေပျောက်ဖို့ရန်အတွက် တစ်လတစ်ခါတော့ ဖုန်းဆက်ပေးပါတယ်။

၇။ အရှင်ဘုရားရဲ့ ငယ်ဘ၀ကအကြောင်းလည်း မိန့်ပါဦးဘုရား။

ဦးဇင်းငယ်ဘ၀အကြောင်းကတော့ ထူးထွေပြောစရာမရှိပါဘူး။ ဦးဇင်း ငါးတန်းစာမေးပွဲဖြေပြီးတဲ့ အခါ မိဘများက အလှူပေးတာနဲ့ ကိုရင်ဝတ်ခဲ့ပါတယ်။ အဲဒီလို ကိုရင်ဝတ်တာကနေ မိဘတွေက သား လူထွက်ပြီး အတန်းပညာဆက်သင်မလား၊ သာသနာ့ဘောင်မှာပဲ နေမလားလို့ မေးခဲ့ပါတယ်။ ဒါနဲ့ ဦးဇင်းလည်း ကိုရင်ဘ၀မှာပျော်နေတာမို့ ကိုရင်ဘ၀ကို ဆက်နေခဲ့ပါတယ်။ အဲဒီလိုနဲ့ မိဘတွေက ဦးဇင်းကို မြို့မရွှေဂူတိုက်၊ သမာဓိရံသီကျောင်း၊ မုံရွာမြို့ကို စာသင်ဖို့ရန် ပို့ပေးခဲ့ပါတယ်။ အဲဒီလိုနဲ့ ဦးဇင်းအသက်(၁၈)နှစ်အရွယ်မှာ ဘုန်းကြီးပညာရေး ပထမကြီးတန်းအောင်တဲ့အခါ မန်းလေးက သာသနာ့တက္ကသိုလ်ကိုဝင်ခွင့်ဖြေတာ အောင်မြင်တာနဲ့ သာသနာ့တက္ကသိုလ် တက်ရောက်ခဲ့ပါတယ်။ အဲဒီလိုသာသနာ့တက္ကသိုလ်တက်ရင်းနဲ့ အတန်းပညာကိုလည်း (၁၀)တန်းထိဖြေခဲ့ကာ သာသနာ့ တက္ကသိုလ်မှ သာသနတက္ကသီလဓမ္မာစရိယ၊ ဘီအေဘွဲ့ပြီးတဲ့အခါ တောင်တန်းဒေသဖြစ် တဲ့ မြစ်ကြီးနားခရိုင်၊ တနိုင်းမြို့နယ်မှာ သာသနာပြုသွားခဲ့ပါတယ်။ အဲဒီမှာ(၃)နှစ် သာသနာပြုပေးရင်းနဲ့ အဲဒီဒေသက ဒကာ၊ ဒကာမများရဲ့ လှူဒါန်းပေးမှု၊ မိဘများရဲ့ ထောက်ပံ့ပေးမှုများကို စုပေါင်းပြီး သီရိလင်္ကာကို ပညာသင်ရန် ထွက်လာခဲ့တာပါ။

၈။ မိဘတွေက အရှင်ဘုရားကို ဘယ်ဘ၀မျိုးနဲ့ မျှော်လင့်တယ်ဆိုတာ အရှင်ဘုရား သိရှိပါသလားဘုရား။

မိဘတွေက ဦးဇင်းကို သူတို့ရဲ့မိဘကျေးဇူးကို ဆပ်ချင်လားလို့ မေးခဲ့ပါတယ်။ အဲဒီအခါ ဦးဇင်းက သားမိဘကျေးဇူးကို ဆပ်ချင်တာပေါ့။ အရင်အရင်ဘ၀တွေက မိဘကျေးဇူးကိုကျေအောင် မဆပ်နိုင်တာက များခဲ့မယ်ထင်ပါတယ်။ ဘာဖြစ်လို့လဲဆိုတော့ ဦးဇင်းလည်း ဒီလိုမိဘကျေးဇူးရှိတာကို သိတတ်တဲ့ဘ၀နဲ့ မသိတတ်တဲ့ဘ၀ ဘယ်ဟာက ပိုများမလဲဆိုတာ စဉ်းစားကြည့်လိုက်ရင် မိဘကျေးဇူးမသိတတ်တဲ့ ဘ၀တွေရော၊ ကျေအောင်မဆပ်နိုင်တဲ့ဘ၀တွေရော များခဲ့မှာ သေချာပါတယ်။ ဒါကြောင့် ဦးဇင်းခုလို ဗုဒ္ဓရဲ့အဆုံးအမများကိုသိပြီး မိဘကျေးဇူးဆပ်ရမှန်းသိတဲ့ဘ၀လေးမှာ မိဘကျေးဇူးကို ကျေအောင် ဆပ်မယ်လို့ ဆုံးဖြတ်ထားပါတယ်။ အဲဒါကြောင့် မိဘတွေက သူတို့ကျေးဇူးကိုဆပ်ချင်ရင် သာသနာ့ ဘောင်မှာ ပညာတတ်ရဟန်းတစ်ပါးဖြစ်အောင်လုပ်ပါဆိုတဲ့ မိဘတွေရဲ့ဆန္ဒဖြစ်မြောက်အောင် ကြိုးစားပေးနေပါတယ်။ ဦးဇင်းသာသနာ့ဘောင်မှာနေပြီး သာသနာအကျိုး၊ အများအကျိုး ပြုလုပ်ပေးနေခြင်းဟာ ဦးဇင်းသံသရာအတွက်ရော၊ သာသနာအတွက်ရော၊ မိဘကျေးဇူးဆပ်ရာရော ပြည့်စုံအောင် လုပ်ပေးနေခြင်း ဖြစ်ပါတယ်။

၉။ အရှင်ဘုရားရရှိခဲ့တဲ့ ဘွဲ့တွေကိုလည်း မိန့်ပါဦးဘုရား။

ဦးဇင်းအသက်(၁၈)နှစ်သားအရွယ်မှာ မန္တလေးမြို့၊ သာသနာ့တက္ကသိုလ်ကို ၀င်ရောက် စာပေသင်ကြားပြီး (၂၀၀၈)ခုနှစ်မှာ သာသနာ့တက္ကသိုလ်ကနေ B.A (Buddhism) ဘွဲ့ရရှိပြီး (၂၀၁၁) ခုနှစ်၊ ဖေဖ၀ါရီလမှာ သီရိလင်္ကာနိုင်ငံ၊ ကေလနိယတက္ကသိုလ်မှ M.Aဘွဲ့ အောင်မြင်လို့ ယခု (၂၀၁၁)နှစ်တွင် Master of philosophy (M.phil) ဘွဲ့ ဆက်လက်သင်ယူနေပါတယ်။ ဦးဇင်းကို ထောက်ပံ့ပေးမဲ့ ဒကာ၊ ဒကာမများရှိနေဦးမယ်ဆိုရင်တော့ သီရိလင်္ကာနိုင်ငံ၊ ကေလနိယတက္ကသိုလ်မှာပဲ ဒေါက်တာဘွဲ့ပြီးအောင် ဆက်လက်သင်ယူသွားဖို့ ဆုံးဖြတ်ထားပါတယ်။

၁၀။ တပည့်တော်တို့နိုင်ငံမှာ ရုပ်ဝါဒတွေအလွန်တိုးတက်နေပြီး တကယ်တမ်းစိတ်သဏ္ဍန်တွေရဲ့ ခွန်အားတွေ နှလုံးသားခွန်းအားပြည့်ဝမှုတွေ၊ ကိုယ်ကျင့်တရားပြည့်ဝမှုတွေ လျှော့ပါးလာတယ်လို့ တပည့်တော်ထင်နေမိပါတယ်။ အဲဒီအကြောင်းနဲ့ပတ်သက်ပြီး အရှင်ဘုရားအမြင်ကိုလည်း သိချင်ပါတယ် ဘုရား။­

ခုခေတ်က ရုပ်ဝါဒဆိုင်ရာတွေ တိုးတတ်ပေါများလာတဲ့အခါကျတော့ လူတွေရဲ့စိတ်ဟာ အဲဒီရုပ်ဝတ္ထုပစ္စည်းတွေကို လိုချင်မှုတွေ ဖြစ်လာပြီး လောဘ၊ ဒေါသ၊ မောဟတွေ ပိုများလာကြပါတယ်။ အဲဒီလို ပေါများလာတဲ့ ရုပ်ဝတ္ထုပစ္စည်းတွေ ရရှိအောင်ကိုပဲ လောဘ၊ ဒေါသတွေနဲ့လိုက်နေတဲ့အခါကျတော့ လူတွေရဲ့သန္တာန်မှာ ကောင်းတဲ့စိတ်တွေလျှော့နည်းလာပြီး ရုပ်ပစ္စည်းတွေကိုရဖို့အတွက် မကောင်းတဲ့စိတ်တွေ များလာကြတယ်လို့ ထင်မြင်မိပါတယ်။ ဒါဟာ ရုပ်ဝတ္ထုပေါများလာတဲ့အတွက် အဲဒီပစ္စည်းတွေကို အသုံးပြုချင်၊ လိုချင်စိတ်တွေဖြစ်လာပြီး မိမိလိုချင်တာကို တရားတဲ့နည်းနဲ့ ရှာဖွေလို့မရတဲ့အခါ မတရားတဲ့နည်းတွေဖြစ်လာတာကြောင့် ရုပ်ဝါဒလွှမ်းမိုးမှုဟာ သူတော်ကောင်း စိတ်ဓာတ်ခံနည်းသူများအတွက် သံသရာမကောင်းကျိုးဖြစ်အောင် ပြုလုပ်နေသလို ဖြစ်နေပါတယ်။ အဓိကတရားခံကတော့ မိမိတို့စိတ်မှာ သူတော်ကောင်းစိတ်အမြဲရှိနေအောင် ပြုလုပ်ထားခြင်း အားနည်းတာရယ်၊ မျက်မှောက်ကောင်းစားဖို့ထက် သံသရာဆိုးကျိုးကို ပိုဂရုစိုက်ပြီး ဘ၀ကိုရှင်သန်သွားဖို့ လိုတယ်ဆိုတာတွေကို မသိလို့ပါပဲ။ ဒါကြောင့် လူသားတိုင်းရဲ့သန္တာန်မှာ ဘာသာရေးအသိဉာဏ်များ ရှိအောင် ဘာသာရေးအကြောင်းကို လေ့လာထားဖို့ လိုအပ်ပါတယ်။ မိမိတို့မှာ ဘာသာရေးအသိဉာဏ် အားနည်းနေမယ်ဆိုရင် မိမိမျက်မှောက်ဘ၀အတွက်ရော သံသရာအတွက်ပါ ဆိုးကျိုးများဖြစ်စေနိုင်လို့ပါ။

စာဖတ်ပရိသတ်အားလုံး ကိုယ်စိတ်နှစ်ပါးချမ်းသာပြီး လိုရာဆန္ဒပြည့်ဝပါစေလို့ ဆုတောင်းပေးလျက်……။

ဂျာနယ်ကို Download ဆွဲဖတ်ချင်ပါက http://www.shadejournal.com/2012/01/shade-journal_25.html မှာလည်းကောင်း၊ http://www.mediafire.com/?m4okuib9n1h7crr လည်းကောင်း၊ အဆင်ပြေတဲ့နေရာမှာ ဆွဲယူဖတ်ရှု့နိုင်ပါတယ်။

အရှင်ကောမလ(ခ)ဆန်နီနေမင်း

sanninaymin@gmail.com

http://sanninaymin.com

ကိုလံဘိုမြို့၊ သီရိလင်္ကာနိုင်ငံ။

အရိယာဟုတ်မဟုတ် အပြင်သဏ္ဍာန်ကြည့် ဆုံးဖြတ်နိုင်ပါသလား

မေး။ ။ အရှင်ဘုရား တပည့်တော်တို့သာမန်လူများအနေနဲ့ ရဟန္တာစတဲ့အရိယာပုဂ္ဂိုလ်တွေ ကို ပြင်ပန်းသဏ္ဍာန်ကြည့်ပြီး ဟုတ်မဟုတ် ဆုံးဖြတ်နိုင်ပါမလားဘုရား။ နောက်ပြီး စကားပြောဆိုပုံကိုကြည့်ပြီး ဒီပုဂ္ဂိုလ်ဟာ အရိယာဟုတ်မဟုတ်ကို ဆုံးဖြတ်လို့ရနိုင်လားဘုရား။ ယခုခေတ်လူတွေ ဘယ်လိုကြည့်ပြီး တစ်စုံတစ်ယောက်ကို အရိယာပုဂ္ဂိုလ်လို့သမုတ်ကြလဲဆိုတာ သိချင်လို့ပါဘုရား။ အရှင်ဘုရား အဆင်ပြေတဲ့ချိန် စာပြန်ပေးပါဘုရား။

မင်းလူ၊ မိုးကုတ်။

အရိယာဖြစ်တဲ့ သံဃာတွေဟာ မိမိကိုယ်ကို အရိယာဖြစ်ရင်လည်း လူများကို အရိယာဖြစ်တယ်လို့ပြောရင် ပါစိတ်အာပတ်သင့်ကြတာမို့ မပြောဆိုကြပေ။ နောက်ပြီး ကိုယ်တိုင်အရိယာမဟုတ်ဘဲ အရိယာလိုပြောရင် အဲဒီသံဃာဟာ ပါရာဇိကအာပတ်သင့်လို့ ရဟန်းမဟုတ်တော့ပါဘူး။ ဒါကြောင့် သံဃာများအနေနဲ့တော့ အရိယာဖြစ်တယ်၊ မဖြစ်ဘူးဆိုတာကို သူတို့ကိုယ်တိုင်ပြောဖို့ ခက်ခဲတဲ့အတွက် ပြောဆိုကြလိမ့်မည် မဟုတ်ပေ။

အပြင်သဏ္ဍာန်နဲ့စကားပြောဆိုပုံတို့ကိုကြည့်ပြီး ဘယ်သံဃာဟာ အရိယာဟုတ်မဟုတ်ကို သိရှိဖို့ရန် အလွန်ခက်ခဲပါတယ်။ ဘာဖြစ်လို့လဲဆိုတော့ ရဟန္တာဖြစ်တဲ့သံဃာများမှာ ၀ါသနာဆိုတဲ့အကျင့်စရိုက် ရှိနေသေးတာမို့ ပုထုဇဉ်အမူအရာများ ရှိနေတတ်သေးလို့ပါ။ မြတ်စွာဘုရားလက်ထက်က ရှင်ပိလိန္ဒ၀စ္ဆရဟန္တာမထေရ်ဟာ အရင်ဘ၀တွေက ပုဏ္ဏားဘ၀မှာဖြစ်လာသူမို့ မာန်မာနပြင်းထန်တဲ့ ၀ါသနာပါလာတဲ့အတွက် လူမြင်တိုင်း ကြမ်းတမ်တဲ့စကားနဲ့ ပြောဆိုလေ့ရှိပါတယ်။ အဲဒီလိုပြောဆိုတဲ့ အတွက်ကြောင့်လည်း တချို့သောပုဂ္ဂိုလ်များဟာ ရှင်ပိလိန္ဒ၀စ္ဆမထေရ်ကို ရဟန္တာမှန်မသိလို့ မုသားစတဲ့ မဟုတ်မမှန် မလေးမခန့် စကားများပြောဆိုခဲ့ကြပါတယ်။

နောက်ပြီး အရိယာဖြစ်တဲ့ အနာထပိဏ်သူဌေးကြီးဟာ သူ့သမီးအရိယာဖြစ်တာ မသိခဲ့တာကို ထောက်ဆကြည့်မယ်ဆိုရင် သာမန်လူများအဖို့ တစ်ဦးတစ်ယောက်ကို အရိယာဟုတ်မဟုတ် သိဖို့ရန် ခဲယဉ်းလိမ့်မယ် ထင်ပါတယ်။

ဒါပြင် အရှင်မဟာကဿပရဟန္တာမထေရ်မြတ်ကြီး တောကျောင်းမှာ သီတင်းသုံးတဲ့အချိန်တုန်းက သူရဲ့အလုပ်အကျွေးဥပါသကာတစ်ယောက်ဟာ မထေရ်နောက်က လိုက်နေရပေမဲ့ အရှင်မဟာကဿပမထေရ်ကို ရဟန္တာမှန်း မသိခဲ့ပါဘူး။ ဒါကြောင့်လည်း တစ်နေ့ မထေရ်နောက်ကနေ သပိတ်ကိုင်ပြီး လိုက်ရင်းနဲ့ “ငါသည် ဤလောကတွင် ရဟန္တာဟု ကျော်စောသူများ ခဏခဏ ကြားဖူးပေမဲ့ ရဟန္တာဆိုတာကို မမြင်ဖူးသေးဘူး”လို့ ပြောဆိုခဲ့တာကို သာသနာလင်္ကာရစာတမ်းတွင် ဖတ်ရတဲ့အတွက် အပြင်သဏ္ဍာန်နဲ့စကားပြောဆိုပုံကိုကြည့်ပြီး သာမာန်လူများအနေနဲ့ အရိယာဟုတ်မဟုတ် ခွဲခြားသိမြင်ဖို့ရန် ခံယဉ်းတယ်ဆိုတာ ခုရေးပြခဲ့တဲ့ သာဓကတွေကိုထောက်ဆကြည့်ရင် သိနိုင်ပါတယ်။

ဒါပေမဲ့ မိမိနဲ့အနေနီးသူများဖြစ်ရင်တော့ အဲဒီပုဂ္ဂိုလ်ရဲ့ ရုပ်လက္ခဏာအဆင်း၊ အနေအထိုင်တို့ကိုကြည့်ပြီး တရားထူးရမရဆိုတာကို ခွဲခြားသိနိုင်ပါတယ်။ ဘာဖြစ်လို့လဲဆိုတော့ လူတစ်ယောက်ဟာ တရားထူးရလာရင် ရုပ်ပိုင်းဆိုင်ရာလည်း ကြည်လင်ပြီးသွားလာလှုပ်ရှားမှုကလည်း နဂိုလိုမဟုတ်ဘဲ ပုံစံပြောင်းသွားပါတယ်။ မြတ်စွာဘုရားလက်ထက်က သားရဟန်းတရားထူးရလာတာကို မိခင်ဖြစ်သူက သူ့သားရဟန်းရဲ့ ရုပ်ဆင်းသဏ္ဍာန်နဲ့ လှုပ်ရှားမှုကိုကြည့်ပြီး သိခဲ့ပါတယ်။ ဒီလိုပါပဲ ရှင်သာရိပုတ္တရာမထေရ်လောင်းဖြစ်တဲ့ ဥပတိဿ တရားထူးရလာတာကို သူငယ်ချင်းဖြစ်သူ ရှင်မောဂ္ဂလန်မထေရ်လောင်း ကောလိတက ဥပတိဿရဲ့ မျက်နှာနဲ့သွားလာလှုပ်ရှားမှုကိုကြည့်ပြီး သိခဲ့ပါတယ်။

ဒါကြောင့် ပုဂ္ဂိုလ်တစ်ဦးတစ်ယောက် တရားထူးရမရ၊ အရိယာဟုတ်မဟုတ်ကို ခေတ္တခဏအပြင်မှာတွေ့ရုံနဲ့ ခွဲခြားသိနိုင်ဖို့ရန် ခဲ့ယဉ်းတယ်လို့ ခုပြောပြခဲ့တဲ့ မြတ်ဗုဒ္ဓလက်ထက် သာဓကတွေကို ထောက်ဆကြည့်ရင် သိနိုင်သလို မိမိနဲ့အနေနီးသူများဆိုရင်တော့ တစ်ပါးသူရဲ့ ရုပ်ဆင်းလှုပ်ရှားမှု တမူထူးခြားမှုတို့ကိုကြည့်ပြီး ဝေဖန်စီစစ်သုံးသပ်ရနိုင်ပါတယ်။ အဲဒီတော့ မေးခွန်ရှင်သိချင်တဲ့ အကြောင်းအရာကို ဦးဇင်းရသမျှအချိန်လေးမှာ ဦးဇင်းသိသမျှ ဖြေကြားပေးရင်း စာဖတ်သူများအားလုံး ကိုယ်စိတ်နှစ်ပါးချမ်းသာပြီး လိုရာဆန္ဒပြည့်ဝကာ ပန်းတိုင်ကိုလျင်မြန်စွာ လျှောက်လှမ်းနိုင်ပါစေလို့ ဆန္ဒပြုလျက်…..။

အရှင်ကောမလ(ခ)ဆန်နီနေမင်း

မဂ်အတု (၁၀)မျိုး

မေး။ ။ အရှင်ဘုရား အားမယ်လို့ထင်ပါတယ။် တပည့်တော်မေးထားတာလေးဖြေပါအုံးဘုရား။ တပည့်တော်ရှာတာ မတွေ့လို့ပါဘုရား။ တွေ့ရင်လဲလမ်းညွန်ပေးပါ။ ငွေနဲ့ဝယ်ဖို့ကတော့ ကဒ်မရှိပါဘူးဘုရား။ အလကားရမယ့် နေရာလေးပဲပြပေးပါ။ ၀ိပဿနာ အားထုတ်တဲ့ပုဂ္ဂိုလ်မှာ မဂ်အတု(၁၀)မျိုးထဲက တစ်မျိုးမျိုးပေါ်တက်တယ်လို့ ကြားဖူးပါတယ်ဘုရား။ တပည့်တော် ဒေါင်လုပ်ပါဆွဲချင်ပါတယ်။ တပည့်တော်လာပြီး အနှောက်အယှက်ပေးတာမဟုတ်ပါ။ တကယ်ကိုလိုချင်တာပါဘုရား။ (၁၀)မျိုးလုံးအကျယ်တ၀င့်ရှင်းပြပေးပါဘုရား။ ခန္ဓာထဲပေါ်လာရင် တိုက်ကြည့်လို့ရတာပေါ့ဘုရား။ အရှင်ဘုရားလဲသာသနာအကျိုး စထက်တပိုးတိုးပြီးထမ်းဆောင်နိုင်ပါစေဘုရား။
ဖိုးကံထူး

ဖြေ။ ။ တရားအားထုတ်သော ယောဂီတို့မှာ ဥာဏ်ကြည်လင်သောအခါ သဒ္ဓမ္မပ္ပတရူကလို့ခေါ်တဲ့ တရားအတုတွေ (မဂ် အတုတွေ) ၀င်လာတတ်ပါတယ်။ ထိုမဂ်အတုများကတော့

၁။ သြဘာသ=အလင်းရောင်
၂။ ဉာဏ=ဉာဏ်ထက်မြက်ခြင်း
၃။ ပီတိ=၀မ်းသာမှုလွန်ကဲလာခြင်း
၎။ ပဿဒ္ဓိ=ကိုယ်စိတ်ငြိမ်းအေးနေခြင်း
၅။ သုခ=တစ်ကိုယ်လုံးချမ်းသာမှုစိမ့်နေခြင်း
၆။ အဓိမောက္ခ=လွန်ကဲသောယုံကြည်မှုသဒ္ဓါဖြစ်ခြင်း
၇။ ပဂ္ဂဟ=လုံ့လ၀ီရိယဇွဲထက်သန်နေခြင်း
၈။ ဥပဋ္ဌာန=စွဲမြဲသောသတိကောင်းနေခြင်း
၉။ ဥပေက္ခာ=၀ိပဿနုပေက္ခာနှင့်အာဝဇ္ဇနုပေက္ခာတို့ဖြစ်ခြင်း
၁၀။ နိကန္တိ=ရှေ့ပိုင်းကိုးမျိုးကိုနှစ်သက်တွယ်တာခြင်းဆိုပြီး (၁၀)မျိုးရှိပါတယ်။

ဝိပဿနာအားထုတ်လို့ ဉာဏ်ကြည်လင်လာသောအခါ အထက်ဖော်ပြပါ မဂ်တု (၁၀)မျိုးမှ တစ်မျိုးသော်လည်းကောင်း၊ နှစ်မျိုးသော်လည်းကောင်း ၀င်လာတတ်ပါတယ်။ ထိုအခါ ၀ိပဿနာမကျွမ်းကျင်သော သူတို့က မဂ်ရပြီဟုထင်ကာ ရှေ့ဆက်ပြီး အားမထုတ်ပါက တရားထူးရလိမ့်မည် မဟုတ်ပါ။ ထို့ကြောင့် ဒီမဂ်တု(၁၀)မျိုးကိုတော့ ၀ိပဿနာအားထုတ်သူတိုင်း သိထားသင့်ပါတယ်။ အဲဒီတော့ ခုဖော်ပြတဲ့အချက်များကို မှတ်သားထားကြပေါ့လေ။ ဖော်ပြပါမဂ်တု (၁၀)ပါးကို “၀ိပဿနုပက္ကိလေသ=၀ိပဿနာညစ်ညူးကြောင်းတရားများ”ဟု အနက်အဓိပ္ပါယ်ထွက်သော်လည်း ကျေးဇူးတော်ရှင် မိုးကုတ်ဆရာတော် ဘုရားကြီးကတော့ မှတ်ရလွယ်ကူအောင် “မဂ်တု (၁၀)ပါးလို့ သုံးနှုန်းလေ့ ရှိပါတယ်။

ဒီလောက်ဆို ရှင်းမယ်ထင်ပါတယ်။

လူတိုင်းကြုံတွေ့ရမည့် လောကဓံဆိုသည်မှာ

လောကဓံဆိုတာ လောကကြီးကနေ လွတ်မြောက်အောင် မလုပ်နိုင်သေးသူမှန်သမျှ တွေ့ကြုံခံစားနေရတဲ့ ဆင်းရဲချမ်းသာများ ကို ခေါ်ဆိုခြင်း ဖြစ်ပါတယ်။ မိမိတို့ဟာ လောကကြီးကနေ လွတ်မြောက်အောင် မလုပ်နိုင်သေး ရင်တော့ လောကမှပေးတဲ့ လောကဓံတွေကို မလွဲမသွေ တစ်ခုမဟုတ် တစ်ခုနဲ့တော့ ကြုံတွေ့နေရမှာပါ။ အဲဒီ မိမိတို့ကြုံတွေ့ရမဲ့ လောကဓံများကတော့

၁။ လာဘ- ပစ္စည်းဥစ္စာရခြင်း၊ ၂။ အလာဘ- ပစ္စည်းဥစ္စာမရခြင်း၊ ၃။ ယသ- အခြွေအရံ ပေါများခြင်း၊ ၄။ အယသ- အခြွေအရံမရှိခြင်း၊ ၅။ ပသံသာ- ချီးမွမ်းခံရခြင်း၊ ၆။ နိန္ဒာ-ကဲ့ရဲ့ခံရခြင်း၊ ၇။ သုခံ- ချမ်းသာခြင်း၊ ၈။ ဒုက္ခံ- ဆင်းရဲခြင်းတို့ ဖြစ်ပါတယ်။

လောကထဲမှာ ကျင်လည်စေတတ်တဲ့ လောဘစတဲ့ကိလေများ မိမိသန္တာန်မှာ ရှိနေဦးမယ်ဆိုရင်တော့ လောကကြီးထဲမှာ ကျင်လည်ရဦးမှာမို့ လောကကြီးကပေးတဲ့ ဒုက္ခတွေကို မခံစားချင်ဘူးဆိုရင်တော့ လောကမှထွက်မြောက်ဖို့ရန် မိမိသန္တာန်မှာရှိနေတဲ့ ကိလေသာများ ကုန်စင်အောင် ကျင့်ကြံအားထုတ်ရပါလိမ့်မယ်။ အဲဒီတော့ မိမိက လောကထဲကဒုက္ခတွေကို မခံစားချင်ဘူး၊ ရင်မဆိုင်ချင်ဘူး ဆိုရင် လောကမှထွက်မြောက်ကြောင်းဖြစ်တဲ့ တရားများကို ကျင့်ကြံပေးပါ။ အဲဒီလို ကျင့်ကြံပေးရင်တော့ လောကမှလွတ်မြောက်မှာမို့ လောကဓံဒုက္ခတွေ ပပျောက်သွားပါလိမ့်မယ်။ လောကကြီးကပေးတဲ့ လောကဓံကိုလည်း မိမိက မရင်ဆိုင်ရဲဘူး။ လောကမှထွက်မြောက်အောင်လည်း မလုပ်ဘူးဆိုရင်တော့ အဲဒီလူဟာ သဘာဝမကျတဲ့ လူတစ်ယောက်သာ ဖြစ်ပါလိမ့်မယ်။ ဒါကြောင့် မိမိတို့ဟာ လောကကြီးထဲမှာရှိနေသမျှ လောကဓံတရားများကို ရင်ဆိုင်နေရမယ်ဆိုတာ သေချာနားလည်ထားပြီး ရဲရဲဝင့်ဝင့် ရင်ဆိုင်ဖို့သာ ပြင်ထားရပါလိမ့်မယ်။ ဘာဖြစ်လို့လဲဆိုတော့ မိမိတို့ဟာ လောကသတ္တ၀ါတွေ ဖြစ်နေလို့ပါပဲ။

ဒါကို တချို့က တစ်စုံတစ်ခုဆင်းရဲဒုက္ခပြဿနာလေးနဲ့ ကြုံလာရင် ခံနိုင်ရည်မရှိဘဲ လောကကြီးကနေ မမှန်ကန်တဲ့နည်းကို အသုံးပြုကာ ဘ၀နိဂုံးချုပ်ကြတဲ့လူတွေကလည်း ရှိပါသေးတယ်။ အဲဒီလူတွေဟာ ဘာဖြစ်လို့ ဒီလိုလုပ်ရတာလဲ ဆိုတော့ လောကသတ္တ၀ါဖြစ်ရင် လောကကြီးကပေးတဲ့ လောကဓံကို မည်သူမဆို ခံစားရမယ်ဆိုတာ မသိကြလို့ပါပဲ။ လောကကြီး က မိမိတစ်ယောက်တည်းကိုပဲ လောကဓံတရားတွေ ပေးနေတာမဟုတ်ပါဘူး။ လောကမှာ ကျင်လည်နေကြရတဲ့ သတ္တ၀ါမှန်သမျှ ကို လောကဓံတရားများ ပေးနေတာပါ။ တချို့ကျတော့ လောကကြီးက အကောင်းတွေချည်း ပေးနေတာတွေရှိသလို တချို့ကိုလည်း ဆိုးကျိုးတွေချည်း ပေးနေတာ ရှိပါတယ်။ ဒါဟာ ဘာဖြစ်လို့ ကွာခြားရသလဲဆိုတော့ မိမိလုပ်ခဲ့တဲ့ အလုပ်ပေါ်မှာ မူတည်ပြီး ကောင်းကျိုးဆိုးကျိုးများ ဖြစ်ပေါ်လာတာပါ။ မိမိခံစားရတဲ့ ကောင်းကျိုးဆိုးကျိုးတွေဟာ မိမိ မျက်မှောက်ဘ၀မှာဖြစ်စေ အရင်အရင်ဘ၀တွေကဖြစ်စေ ပြုလုပ်ခဲ့တဲ့ လုပ်ရပ်များပေါ်မူတည်ပြီး အကျိုးပေးနေပါတယ်။ မိမိက လောကကြီးကနေပေး တဲ့ လောကဓံကောင်းကျိုးများသာ ခံစားချင်တယ်ဆိုရင် ကောင်းတာတွေပဲ ရွေးချယ် လုပ်တတ်ဖို့တော့ လိုပါတယ်။ ကိုယ်ကတော့ ကောင်းကျိုးလိုချင်တယ်။ ကိုယ်လုပ်နေတာကျတော့ မကောင်းမှုတွေပဲဆိုရင်တော့ လောကကြီးက မျက်နှာမလိုက်တတ်လို့ မိမိလုပ်ရပ်အတိုင်း ကောင်းဆိုးများကို ခံစားရပါလိမ့်မယ်။

မကောင်းမှုလုပ်လို့ မကောင်းမှုကြောင့် လောကီပြစ်ဒဏ်ဖြစ်လာတဲ့ ထောင်ကျခြင်း၊ အရိုက်ခံရခြင်း၊ ခြေလက်ကျိုးခြင်းစတဲ့ဆင်းရဲတွေကို မိမိကသာတမင်တကာ ဖန်တီးယူခဲ့တာပါ။ အဲဒါကို အစကတည်းက ဒီလိုလုပ်ရင် ဒီလိုဖြစ်မယ်ဆိုတာ သိပြီးဖြစ်လို့ ဒီလိုမဖြစ်အောင် မလုပ်ဘဲနဲ့နေလို့ရရဲ့သာားနဲ့ မိမိကိုယ်က ဆင်းရဲဒုက္ခခံချင်လို့ ပြုလုပ်တာဖြစ်တဲ့အတွက် လောကီပြစ်ဒဏ်များကို ပြုံးပြုံးကြီးကို ခံနိုင်ရည်ရှိဖို့ လိုပါတယ်။ ဒါပြင် လောကုတ္တရာတမလွန် အပြစ်တွေဆိုတာတွေလည်း မိမိကြောင့်ဖြစ်လာတဲ့အတွက် ဒါကိုလည်း ခံနိုင်ရည်ရှိရမှာပါ။ ဘယ်ဒုက္ခဆင်းရဲချမ်းသာမဆို အကြောင်းကြောင့် အကျိုးဖြစ်လာတာချည်းဖြစ်တဲ့အတွက် မိမိ လုပ်ခဲ့တဲ့အကြောင်းရဲ့အကျိုးဆက်တွေကို မလွေမသွေခံရမှာမို့ ဒါဟာ စိတ်ညစ်စရာမဟုတ်ပါဘူး။ နဂိုကတည်းက ဒုက္ခဆင်းရဲတွေကို မခံစားချင်ဘူးဆိုရင် ဒီလိုဒုက္ခဆင်းရဲဖြစ်မဲ့ဟာတွေကို မပြုလုပ်ဘဲရှောင်ကြဉ်ခဲ့ရမှာပါ။ မိမိက ဒီလိုဆင်းရဲဒုက္ခတွေ ဖြစ်မယ်ဆိုတာကို သိသိကြီးနဲ့ ပြုလုပ်တဲ့အတွက် ဖြစ်လာသမျှအရာအားလုံးကို ရင်ကော့ခံနိုင်ရပါမယ်။

မိမိခံစားရတဲ့ ကောင်းကျိုးဆိုးကျိုးများကို မည်သူကမှ ကိုယ်စားခံပေးလို့မရသလို မည်သူကမှလည်း လုပ်ပေးလို့ မရပါဘူး။ အကြံပေးခြင်းစတဲ့အချက်အလက်တွေသာ ပြုလုပ်ပေးလို့ ရပါတယ်။ ဥပမာ-မင့်ဒါလုပ်ရင်တော့ ဒီလိုဖြစ်မယ်ဆိုတဲ့ ကိုယ်တိုင်တွေ့ကြုံဖူးသူဖြစ်စေ အဲဒီလိုဖြစ်မယ်ဆိုတာကို သိမြင်နေသူကဖြစ်စေ ပြောဆိုလမ်းညွှန်ပေးခြင်းများသာ ပြုလုပ်ပေးနိုင်ပါ တယ်။ မိမိမကောင်းကျိုးလုပ်တာများကို သူတစ်ပါးက ကိုယ်စားခံပေးလို့ မရပါဘူး။ ဒါပေမဲ့ ကောင်းကျိုးဆိုးကျိုးများကို ရှေ့နောက်အကျိုးပေးဖြစ်အောင် လုပ်ပေးတာတို့၊ ဆိုးကျိုးကို ကောင်းကျိုးများနဲ့ ပျောက်အောင်ပြုလုပ်ပေးတာတို့တော့ ရှိပါတယ်။ ဥပမာ-မိမိမှာ ဆိုးကျိုးလေး နည်းနည်းရှိနေတာကို အကျိုးမပေးခင် ကောင်းကျိုးအရင်အကျိုးပေးအောင် ကောင်းမှုများများ ပြုလုပ်ပေးရင်တော့ ကောင်းကျိုးကများတဲ့အတွက် ကောင်းကျိုးကို အရင်ခံစားရပါတယ်။ ဒါပြင် မိမိမှာရှိတဲ့ ဖြေဖျောက်လို့ရနိုင်တဲ့ ဆိုးကျိုးများကိုလည်း ကောင်းကျိုးများနဲ့ ဖုံးလွှမ်းထားပြီး ဆိုးကျိုးမပေးနိုင်အောင် ပြုလုပ်ပေးလို့ ရပါတယ်။ ဥပမာ-မိမိအနာကိုပျောက်အောင် ဆေးကုသလို မိမိမှာရှိတဲ့ ကုသလို့ရနိုင်တဲ့ ဆိုးကျိုးများကို ကောင်းကျိုးများနဲ့ ဖုံးလွှမ်းပါများလာတဲ့အခါ ရေများရေနိုင်၊ မီးများမီးနိုင်သလို အနည်းငယ်ရှိတဲ့ ဆိုးကျိုးများဟာ ကောင်းကျိုးများကြောင့် ပြေပျောက်သွားနိုင်ပါတယ်။

မိမိနေထိုင်တဲ့ဘ၀ကြီးမှာ နေ့စဉ်နှင့်အမျှ တွေ့ကြုံနေရတဲ့ ဘ၀တွေဟာ မျိုးစုံရှိတဲ့အတွက် အဲဒီလို အနိမ့်၊ အမြင့်၊ အလွှာအသီးသီး မှာ မြင်နေရတဲ့ဘ၀တွေကို ဘယ်သူက ဘယ်လိုလောကဓံ တရားတွေ ခံစားနေရသလဲဆိုတာသိရအောင် လုပ်ဖို့ကတော့ မလွယ်ကူပါဘူး။ အဲဒီလို မလွယ်တာကို တချို့က မိမိမှာသာ ဆင်းရဲဒုက္ခအန္တရာယ် အဖြစ်ဆိုးတွေနဲ့ ကြုံတွေ့ရတယ် ထင်နေပြီး အဲဒီတွေ့ကြုံလာတဲ့အရာများကို ရင်ဆိုင်မှုအားနည်းတတ်ကြပါတယ်။ တကယ်တော့ ဘယ်သူမဆို ဒီလိုဒုက္ခတွေဟာ လောကကြီးကနေ ထွက်မြောက်အောင် မလုပ်နိုင်သူမှန်သမျှ ကြုံတွေ့နေရတာပါ။ ခက်ခဲတဲ့ဘ၀တစ်ခုကို ပိုင်ဆိုင်ထားသူများအတွက်ဆိုရင်တော့ ဘ၀ဟာ ပင်ပန်းနေတတ်သလို ပြည့်စုံတယ်ထင်ရတဲ့ ဘ၀ကိုပိုင်ဆိုင်ထားသူများမှာလည်း ရတာမလို၊ လိုတာမရနဲ့ ပြည့်စုံတယ်လို့မရှိတဲ့အတွက် စိတ်ဆင်းရဲခြင်းတွေ ခံစားနေရပြန်ပါတယ်။ အဲဒီလို ပြည့်စုံတဲ့ဘ၀မှာနေထိုင်သူရော၊ မပြည့်စုံတဲ့ဘ၀မှာနေထိုင်သူများရော သူ့ဒုက္ခနဲ့သူတော့ ရှိနေကြတာကို မသိကြတဲ့အခါကျတော့ တချို့တွေက မိမိမှာသာ ဒီလိုမျိုးဖြစ်ရတယ်လို့ထင်ကာ ဘ၀ကိုဖြစ်ချင် ရာဖြစ်ဆိုပြီး ရေဆုန်မျောလိုက်ကြတဲ့သူတွေလည်း ဒုနဲ့ဒေးရှိနေပါတယ်။ ဒီလိုလူတွေ ဟာ လောကဓံအကြောင်း ကို ကောင်းကောင်းနားမလည် မသိကြတဲ့လူတွေပါ။

လူရယ်လို့ဖြစ်လာရင်တော့ အသက်ရှင်နေထိုင်ဖို့အတွက် ၀မ်းစာတော့ရှာကြရမှာပါ။ ခက်ခဲစွာနဲ့ရှာဖွေစားသောက်မှုတွေရှိသလို ငွေကိုအလွယ်လေးနဲ့ ရနေကြတဲ့သူတွေလည်း ရှိပါတယ်။ အော်.. ငါ့ ဘ၀က ပင်ပန်းလှပါလားလို့ အောက်မေ့ပြီး သူများတွေလို ဖြစ်ချင်ရင်တော့ ရိုးသားစွာနဲ့ ကြိုးစားကြရမှာပါ။ ကိုယ်ရောက်နေတဲ့ အခြေအနေကို အကောင်းဆုံး ရင်ဆိုင် သွားနိုင်ဖို့ လိုပါတယ်။ ရဲရဲရင့်ရင့်နဲ့ ကြိုးစားကြဖို့လည်း လိုပါတယ်။ ဘာအကြောင်းကြောင့် ဒီလိုဖြစ်နေရတာလဲဆိုတာကို မိမိတို့ဘာသာ နားလည်အောင် ကြိုးစားရမှာပါ။  ကြုံဆုံရတဲ့ အခက်အခဲတွေကို ရင်ဆိုင်ဖြေရှင်းနိုင်ခြင်းမရှိဘဲ ဆုံးဖြတ်ချက်မှားတစ်ခုကို ခပ်လွယ်လွယ်နဲ့ ဆုံးဖြတ်တက်ကြတာမျိုး မလုပ်မိဖို့သာ အရေးကြီးတာပါ။ တကယ်လို့ မိမိက အတိတ်ကံ အကျိုးပေးကြောင့် ပင်ပန်းဆင်းရဲတဲ့ဘ၀ရောက်နေမယ်ဆိုရင်လည်း ဒါဟာ ငါလုပ်ခဲ့တဲ့ လုပ်ရပ်မှား တွေကြောင့် ယခုလို ဘ၀မျိုးမှာဖြစ်ရတာဆိုပြီး ကံမကောင်းပေမဲ့ သူများထက်ဉာဏ် ၀ီရိယပိုထားကာ ကြိုးစားမယ် ဆိုတဲ့စိတ်ဓာတ်နဲ့ လောကဓံကို ရင်ဆိုင်ရဲတဲ့သတ္တိ မွေးမြူကာ ဘ၀ကို ဖြတ်သန်းနိုင်ရပါမယ်။

အထူးသဖြင့် ဆင်းရဲမှုဒဏ်မခံနိုင်တာက အမျိုးသမီးများ ဖြစ်နေပါတယ်။ ငွေကြေးဆင်းရဲမှု၊ စိတ်ဆင်းရဲမှုစတာတွေကြောင့် မိမိကိုယ်ကို သတ်သေတာ၊ ဆေးသောက်သေတာ၊ ရေနစ်သေတာ စတာတွေဟာ ကိုယ့်စိတ်ကို ကိုယ်မနိုင်တာကြောင့်ဖြစ်တာ လို့ပြောလို့ရသလို လောကဓံအကြောင်း ကို ကောင်းကောင်းမသိတာလည်း ပါပါတယ်။ အားနွဲ့တဲ့ မိန်းမသားဆိုပြီးတော့ အရာရာကို ခပ်လွယ်လွယ်နဲ့ ဆုံးဖြတ်လိုက်တာဟာ အားနွဲ့တာထက် အသိဉာဏ်ဗဟုသုတမရှိတာက ပိုများနေလို့ပါ။ လူတစ်ကိုယ် စိတ်တစ်မျိုးဆိုပေမယ့် ဖြစ်လာသမျှကို ရဲရဲရင်ဆိုင်နိုင်တဲ့ စိတ်ဓာတ်ကတော့ အားလုံးဆီမှာ ရှိထားသင့်ပါတယ်။  ယောင်္ကျား၊ မိန်းမ ခွဲခြားထားစရာ မလိုပါဘူး။ လုပ်ရဲကိုင်ရဲတဲ့သတ္တိ၊ ဦးဆောင်လိုစိတ်နဲ့ ကြံကြံခံနိုင်တဲ့ စိတ်ဓာတ်တစ်ခုသာ လိုအပ်တာပါ။ ဖြစ်လာသမျှတွေကို အကောင်းဆုံးရင်ဆိုင် ဖြေရှင်းသွားနိုင်မယ်ဆိုရင် ယောင်္ကျား လေးဖြစ်ဖြစ်၊ မိန်းကလေးဖြစ်ဖြစ် နောင်လာနောက်သားတွေအတွက် အားကျအတုယူစရာ ဖြစ်လာမဲ့အပြင် လောကဓံကို တတ်သိနားလည်ပြီး ရင်ဆိုင်နိုင်တဲ့လူလို့လည်း သတ်မှတ်ကြပါလိမ့်မယ်။

တစ်ခါတလေကျတော့လည်း ကိုယ်မှန်းထားတာကတစ်မျိုး၊ ဖြစ်လာတာကတစ်မျိုး၊ ဖြစ်တတ်ပါတယ်။ အဲဒီအခါမျိုးကျတော့ အရာရာကို အကောင်းပဲဖြစ်လာလိမ့်မယ်လို့ ကြိုတင်မျှော်မှန်းမထားဘဲ ဘယ်လိုကိစ္စမျိုးပဲဖြစ်ဖြစ် ဖြစ်လာသမျှကို အကောင်းဆုံးပဲလို့ ယူဆကာ ဘ၀ကိုရင်ဆိုင်သွားနိုင်မယ်ဆိုရင် ပျော်ရွှင်စရာဘ၀လေး ဖြစ်နေပါလိမ့်မယ်။ “စိတ်ထောင်းတော့ ကိုယ်ကြေ”ဆိုသလို လောကဓံကို ရင်မဆိုင်ရဲတဲ့စိတ်ကြောင့် မမှန်ကန်တဲ့နည်းနဲ့ အရက်သောက်ခြင်း၊ အဆိပ်သောက်ခြင်းစတာတွေ ပြုလုပ်တာဟာ စိတ်ဓာတ်မခိုင်မာသူ၊ လောကဓံကို ရင်မဆိုင်ရဲသူများသာဖြစ်တဲ့အတွက် အဲဒီလိုလူဟာ လူ့လောကရဲ့စံပြဆိုတာ ဖြစ်မလာနိုင်ပါဘူး။ ဒါကြောင့် ဘယ်သူမဆို စိတ်ဓာတ်ခိုင်မာဖို့နဲ့ လောကဓံကိုရင်ဆိုင်ရဲဖို့ အရေးကြီးပါတယ်။

သတ္တ၀ါတိုင်းရဲ့ ချမ်းသာခြင်း၊ ဆင်းရဲခြင်းဆိုတာ မိမိလုပ်ခဲ့တဲ့ ကံတရားအတိုင်း ဖြစ်လာပေမဲ့ မိမိမျက်မှောက် ဆက်လျှောက်ရမဲ့ လမ်းခရီးဖြောင့်ဖြူးပြီး ကိုယ်စိတ်နှစ်ပါး ချမ်းသာဖို့အတွက်ကျတော့ မိမိရဲ့ စိတ်ဓာတ်၊ ဉာဏ်၊ ၀ီရိယတို့နဲ့သာ ဆိုင်တာပါ။ ချမ်းသာသူများ ကိုလည်း ပျော်ရွင်ရတယ်လို့ ဆင်းရဲသူများက ထင်မှတ်နေကြပါတယ်။ တကယ်တော့ ချမ်းသာသူများလည်း သူ့ဘ၀နဲ့သူ စိတ်ညစ်စရာ၊ စိတ်ရှုပ်စရာ ကြုံကြရတာပါပဲ။ ဘ၀မှာ ပြီးပြည့်စုံနေပါတယ်၊ ပျော်ရွင်စရာတွေနဲ့သာ ပြည့်နေတယ်လို့ မိမိထင်မှတ်ထားရင်တော့ ဒါဟာလွဲမှားမှုပဲ ဖြစ်ပါတယ်။ ဘာဖြစ်လို့လဲဆိုတော့ လောကမှာနေတဲ့လူမှန်သမျှ လောကဓံကို ခံစားနေရလို့ပါ။ ဘာပဲဖြစ်ဖြစ် ကိုယ့်ကံကြောင့်ဖြစ်လာတာမို့ လက်ရှိအခြေအနေလေးကိုပဲ အကောင်းဆုံး ဖြစ်အောင်ကြိုးစားပြီး နေသွားကြရမှာပါ။ မပြည့်စုံတော့ ပြည့်စုံတဲ့ ဘ၀တွေကို အားကျမိကြတယ်။ စိတ်က အားကျရုံတင်မဟုတ်တော့ဘဲ လိုက်ပြီးဝတ်ချင်၊ စားချင်စိတ်တွေ ဖြစ်လာကြတယ်။ မစားရ၊ မသုံးရ၊ မ၀တ်ရတာတွေဖြစ်လာတော့ စိတ်ကအလိုမကျမှုတွေ ဖြစ်လာတယ်။ မိမိမျှော်မှန်းတဲ့အတိုင်း မဖြစ်လာတော့ လူ့ဘ၀ကြီးက စိတ်ကုန်ဖို့ကောင်းပါတယ် ဆိုပြီး ဖြစ်လာတော့တာပဲ။  ဒါဟာ နဂိုကရှိတဲ့ မိမိတို့ဘ၀ကို မရောင့်ရဲနိုင်ကြလို့ပါ။ တကယ်တော့ မိမိအထင်ကြီးထားတဲ့ စီးပွားချမ်းသာသူများမှာလည်း ခိုးသူ၊ လိမ်လည်လှည့်ဖြားသူစတာတွေကို တွေးပြီး ကြောက်ရွံ့ထိတ်လန့်နေရခြင်းစတဲ့ ဒုက္ခများရှိနေတာမို့ စီးပွားချမ်းသာသူများမှာလည်း စိတ်ပင်ပန်းရခြင်းစတာတွေကို ခံစားရပါတယ်။ ဒါကြောင့် စီးပွားချမ်းသာရင် စိတ်ချမ်းသာတာပဲ ဆိုပြီး တစ်ထစ်ချတွက်ထားတာမျိုးကလည်း မှားယွင်းနေကြောင်းကိုတော့ ခံစားဖူးသူများ သိကြမှာပါ။

ဘယ်လိုအခြေအနေမျိုးမှာပဲဖြစ်ဖြစ် မိမိရပ်တည်နေရတဲ့ဘ၀မှာ အဆိုးရွားဆုံး အခြေအနေ မျိုးကို ရင်ဆိုင်နေရရင်တောင် အပြုံးမပျက်ဘဲ ဆက်လက်ရင်ဆိုင်သွားရပါမယ်။ ဘယ်သူမပြု၊ မိမိမှုဆိုတာလည်းရှိနေတော့ ဖြစ်သမျှအကုန်လုံးကို အကောင်းဆုံးဟုသာ သတ်မှတ်ထားလိုက်ပါ။ မိမိနဲ့မတူဘဲ ခြားနားနေတဲ့ ဘ၀များကိုအားကျပြီး လိုက်တုမနေဘဲ ကိုယ့်နေရာ၊ ကိုယ့်ဒေသ၊ ကိုယ့်ပတ်ဝန်းကျင်မှာပဲ ပျော်ပျော်ရွှင်ရွှင်နဲ့ အကောင်းဆုံးဖြစ်နေသွားမယ်ဆိုရင် မိမိတို့ရဲ့ ဘ၀တွေဟာလှပပြီး သာယာပျော်ရွှင်ဖွယ် ဖြစ်နေမှာသေချာပါတယ်။ ဒါပြင် ဘယ်ကိစ္စမဆို အစကတည်းက အဆိုးဘက်ကိုကြိုတင်တွေးထားမယ်ဆိုရင်တော့ စိတ်လည်းသက်သာရာ ရမှာဖြစ်သလို လောကဓံတရားကိုလည်း ရင်ဆိုင်ရဲပါလိမ့်မယ်။ ဒါကြောင့် မိမိတို့နေစဉ် ကြုံတွေ့လာရသမျှ လောကဓံတရားတွေကို ရင်ဆိုင်ရလာတဲ့အခါ ငါတို့ဟာ လောကကြီးကနေ လွတ်မြောက်အောင် မလုပ်နိုင်သေးလို့ ခံစားရတာပဲလို့တွေးပြီး လောကမှလွတ်မြောက်ဖို့ရန် ကြိုးစားမယ်ဆိုတဲ့စိတ်ဓာတ်များ ရှိကြပါလို့ တိုက်တွန်းရင်း နိဂုံးချုပ်လိုက်ပါတော့တယ်။

ဦးဇင်းစာဖတ်ပရိသတ်များအားလုံး ကိုယ်စိတ်နှစ်ပါးချမ်းသာပြီး လိုရာဆန္ဒပြည့်ဝကြပါစေလို့ ဆုတောင်းမေတ္တာပို့သလျက်....။

အရှင်ကောမလ(ခ)ဆန်နီနေမင်း

ဂျာနယ်ကို Download ဆွဲ ဖတ်ချင်ရင်တော့ http://www.mediafire.com/?c560dkyodkodc40 မှာဖြစ်စေ၊ http://www.shadejournal.com/2012/01/shade-journal_11.html မှာဖြစ်စေ ဆွဲယူဖတ်ရှု့ကြပါလေ။

သာသနာငါးထောင်အကြောင်းနဲ့ပတ်သတ်၍

မေး။ ။ အရှင်ဘုရား တပည့်တော် ခုခေတ်ပြောနေကြတဲ့ သာသနာငါးထောင်တည်မယ်ဆိုတာကို စိတ်ထဲမရှင်းလင်းဖြစ်နေပါသဖြင့် အရှင်ဘုရားသိသလောက် ရှင်းလင်းပေးစေချင်ပါတယ်။ အရှင်ဘုရား အားတဲ့ချိန်မှာ ဖြေကြားပေးရန် လျှောက်ထားပါတယ်ဘုရား။

 မေတ္တာဖြင့် ခိုင်ဝေနှင်း၊ စင်္ကာပူ

ဖြေ။ ။ ဦးဇင်းကို မေးထားတဲ့မေးခွန်းတွေကတော့ များနေပါတယ်။ ဦးဇင်းလည်း မအားသေးတာနဲ့ ဖြေမပေးနိုင်သေးဘဲ ဖြစ်နေတာပါ။ ခုတော့ ဒီမေးခွန်းလေးကို ဦးဇင်း ကျမ်းအတွက် စာတွေလိုက်လံဖတ်ရှု့ရင်း သာသနာလင်္ကာရစာတမ်းစာအုပ်မှာ တွေ့ရှိရတာနဲ့ ဖြေပေးလိုက်ပါတယ်။ အဲဒီစာအုပ်မှာတော့ သာသနာငါးထောင်ဆိုတာ

ပဋိသမ္ဘိဒါပတ္တေဟိ ၀ဿသဟဿံ သုက္ခ၀ိပဿကေဟိ ၀ဿသဟဿံ အနာဂါမီဟိ ၀ဿသဟဿံ သကဒါဂါမီဟိ ၀ဿသဟဿံ သောတာပန္နေဟိ ၀ဿသဟဿန္တိ ဧ၀ံ ပဉ္စ၀ဿသဟဿာနိ ပဋိဝေဓသဒ္ဓမ္မော ဌဿတိ။

ပဋိသမ္ဘိဒါပတ္တရဟန္တာ တစ်ထောင်၊ သုက္ခ၀ိပဿကရဟန္တာ တစ်ထောင်၊ အနာဂါမ်၊ သကဒါဂါမ် တစ်ထောင်၊ သောတာပန်တစ်ထောင်စီဖြင့် သာသနာငါးထောင်လုံးပင် မဂ်ဖိုလ်ရလတ္တံ့။

ဘိက္ခုနီခန္ဓက ၀ိနည်းအဋ္ဌကထာ။

ပဋိသမ္ဘိဒါပတ္တေဟိ ၀ဿသဟဿံ ဆဠာဘိညေဟိ ၀ဿသဟဿံ တေ၀ိဇ္ဇေဟိ ၀ဿသဟဿံ သုက္ခ၀ိပဿကေဟိ ၀ဿသဟဿံ ပါတိမောက္ခေန ၀ဿသဟဿံ။

ပဋိသမ္ဘိဒါပတ္တရဟန္တာ၊ ဆဠာဘိညရဟန္တာ၊ တေ၀ိဇ္ဇရဟန္တာ၊ သုက္ခ၀ိပဿကရဟန္တာ၊ ပါတိမောက္ခရဟန္တာ ခေတ်တစ်ထောင်စီဖြင့် သာသနာငါးထောင်ပတ်လုံး တည်လတ္တံ့။

ဒီယနိကာယ်၊ သမ္ပသာဒနိယသုတ်အဋ္ဌကထာ၊ သံယုတ်အဋ္ဌကထာ။

ဗုဒ္ဓါနံ ပရိနိဗ္ဗာတော ၀ဿသဟဿမေ၀ ပဋိသမ္ဘိဒါ နိဗ္ဗတ္တေတုံ သက္ကောန္တ၊ တတောပရံ ဆဠာဘိညာ၊ တတောပိ အ သက္ကောန္တာတိေဿာ ၀ိဇ္ဇာ နိဗ္ဗတ္တေန္တိ၊ ဂစ္ဆန္တေ ကာလေတာပိ နိဗ္ဗတ္တေတုံ အသက္ကောန္တာ သုက္ခ၀ိပဿကာ ဟောန္တိ၊ ဧတေနေ၀နယေန အနာဂါမိနော သကဒါဂါမိနော သောတာပန္နာတိ။

ပဋိသမ္ဘိဒါပတ္တရဟန္တာ၊ ဆဠာဘိညရဟန္တာ၊ေ၀၀ိဇ္ဇရဟန္တာ၊ သုက္ခ၀ိပဿကရဟန္တာ၊ အနာဂါမ်၊ သကဒါဂါမ်၊ သောတာပန်တစ်ထောင်စီဖြင့် သာသနာငါးထောင်ပတ်လုံး တည်လတ္တံ့။

အဂုင်္တ္တရအဋ္ဌကထာ၊ သမ္မောဟ၀ိနောဒနီအဋ္ဌကထာ။ အကျယ်ကို သာသနာလင်္ကာရစာတမ်းစာအုပ်တွင် ဖတ်ရှု့နိုင်ပါသေးတယ်။

ယခုဖော်ပြခဲ့တဲ့အဋ္ဌကထာဆရာစကားတွေကို ထောက်ဆကြည့်ပြီး သာသနာငါးထောင်ဆိုတဲ့စကား ဖြစ်လာဟန်တူပါတယ်။ မဟာပရိနိဗ္ဗာနသုတ်တွင် မြတ်စွာဘုရားဟောကြားထားခဲ့တာကတော့ ငါ့ဘုရားတရားလမ်းစဉ်များကို ကျင့်သုံးနေသမျှကာလပတ်လုံး ရဟန္တာမဆိတ်သုဉ်းဟု ဟောကြားထားခဲ့ပါတယ်။ ဒါကြောင့် မိမိတို့ သာသနာဝင်လူများ သာသနာကိုယုံကြည်လက်ခံကျင့်သုံးနေသမျှ သာသနာတည်ရှိနေမည်ဟု မှတ်ချက်ချရပေလိမ့်မယ်။

ဦးဇင်း စဉ်းစားကြည့်မိတာကတော့ ဦးဇင်းတို့ ဗုဒ္ဓဘာသာဝင်တွေက ကိုယ့်ဘာသာအကြောင်းကို စဉ်းစားလေ့လာမှုအားနည်းလို့ ကိုယ့်ဘာသာနဲ့ အလှမ်းဝေးနေကြပြီး အနောက်တိုင်းလူများကျတော့ စဉ်းစားလေ့လာမှုများတဲ့အတွက်ကြောင့် သူတို့ဘာသာနဲ့ ဝေးကွာသွားကြတယ်လို့ ထင်မိပါတယ်။ ဒါကြောင့် တွေးခေါ်စဉ်းစားလေ့လာမှုများတဲ့ အနောက်တိုင်းသားများကို အတုယူပြီး သူတို့တောင် ကိုယ့်ဘာသာဘက်ရောက်လာကြသေးတယ်ဆိုရင် မိမိတို့ဗုဒ္ဓဘာသာဝင်များက မိမိတို့ဘာသာအကြောင်းကို ပိုမိုလေ့လာမှုများပါက ကိုယ့်ဘာသာအပေါ် ပိုမိုယုံကြည်မှုများဖြစ်လာပြီး မိမိသံသရာအတွက် ဖြတ်သန်းရမည်လမ်းစဉ်ကိုလည်း ကောင်းမွန်စွာလျှောက်လှမ်းနိုင်လိမ့်မယ်လို့ ထင်ပါတယ်။ ဒါကြောင့် စာဖတ်သူအားလုံး ကိုယ့်ဘာသာအကြောင်း လေ့လာမှုပိုမိုပြုလုပ်နိုင်ကြပြီး မိမိခရီးကို ကောင်းမွန်စွာ လျှောက်လှမ်းနိုင်ကြပါစေလို့ ဆန္ဒပြုလိုက်ရပါတယ်။

သီရိလင်္ကာနိုင်ငံနှင့် Dhamma Sunday School

တစ်ချိန်က တမ္ဗပဏ္ဏိဟု အမည်ရခဲ့သော သီရိလင်္ကာကျွန်းနိုင်ငံငယ်လေးသို့ နောင်တစ်ချိန်တွင် သာသနာထွန်းကားလာမည်ကို ကြိုတင်သိရှိတော်မူသည့်အတွက် မြတ်စွာဘုရားသက်တော်ထင်ရှားရှိစဉ်က သုံးကြိမ်သုံးခါ ကြွရောက်ချီးမြှင့်ခဲ့သည်ဟု ဒီပဝံသ၊ မဟာဝံသစသော သီဟိုဠ်ရာဇဝင်များက ဆိုလေသည်။ မြတ်စွာဘုရားပရိနိဗ္ဗာန်စံပြီးနောက် ဘီစီ(၃)ရာစုတွင်လည်း သီရိဓမ္မာသောကမင်း၏စေလွှတ်မှုဖြင့် သားတော်အရှင် မဟာမဟိန္ဒသည်လည်း သီဟိုဠ်ကျွန်းသို့ သာသနာပြုကြွရောက်တော်မူခဲ့ကြောင်း အသောကကျောက်စာ၊ သမန္တပါသာဒိကအဋ္ဌကထာနှင့် ဝံသကျမ်းများအရ သိရသည်။ ထို့ကြောင့် သီရိလင်္ကာနိုင်ငံသည် ဗုဒ္ဓသာသနာ့အဆုံးအမကို အစောဆုံးလက်ခံရရှိသော ပင်လယ်ရပ်ခြား တိုင်းနိုင်ငံဖြစ်သည်ဟု ဆိုနိုင်ပေသည်။ သို့ရာတွင် ရှည်ကြာလှသော သမိုင်းကာလတစ်လျှောက်တွင် သီရိလင်္ကာဗုဒ္ဓသာသနာသည် တည်တည်ငြိမ်ငြိမ်အေးအေးချမ်းချမ်းဖြင့် ဖွံ့ထွားထွန်းကားလာသည်တော့ မဟုတ်ပေ။ အနုရာဓပူရခေတ်၊ ပေါလောနရုဝခေတ်၊ ကန္ဒီခေတ် အစရှိသော ခေတ်အဆက်ဆက်တွင် သူပုန်ရန်များ၊ မင်းဆိုးမင်းညစ်တို့၏ရန်များ၊ ရဟန်းဆိုးတို့၏ရန်များ၊ အယူမတူသူတို့၏ရန်များ၊ တိုင်းတစ်ပါးသားတို့၏ရန်များစသည်ဖြင့် အတွင်းအပြင် အန္တရာယ် ရန်စွယ်တို့အကြားမှ ခက်ခက်ခဲခဲ ထွန်းလင်းခဲ့ရလေသည်။ ဤသို့ ပွင့်လင်းထွန်းကားခဲ့သော သာသနာ့အသီးအပွင့်များစွာတွင် တနင်္ဂနွေ၊ ဗုဒ္ဓဘာသာယဉ်ကျေးမှုသင်တန်း (Sunday Dhamma School)သည်လည်း သီရိလင်္ကာသာသနာ့သစ်ပင်ကြီးတွင် သစ်သီးတစ်လုံးအဖြစ် အခက်အခဲများကြားက ပါဝင်သီးပွင့်ခွင့်ရခဲ့လေသည်။

သီရိလင်္ကာနိုင်ငံသည် နှစ်ပေါင်းလေးရာကျော်မျှ ကိုလိုနီနယ်ချဲ့တို့၏လက်အောက်သို့ ကျရောက်ခဲ့ရ၏။ ထိုအတောအတွင်း ဗုဒ္ဓသာသနာရောင်ဝါမှာလည်း အလွန်မှေးမှိန်ခဲ့ရ၏။ (၁၅ဝ၅)ခုနှစ်တွင် ပေါ်တူဂီတို့လက်အောက်သို့ ကျရောက်၍ (၁၆၅၆)ခုနှစ်တွင် ဒတ်ခ်ျတို့၏ သိမ်းပိုက်ခြင်းကိုခံရသည်။ (၁၈၁၅)ခုနှစ်မှ လွပ်လပ်ရေးရချိန် (၁၉၄၈)ခုနှစ်အထိ အင်္ဂလိပ်လက်အောက်တွင် ရှိနေခဲ့သည်။ ဒတ်ခ်ျတို့ သိမ်းပိုက်သည်မှစ၍ ခရစ်ယာန် သာသနာပြုများ နိုင်ငံအတွင်းသို့ အလုံးအရင်းနှင့် ဝင်ရောက်လာကာ နိုင်ငံ၏ပညာရေးကို ဦးစီးချုပ်ကိုင်ထားကြလေသည်။ ထို့နောက် လွန်ခဲ့သောနှစ်ပေါင်း (၂၁ဝဝ)ခန့်၊ ဒုဋ္ဌဂါမဏိမင်းကြီး လက်ထက်ကတည်းက နိုင်ငံတော်အားလပ်ရက်အဖြစ် သတ်မှတ်ခဲ့သော Poy Day(ဥပုသ်နေ့)ကို မျက်ကွယ်ပြုကာ တနင်္ဂနွေနေ့ကို အားလပ်ရက်အဖြစ် သတ်မှတ်ခဲ့လေသည်။ ထိုမျှမကသေး ဗုဒ္ဓဘာသာဝင်များအပေါ်တွင် ကန့်သတ်ချုပ်ခြယ်မှုများ ပြုလုပ်လာကာ ကလေးငယ်များမှာလည်း ခရစ်ယာန် ကက်သလစ်စာသင်ကျောင်းများသို့ မဖြစ်မနေတက်ရောက်ရလေသည်။ ဤသို့ဖိနှိပ်ချုပ်ခြယ်မှုများသည် နောင်တစ်ချိန်တွင် ဗုဒ္ဓဘာသာဓမ္မကျောင်းများ ထွန်းကားတိုးတက်လာခြင်း၏ အကြောင်းရင်းများ ဖြစ်လာခဲ့သည်။ Sunday Schoolဟုဆိုလိုက်လျှင် ကမ္ဘာအရပ်ရပ်၌ ခရစ်ယာန်ဘာသာရေးကျောင်းများကိုသာ လူသိများကြသည်။ ထို့ကြောင့် တနင်္ဂနွေနေ့တွင်ပင် ကျင်းပသည်မှန်သော်လည်း အများသိ Sunday Schoolနှင့် ကွဲပြားမှုရှိစေရန် Dhamma Schoolဟု ဗုဒ္ဓဘာသာအတွက် ပိုမိုထင်ရှားသော အမည်တစ်မျိုးဖြင့် ခေါ်ဆိုခြင်း ဖြစ်နိုင်ပေသည်။ (ဤဆောင်းပါးတွင်မှု အဆိုပါအမည်နှစ်မျိုးကိုပေါင်း၍ Sunday Dhamma Schoolဟု ခေါ်ဝေါ်သုံးစွဲထားသည။်)

သီရိလင်္ကာနိုင်ငံသည် ဗုဒ္ဓသာသနာတွင် ထေရဝါဒပိဋကတ်ကို ပေထက်အက္ခရာတင်ရာတွင် ပထမဆုံး၊ သာသနာ့အလံဖြစ်ပေါ်ဖို့ ဆောင်ရွက်ရာတွင် ပထမဆုံး၊ ကဆုန်လပြည့် ဗုဒ္ဓနေ့ကို တစ်ကမ္ဘာလုံးတွင် ဗုဒ္ဓဘာသာဝင်များ၏ နေ့ထူးနေ့မြတ်ဖြစ်သည့် အားလပ်ရပ်အဖြစ်သတ်မှတ်ရေး ဆောင်ရွက်ရာတွင်လည်း အဦးဆုံး၊ အဋ္ဌကထာများကို မိမိကိုယ်ပိုင်ဘာသာဖြင့် ပြန်ဆိုရာတွင်လည်း အရင်ဦးဆုံး၊ သီဟိုဠ်ဘာသာမှ မဂဓ(ပါဠိ)ဘာသာကို ပြန်ဆိုရာတွင်လည်း အခြေချရာနေရာ စသည်၊စသည်ဖြင့် ဗုဒ္ဓဘာသာလောကတွင် လေးစားလောက်ဖွယ် သမိုင်းကြောင်းများ ရှိခဲ့သောနိုင်ငံဖြစ်သည်။ ကမ္ဘာပေါ်တွင် အထူးသဖြင့် ဥရောပနိုင်ငံများတွင် ထေရဝါဒဗုဒ္ဓဘာသာ ထွန်းကားစေရန် အစအမွန်အုတ်မြစ်ကို အခိုင်အမာ ချခဲ့ကြသူများမှာလည်း သီရိလင်္ကာသာသနာပြုများပင်ဖြစ်လေသည်။ ထေရဝါဒနိုင်ငံများတွင်လည်း ခရစ်ယာန်ဘာသာဝင်များကဲ့သို့ တနင်္ဂနွေနေ့တိုင်း ဗုဒ္ဓဘာသာယဉ်ကျေးမှုသင်တန်းကို သင်ကြားပေးသော ပထမဆုံးနိုင်ငံသည် သီရိလင်္ကာနိုင်ငံပင် ဖြစ်နေပြန်ပါသည်။

ထိုသို့ ဗုဒ္ဓဘာသာနှင့်ပတ်သက်ပြီး အဦးအစ အုတ်မြစ်များချခဲ့သော တိုင်းပြည်တွင် တိုင်းတစ်ပါးသား ကိုလိုနီတို့၏ အုပ်ချုပ်မှုသည်လည်း အခြားသောထေရဝါဒတိုင်းပြည်များနှင့်မတူ တစ်မူထူးခြားစွာ ရာစုနှစ်လေးခုကျော် ဖြစ်ခဲ့သည်။ ထိုသို့ တိုင်းတစ်ပါးသားတို့၏လက်အောက် သို့ နှစ်ပေါင်းများစွာကျရောက်ခဲ့ရသော်လည်း သီဟိုဠ်ပြည်သူတို့၏ ဘာသာရေးအသိပညာမှာ တိမ်ကောပပျောက်သွားခြင်း မရှိခဲ့သည့်အပြင် ပိုမို၍ခိုင်မာနေသကဲ့သို့ပင် ဖြစ်နေပါသည်။ ထိုသို့ ဖြစ်နေရသည်မှာ ဤနိုင်ငံတွင် တနင်္ဂနွေနေ့တိုင်း တိုင်းသူပြည်သားတို့အား ဗဟိုပြုပြီး အသင်းအဖွဲ့ကို ဗဟိုမပြုသော ဗုဒ္ဓဘာသာယဉ်ကျေးမှု သင်တန်းများကို ဘုန်းတော်ကြီးကျောင်းတိုင်းတွင် Sunday Dhamma Schoolအဖြစ် သင်ကြားပို့ချပေးနေသောကြောင့် ဖြစ်နိုင်ပေသည်။ သီရိလင်္ကာနိုင်ငံ၏ လက်ရှိ တနင်္ဂနွေဗုဒ္ဓဘာသာ ယဉ်ကျေးမှုသင်တန်းမှာ အားရဖွယ်ကောင်းလှသည်။ တနင်္ဂနွေနေ့တိုင်း မိမိတို့ရပ်ကွက်၊ ကျေးရွာရှိ ဘုန်းတော်ကြီးကျောင်းများတွင် သင်တန်းသူသင်တန်းသား ဗုဒ္ဓဘာသာ ရင်သွေးကလေးများဖြင့် ပြည့်နှက်နေလေ့ရှိပြီး သင်တန်းများကို မနက်(၈)နာရီမှ (၁၂)နာရီအထိ သင်ကြားပေးလေ့ရှိပါသည်။

တနင်္ဂနွေ ဗုဒ္ဓဘာသာယဉ်ကျေးမှုသင်တန်းတွင် သင်ကြားသောဘာသာရပ်များမှာ များသောအားဖြင့် ဗုဒ္ဓဘာသာ အကြောင်းအရာများသာဖြစ်ပြီး ယေဘုယျအားဖြင့် ဆင်ဟာလဘာသာစကားဖြင့် သင်ကြားပေးသည်။ ဆင်ဟာလဘာသာစကားမတတ်သော အချို့ ဆင်ဟာလကပြား ကလေးငယ်များ အတွက် အင်္ဂလိပ်ဘာသာစကားဖြင့် သင်ကြားပေးကြသော ဘုန်းတော်ကြီးကျောင်းများလည်းရှိပါသည်။

တနင်္ဂနွေ ဗုဒ္ဓဘာသာယဉ်ကျေးမှုသင်တန်းများအတွက် သီရိလင်္ကာအစိုးရက ပြဋ္ဌာန်းထားသောစာအုပ်များမှာ (၁)တန်းမှ (၁ဝ)တန်းအထိ (၁)တန်းလျှင် တစ်အုပ်ကျစီဖြင့် (၁ဝ)အုပ်၊ (၁၁)တန်းနှင့် (၁၂)တန်းတို့အတွက် (၄)အုပ်စီဖြင့် (၈)အုပ်ဖြစ်ပါသည်။ အစိုးရမှ တရားဝင်ပြဋ္ဌာန်းထားသော စာအုပ်များတွင် ပထမတန်းနှင့် စတုတ္ထတန်းအတွက်သာ အင်္ဂလိပ်ဘာသာဖြင့် ရှိပါသည်။ သို့ရာတွင် အတန်းစုံအတွက် အခြားပုဂ္ဂလိကစာရေးဆရာများ အင်္ဂလိပ်ဘာသာဖြင့် ရေးသားထားသောစာအုပ်များမှာ များစွာရှိပါသည်။ ဤတနင်္ဂနွေ ဗုဒ္ဓဘာသာယဉ်ကျေးမှုသင်တန်းကို သီရိလင်္ကာသားတို့က စတင်တည်ထောင်ခဲ့သည်တော့ မဟုတ်ပေ။ ပထမဆုံးသင်တန်းကို အမေရိကန် ဗိုလ်မှူးကြီး ဟင်နရီ စတီးလ် အော်လကော့တ် (Colonel Henry Steele Olcott)ဆိုသူက (၁၈၈၆)ခုနှစ်၊ ဂေါလ်မြို့ ဝိဇယာနန္ဒပရိဝေနစာသင်တိုက် (Vijayananda Pirivena)တွင် စတင်ဖွင့်လှစ် သင်ကြားခဲ့သည်။ ပထမဦးဆုံး စာမေးပွဲကျင်းပရေးအဖွဲ့ (Examination Syndicate)ကို ပထမဆုံး ဗုဒ္ဓဘာသာကောလိပ်ဖြစ်သော အာနန္ဒာကောလိပ်၏ဥက္ကဋ္ဌ Mr.C. W Leadbeaterက ဦးဆောင်ဖွဲ့စည်းခဲ့သည်။ ထိုအဖွဲ့တွင် ထင်ရှားသောဆရာတော်များမှာ Dodanduwe Piyaratanaနှင့် Koratota Sobitaတို့ ဖြစ်ပါသည်။

အစောပိုင်းနှစ်များတွင် စာမေးပွဲများကို အစိုးရက ဦးဆောင်ကျင်းပပေးခြင်း မရှိပေ။ (၁၉၂ဝ-၂၁)ခုနှစ်မှ စတင်ကာ (၁၉၇ဝ)ခုနှစ်အထိ နှစ်ပေါင်း(၅ဝ)တိုင် YMBA အသင်းကြီးက မိမိတို့အသင်းသို့ စာရင်းပေးသွင်း လာသော ကျောင်းများမှ ကျောင်းသား၊ ကျောင်းသူများအတွက် ကျင်းပပေးခဲ့သည်။ ထို (၁၉၂ဝ-၂၁)ခုနှစ်တွင် ကျောင်းပေါင်း(၂၇)ကျောင်း စာရင်းပေးသွင်းခဲ့ပြီး ကျောင်းသားဦးရေ (၃၇၄)ယောက်ဖြင့်စတင်ခဲ့ကာ (၁၉၇ဝ)ခုနှစ်တွင် သုံးသိန်းအထိ တိုးတက်လာခဲ့သည်။ (၁၉၂၆)ခုနှစ်တွင် ကျောင်းသာ၊ ကျောင်းသူများအတွက်သာမက ဆရာ၊ ဆရာများအတွက်ပါ စာမေးပွဲများ ကျင်းပပေးခဲ့ပါသည်။ ထိုသို့ကျင်းပ၍ အောင်မြင်သောသူများကို ဆုငွေများချီးမြှင့်၍ ရမှတ်အများဆုံးဖြင့်အောင်မြင်သူကို ရွှေတံဆိပ်ဆု ချီးမြှင့်ပေးခဲ့ပါသည်။

(၁၉၇၁)ခုနှစ်မှ (၁၉၇၉)ခုနှစ်အထိ အစိုးရက စာမေးပွဲများကို ကျင်းပပေးခဲ့ပြီး (၁၉၇၉)ခုနှစ်တွင် YMBAအသင်းသို့ ပြန်လည်ပေးအပ်ခဲ့ကာ ကျင်းပစေခဲ့ပါသည်။ ထိုသို့ကျင်းပပြီး အတန်းအသီးအသီးတွင် ထူးချွန်သောကျောင်းသား သုံးယောက်စီကို ဘိုရဲလား(Borella)မြို့နယ်ရှိ ရုံးချုပ်တွင် ပြန်လည်ယှဉ်ပြိုင်စေကာ အမှတ်အများဆုံးရသူများကို အသင်း၏နှစ်ပတ်လည်နေ့တွင် ဆုများချီးမြှင့်ပေးပါသည်။ လွတ်လပ်ရေးရပြီး နောက်ပိုင်းကာလများတွင် ထိုသို့အသင်းအဖွဲ့က သင်တန်းများနှင့် စာမေးပွဲများကို ကျင်းပပေးနေစဉ် အစိုးရဘက်ကလည်း စာရေးကိရိယာများ၊ အဝတ်အစားများ ထောက်ပံ့ခြင်း၊ မေးခွန်းလွှာများ ထုတ်ပေးခြင်း၊ အောင်လက်မှတ်များ ထုတ်ပေးခြင်း၊ Sunday Dhamma Schoolကို (၆)တန်းအဆင့်မှ (၁၂)တန်းအဆင့်အထိ စာမေးပွဲများကို အစိုးရလက်အောက်ခံ သာသနာရေးဝန်ကြီးဌာန၌ ကျင်းပပေးခြင်းတို့ဖြင့် တစ်ဖက်တစ်လမ်းမှ ကူညီပေးခဲ့သည်။

(၂ဝဝ၇)ခုနှစ်တွင်စ၍ ယခုအချိန်ထိ အစိုးရသာသနာရေးဝန်ကြီးဌာနက (၆)တန်းမှ (၁၀)တန်းအထိ သင်တန်းများအတွက် စာမေးပွဲများကို နှစ်စဉ်ကျင်းပပေးလျက် ရှိသည်။ (၁၁)တန်းနှင့်(၁၂)တန်း စာမေးပွဲများကိုမှု သာသနာရေးဝန်ကြီးဌာနက ကျင်းပပေးသည်မဟုတ်ဘဲ ပညာရေးဝန်ကြီးဌာနက ကျင်းပပေးပါသည်။ (၁၁)တန်းနှင့်(၁၂)တန်း အောင်မြင်ပြီးသူများကို သီရိဇယ၀ဒနပူရတက္ကသိုလ် (University of Sri Jayawardanapura)သို့ တိုက်ရိုက်တက်ခွင့်ရနိုင်အောင်လည်း စီစဉ်ပေးထားပါသည်။

တနင်္ဂနွေ ဗုဒ္ဓဘာသာယဉ်ကျေးမှုသင်တန်းများ ဖွင့်လှစ်ခြင်းသည် ဗုဒ္ဓတရာတော်များနှင့်အညီ ယဉ်ကျေးသော ခေတ်မီလူ့ အဖွဲ့အစည်းများ ဖြစ်ပေါ်စေရေးအတွက်ပင် ဖြစ်သည်။ ထိုသင်တန်းများ၏ အကျိုးကျေးဇူးကြောင့် ကလေးငယ်များသည် ရဟန်းသံဃာများနှင့် နီးနီးကပ်ကပ်ထိတွေ့ဆက်ဆံခွင့်ရကာ ဗုဒ္ဓဘာသာကို ကောင်းစွာသဘောပေါက် နားလည်လာကြသည်။ ထိုသို့ နားလည်လာသည့်အလျောက် ယဉ်ကျေးသောလူ့အဖွဲ့အစည်းများ ဖြစ်လာကြပါသည်။ ယဉ်ကျေးသော လူ့အဖွဲ့အစည်းများဖြစ်လာသဖြင့်လည်း ရာဇဝတ်မူများ နည်းပါးလာသည်။ ထိုသို့ရာဇဝတ်မှုများ နည်းပါးလာသည့်အတွက် အေးချမ်းသာယာသော လူ့အဖွဲ့အစည်းအဖြစ်ပါ ရပ်တည်လာနိုင်ပါသည်။ ဗုဒ္ဓတရားတော်များ၏ အဆုံးအမများအောက်တွင် ကြီးပြင်းလာကြသောကြောင့် သားဆိုးသမီးဆိုးများ ဖြစ်မလာနိုင်ပါ။ သားဆိုးသမီးဆိုးများမှကင်းသော မိဘများဖြစ်ကြသောကြောင့်လည်း စိတ်ချမ်းမြေ့ဖွယ် လူ့အဖွဲ့အစည်းကို ပိုင်ဆိုင်လာရပါသည်။ သားဆိုးသမီးဆိုးများမဖြစ်အောင် သင်ကြားပေးသည့်အတွက်လည်း သားသမီးရှင်မိဘများမှ သာသာနာတော်အား အတုံ့အလှည့်အားဖြင့် စောင့်ရှောက်ကြသောကြောင့် သာသနာလည်း စည်ပင်ပြန့်ပွားလာရပါသည်။

ဗုဒ္ဓသာသနာ မကွယ်ပျောက်အောင်၊ သာသနာတိုးပွားစည်ပင်အောင် လုပ်ဆောင်ရမည့် အဓိကတာဝန်ရှိသူများမှာ ရဟန်းသံဃာတော်များပင်ဖြစ်သည်။ သို့ရာတွင် တနင်္ဂနွေ ဗုဒ္ဓဘာသာယဉ်ကျေးမှုသင်တန်းများတွင် ဗုဒ္ဓဘာသာနှင့်စပ်သော သဘောတရားများကို သင်ကြားပေးထားသည့်အတွက် လူဝတ်ကြောင်များကလည်း ဗုဒ္ဓဘာသာနှင့်ပတ်သက်လာလျှင် စွမ်းစွမ်းတမံ ဆောင်ရွက်နိုင်ကြသည်ကို တွေ့ရသည်။ ဘာသာရေးကို ကောင်းမွန်စွာနားလည်ပြီး ဖြစ်သောကြောင့်လည်း စီးပွားရေးကြပ်တည်းမှု စသည့်အခြေအနေများတွင် ဘာသာခြားတို့က ဆွဲဆောင်သိမ်းသွင်းလာပါက ဘာသာပြောင်းသွားကြသည်ဟု သိပ်မကြားရပေ။

တနင်္ဂနွေ ဗုဒ္ဓဘာသာယဉ်ကျေးမှုသင်တန်းများ၏ အကျိုးကျေးဇူးတို့မှာ များပြားလှပါသည်။ အချုပ်ဆိုရသော် သီရိလင်္ကာနိုင်ငံ၏ လူ့အဖွဲ့အစည်းသည် ဗုဒ္ဓတရားတော်များ၏ အဆုံးအမအောက်တွင် ယဉ်ကျေးသော လူ့အဖွဲ့အစည်းအဖြစ် ရပ်တည်လျက်ရှိပေသည်။ “အပင်စိုက်လျှင် အသီးကို စားရအံ့’’ဆိုသကဲ့သို့ သီရိလင်္ကာနိုင်ငံ၏ မျိုးဆက်သစ်တို့သည်လည်း ဉာဏ်အမြော်အမြင်ကြီးမားသော ရှေးဘိုးဘွားတို့ စိုက်ပျိုးခဲ့သည့် ယဉ်ကျေးမှုအသီးအပွင့်များကို စားသုံးနေရသည်ဟုဆိုလျှင် မှားမည်မဟုတ်ပေ။ ထို့ကြောင့် ထေရဝါဒဗုဒ္ဓဘာသာကို ကြည်ညိုမြတ်နိုးသော မြန်မာနိုင်ငံသူ၊ နိုင်ငံသားများနှင့် နိုင်ငံ့ခေါင်းဆောင်းများ အားလုံးတို့သည် တနင်္ဂနွေ ဗုဒ္ဓဘာသာယဉ်ကျေးမှုသင်တန်း (Sunday Dhamma School)များ ဖြစ်မြောက်အောင် ကြိုးစားသင့်လှပါကြောင်း တင်ပြလိုက်ရပါသည်။

အရှင်ရာဇိန္ဒာလင်္ကာရမှ သီရိလင်္ကာရောက် မြန်မာရဟန်းတော်များထုတ်ဝေသော တတိယအကြိမ် လင်္ကာတမန် မဂ္ဂဇင်းတွင် ရေးသားတင်ပြထားသည့် ဆောင်းပါးဖြစ်ပါသည်။

တတိယအကြိမ်မြောက် ထုတ်ဝေသည့်ဤဆောင်းပါးနဲ့တကွ သီရိလင်္ကာနိုင်ငံ ယဉ်ကျေးမှု၊ ဓလေ့ထုံစံ၊ ထင်ရှားသော သာသနာ့သမိုင်းဝင်များနဲ့၊ စေတီပုထိုး၊ သာသနာ့အဆောက်အဦးများ၊ ကျောင်းသားဘ၀ဟာသများ၊ သီရိလင်္ကာတက္ကသိုလ်များအကြောင်း၊ သီရိလင်္ကာပညာသင် မြန်မာရဟန်းတော်များရဲ့ ဘ၀အကြောင်း၊ အင်္ဂလိပ်စာဆောင်းပါးများစသည့် သုတ၊ ရသ၊ ကဗျာတို့စုံလင်စွာဖြင့် သီရိလင်္ကာရောက် မြန်မာရဟန်းတော်များ ရေးသားထားကြတဲ့ လင်္ကာတမန်မဂ္ဂဇင်းကို စာဖတ်ပရိသတ်များ အားပေးဝယ်ယူခြင့်ဖြင့် မိမိတို့မှာ အသိပညာဗဟုသုတရတဲ့အပြင် နောက်နှစ်တွေမှာ ထုတ်ဝေဖို့အတွက် စာအုပ်ဓမ္မဒါနအဖြစ်လည်း လှူဒါန်းရာရောက်တာမို့ မျက်မှောက်အတွက်ရော၊ သံသရာအတွက်ပါအကျိုးများစေသည့် ဤလင်္ကတမန်မဂ္ဂဇင်းကို အောက်ပါနေရာများတွင် ၀ယ်ယူရရှိနိုင်ပါကြောင်း စေတနာဖြင့် လမ်းညွှန်ပေးလိုက်ပါတယ်။ ၀ယ်ယူရရှိနိုင်သည့်နေရာများမှာ

ဗဟန်းသုံးထပ်ကျောင်း၊ ဗဟန်း(၃)လမ်းမှတ်တိုင်၊ ဗဟန်းမြို့နယ်၊ ရန်ကုန်နှင့် ရန်ကုန်သာသနာ့တက္ကသိုလ်တွင်လည်း ၀ယ်ယူရနိုင်ပါတယ်။ ဒါပြင် ဖေဖ၀ါရီလတွင်လည်း မန်းလေးသာသနာ့တက္ကသိုလ်သို့ ဖြန့်ချီပေးပါဦးမယ်။ အုပ်ရေ(၁၅၀၀)သာ ထုတ်ဝေထားပါတယ်။

ဂျာနယ်ပါ ဆောင်းပါးဖြစ်တဲ့ ရည်မှန်းချက်ကိုယ်စီ ရှိကြပါ

လူ့ဘုံရောက်လို့ လူရယ်လို့ဖြစ်လာပြီဆိုရင်တော့ ရည်မှန်းချက်ဆိုတာ မဖြစ်မနေ ထားရှိရမဲ့အရာတစ်ခုပါ။ ဘာဖြစ်လို့လဲဆိုတော့ ကျန်တဲ့သတ္တ၀ါတွေမှာက ရည်မှန်းချက်ထားဖို့ မလိုသလိုထားဖို့လည်း အသိဉာဏ် မရှိကြပါဘူး။ ဥပမာ-နတ်တွေဆိုရင် သူတို့ရဲ့စည်းစိမ်ချမ်းသာကို အမြဲခံစားနေရတဲ့ အတွက် ရှေးဆက်ရမဲ့ဘ၀ခရီးရည်မှန်းချက်ဆိုတာ ထားစရာမလိုပေ။ ဗြဟ္မာတွေဆိုရင်လည်း သူတို့ရတဲ့ ဈာန်ပီတိတွေကို အမြဲခံစားနေကြတာမို့ ရည်မှန်းချက်ထားစရာ မလိုပြန်ဘူး။ နောက်တစ်ခါ အပါယ်လေးဘုံသား သတ္တ၀ါတွေကျတော့လည်း သူတို့ခံစားနေရတဲ့ ဒုက္ခတွေက ဆက်တိုက်ဖြစ်နေတာရယ်၊ သူတို့မှာ ဘ၀ကိုဘယ်လိုရှေးဆက်ဖြတ်သန်းရမယ်ဆိုတာလည်း စဉ်းစားလို့မရသလို အသိဉာဏ်လည်း မရှိတာကြောင့် ရည်မှန်းချက်ဆိုတာ မရှိကြပါဘူး။

ဒါပေမဲ့ လူသားတွေကျတော့ အသိဉာဏ်လည်းရှိတယ်။ ရှေးဆက်ရမဲ့ ဘ၀ခရီးအတွက်ကလည်း ကံတရားတစ်ခုတည်းနဲ့ ဖြစ်တာမဟုတ်ဘဲ ကံ၊ ဉာဏ်၊ ၀ီရိယသုံးပါးလုံးပြည့်စုံမှ မိမိဖြစ်ချင်တာကို ပြည်စုံစွာ အောင်မြင်မှုရရှိပါတယ်။ ဒါကြောင့် ရှေးလျှောက်ရမဲ့ မျက်မှောက်ဘ၀ခရီးလမ်းဖြောင့်ဖြူးဖို့ အတွက်ရော၊ အနာဂတ်ဘ၀အတွက်လည်း သာယာလှပတဲ့ဘ၀ကိုပိုင်ဆိုင်နိုင်ပြီး မိမိတို့ပန်းတိုင်ကို လျင်မြန်စွာရောက်ရှိဖို့ရန်အတွက်ပါ ရည်မှန်းချက်ထားမှဖြစ်မှာပါ။

ဘယ်လိုရည်မှန်းချက်မျိုးထားရမလဲဆိုတော့ မျက်မှောက်ဘ၀အတွက်ဆိုရင် မိမိဝါသနာနဲ့ ဖြစ်သင့်တဲ့ ဘ၀ကိုရောက်အောင်၊ ရအောင်၊ ပိုင်ဆိုင်နိုင်အောင် ကြိုးစားရမယ်။ မိမိက ဆရာဝန်ဖြစ်ချင်တယ်ဆိုရင် ဆရာဝန်ဖြစ်အောင် ငယ်စဉ်ကတည်းက အတန်းပညာကို မှန်မှန်ကန်ကန်ကြိုးစားသင်ယူပြီး စာပေကို ဦးစားပေးကာ ပျော်ပါးမှုကို လျှော့ပေးရမယ်။ တစ်ခုကိုလိုချင်ရင် ကျန်တစ်ခုကို စွန့်လွှတ်ရတယ်ဆိုတာ လူတိုင်းသိမယ်ထင်ပါတယ်။ အဲဒီတော့ မိမိက ရည်မှန်းချက်အောင်မြင်ဖို့အတွက် ရည်မှန်းချက် ကိုရောက်အောင်သာ ဦးစားပေးပြီး ကျန်တဲ့အရာတွေကို ကိုယ်နဲ့မဆိုင်သလို သဘောထားကာ လျစ်လျှု ရှု့ထားရမယ်။ ဥပမာ-မိမိက သာသနာ့ဘောင်မှာနေမယ်ဆိုရင်တော့ သာသနာနဲ့မအပ်စပ်တာတွေကို မိမိကပုထုဇဉ်လူသားမို့ စိတ်ဝင်စားသော်လည်း ကိုယ်နဲ့မဆိုင်သလို သဘောထားပြီး နေပေးရမယ်။ ဒါမှ မိမိရဲ့ဘ၀ရည်မှန်းချက်ဟာ ပြည့်စုံအောင်မြင်မှာပါ။

ဆရာဝန်ဖြစ်အောင်လုပ်မယ်လို့ မိမိကရည်မှန်းချက်ထားပြီးပြီဆိုရင် အဲဒီလူဟာ အတန်းပညာသင်နေတဲ့ အခါမှာ သူများကစားတဲ့ချိန်တွင် ကစားတာလျှော့ပြီး စာကိုဦးစားပေး လေ့လာရမယ်။ သူများ ကျောင်းပျက် ရင်လည်း ကိုယ်ကကျောင်းပျက်မခံဘဲ ကျောင်းမှန်အောင် ကြိုးစားရမယ်။ သူများ ပွဲလမ်းသဘင်သွားရင် လည်း ကိုယ်ရဲ့ရည်မှန်းချက်နဲ့မဆိုင်တဲ့အရာမို့ ရည်မှန်းချက်နဲ့မဆိုင်တာမှန်သမျှကို ဘေးဖယ်ထားပြီး မိမိစိတ်ကို မိမိရည်မှန်းချက်အတွက်ပဲ အာရုံစိုက်ကြိုးစားရမယ်။ ဒီလိုလုပ်မှသာ ကိုယ်ရဲ့ရည်မှန်းချက်ဟာ ပြီးပြည့်စုံအောင်မြင်မှာပါ။ ကိုယ်က စီးပွားရေးမှာ အောင်မြင်ချင်တယ်ဆိုရင်လည်း စီးပွားရေးလုပ်ငန်း အကြောင်းကို လေ့လာရမယ်။ ဘယ်သူတွေက ဘာတွေကို ၀ယ်နေကြတယ်။ ဘယ်ပစ္စည်း က ပေါ်လစီဖြစ်နေတယ်။ မိမိဝန်ထမ်းတွေက ဘယ်လိုအလုပ်လုပ်ကြသလဲ။ ငါစီးပွားရေး အမြတ် အရှုံးငွေတွေက ဘယ်လိုရှိသလဲစတဲ့ အချက်အလက်များကို သေချာဂရုစိုက် လေ့လာမှတ်သားနေရမှာပါ။ အဲဒီလိုမဟုတ်ဘဲ စီးပွားရေးနဲ့မဆိုင်တာတွေကို အာရုံစိုက် စိတ်ပါနေမယ်ဆိုရင်တော့ မိမိရဲ့ရည်မှန်း ချက်ဟာ ပြီးပြည့်စုံအောင်မြင်လိမ့်မယ် မဟုတ်ပေ။

အဲဒီလို ရည်မှန်းချက်နဲ့မဆိုင်တာတွေကို စိတ်ဝင်စားပြီး လိုက်စားနေမယ်ဆိုရင် မိမိရည်မှန်းချက် ပျောက်ပျက်စေရုံသာမက ဘ၀ပါပျက်သွားပါလိမ့်မယ်။ မိမိကရည်မှန်းချက်ထားပြီးမှ အဲဒီရည်မှန်းချက်ဟာ အောင်မြင်မှုရမလာဘူးဆိုရင် စိတ်မထိန်းနိုင်တဲ့လူတွေဟာ ဘ၀ပျက်ခြင်း၊ ရူးခြင်းတွေ ဖြစ်သွားတတ်ပါတယ်။ အဲဒီတော့ မိမိက တကယ်ဖြစ်ချင်တဲ့ ဆန္ဒရှိတယ်ဆိုရင် အဲဒီဖြစ်ချင်တဲ့ အရာကို မဖြစ်၊ ဖြစ်အောင်ကြိုးစားမယ်ဆိုတဲ့ စိတ်ထားရမယ်။ မိမိဖြစ်ချင်တာနဲမဆိုင်တဲ့အရာတွေ ကို ဘေးဖယ်ထားရမယ်။ မိမိဖြစ်ချင်တာကိုပဲ အမြဲအာရုံနှလုံးသွင်းနေရမယ်။ မိမိအလုပ်ကိုပဲ ဂရုတစိုက် လုပ်ပေးခြင်းစတာတွေကို ပြုလုပ်ဆောင်ရွက်လိုက်နာမှသာ မိမိရည်မှန်းချက်ဟာ တကယ်အောင်မြင် လာမှာပါ။ စိတ်ကတော့ ဖြစ်ချင်တယ်။ ဒါပေမဲ့ မိမိဖြစ်ချင်တာကတခြား လုပ်နေတာကတခြားဆိုရင်တော့ မိမိဖြစ်ချင်တာဟာ ဘယ်တော့မှ ဖြစ်လာလိမ့်မှာ မဟုတ်ပေ။

ဥပမာ-စာသင်အတန်းထဲမှာ အမြဲထာဝစဉ်နံပါတ်တစ်ဖြစ်ရမယ်လို့ စိတ်ကူးရည်မှန်းချက်ရှိတဲ့လူဟာ စိတ်ကူးရည်မှန်းချက် မရှိဘဲ ဖြစ်ချင်ရာဖြစ်ဆိုတဲ့လူမျိုးတွေလို ပျော်ပါးမှုတွေလိုက်၊ အသောက် အစားတွေလုပ်၊ ဘ၀ကိုဖြစ်သလိုဖြတ်သန်းမယ်ဆိုရင်တော့ အဲဒီလူရဲ့ရည်မှန်းချက်ဟာလည်း ရည်မှန်းချက်မရှိသူများနဲ့ အတူတူဖြစ်သွားပြီး ဘ၀ပျက်တတ်တဲ့အဆင့်ထိ ဖြစ်သွားနိုင်ပါတယ်။

အဲဒီတော့ လူတိုင်းကိုယ်စီမှာ မျက်မှောက်ဘ၀အတွက် ရည်မှန်းချက်ရှိရပါမယ်။ လူဖြစ်လာလို့ ရှေးဆက်ရမဲ့ရည်မှန်းချက်ထားရမှာကို ရည်မှန်းချက်မထားဘဲနေပါက အဲဒီလူဟာ လူဖြစ်ပြီး လူသားတစ်ယောက်နဲ့မတူတဲ့လူဖြစ်သွားပါလိမ့်မယ်။ ဘာဖြစ်လို့လဲဆိုတော့ ရည်မှန်းချက်ရှိရမဲ့ လူသားဖြစ်ပြီး ရည်မှန်းချက်မရှိဘူးဆိုရင် အဲဒီလူဟာ သူ့ရည်မှန်းချက်မရှိတဲ့အတွက် ရှေးဆက်လျှောက်ရမဲ့ ဘ၀ခရီးကို ဖြစ်သလိုလျှောက်သွားတတ်ကြပါတယ်။ ဘ၀ကိုဖြစ်သလိုလျှောက်သွားတယ်ဆိုတာက လမ်းမှားဘက်ကိုရောက်ပြီး ပျော်ပါးမှုတွေ၊ လောင်းကစားမှုတွေ၊ ဘ၀ပျက်ကြောင်းတွေကိုပဲ လိုက်စားကာ ဘ၀အတွက် မကောင်းမှုတွေနဲ့ပဲ အချိန်ကုန်သွားကြတဲ့လူမျိုးတွေကို ဆိုလိုတာပါ။ အဲဒီလို လူ့ဘ၀ရတဲ့အချိန်လေးကို မဟုတ်တာတွေနဲ့အချိန်ကုန်သွားတဲ့လူဟာ မျက်မှောက်အတွက်တင်မကဘဲ သံသရာအတွက်ပါ နစ်နာမှုတွေနဲ့ ရင်ဆိုင်ရပါလိမ့်မယ်။ ဒါကြောင့် ရခဲလှတဲ့လူ့ဘ၀လေးကို မျက်မှောက်သံသရာအတွက် ကောင်းကျိုးများရရှိအောင် ကောင်းမွန်တဲ့ရည်မှန်းချက်လေးတွေ ထားရှိကြဖို့ လိုပါတယ်။

မျက်မှောက်ဘ၀အတွက်မှ ရည်မှန်းချက်မရှိတဲ့လူဟာ အနာဂတ်ဘ၀ရည်မှန်းချက်လည်း မရှိမှာသေချာပါ တယ်။ ဒါပြင် မျက်မှောက်မှာ မကောင်းမှုတွေနဲ့ပဲ အချိန်ကုန်သွားတဲ့အတွက် ကောင်းမှုမရှိလို့ အနာဂတ်မှာလည်း ဒုက္ခတွေနဲ့ရင်ဆိုင်ရမှာပါ။ မျက်မှောက်မှာ ရခဲတဲ့လူ့ဘ၀လေးဆုံးရှုံးရုံတင် မကဘဲ နောက်နောင်ခံစားရမဲ့ အနာဂတ်ဘ၀များစွာအတွက်ပါ ဆုံးရှုံးမှုတွေဖြစ်ပြီး ဘ၀များစွာနစ်နာတဲ့ လူဖြစ်သွားပါတယ်။ မျက်မှောက်ရော၊ အနာဂတ်ရော ချမ်းသာမှုတွေသာ တွေ့ကြုံရရှိစေရန် အတွက် ကောင်းတဲ့အရာတွေသာလုပ်မယ်ဆိုတဲ့ ရည်မှန်းချက်များထားရှိပြီး ကောင်းမွန်တဲ့ အလုပ်များနဲ့ သာ ဘ၀ကိုဖြတ်သန်းတတ်ဖို့ အရေးကြီးပါတယ်။

ဒါကြောင့် လူရယ်လို့ဖြစ်လာပြီဆိုရင် မျက်မှောက်ဘ၀အတွက် ကောင်းမွန်တဲ့ ရည်မှန်းချက်ထားပြီး အဲဒီရည်မှန်းချက်ကို မဖြစ်ဖြစ်အောင်ကြိုးစားပြီး နောက်နောင်ဆက်လျှောက်ရဦးမဲ့ သံသရာခရီးလမ်း အတွက်ပါ ကောင်းဖို့ရန်အတွက် သံသရာအတွက်ပါမဲ့ ကောင်းမှုများလုပ်ဖို့ရန်လည်း ရည်မှန်းချက်များ ထားရှိကြပါ။ ဒါမှသာ မိမိတို့ဟာ မျက်မှောက်တမလွန်ဘ၀များစွာ တို့မှာ ကောင်းမွန်မှုတွေနဲ့ ပြည့်စုံနေမှာ ပါ။ အဲဒီလို ပြည့်စုံမှုတွေသာခံစားနေရရုံတင်မကဘဲ ကောင်းမွန်တဲ့လုပ်ရပ်များကို ဘ၀ဆက်တိုင်းပြုလုပ် သွားမယ်ဆိုရင် မိမိမှာ ပါရမီအားကောင်းလာတာနဲ့အမျှ ဒုက္ခဆင်းရဲများသာ ခံစားနေရတဲ့ လောကကြီးထဲ ကနေလွတ်မြောက်ပြီး မိမိတို့ရဲ့ နောက်ဆုံးရည်မှန်းချက်ဖြစ်တဲ့ အေးချမ်းမှုတွေသာ ပိုင်ဆိုင်ရာ မြတ်နိဗ္ဗာန် ကို လျင်မြန်စွာ မျက်မှောက်ပြုနိုင်ကြပါလိမ့်မယ်။

ဒီတော့ကား လူရယ်လို့ဖြစ်လာပြီဆိုဆိုရင် သိတတ်တဲ့အရွယ်ကနေစပြီး မိမိမျက်မှောက် သံသရာ ကောင်းစားစေရေးအတွက် မိမိကိုယ်တိုင် ကောင်းမွန်တဲ့ရည်မှန်းချက်များနဲ့ ကောင်းမွန်တဲ့ လုပ်ရပ်များလုပ်ပေးရမှာဖြစ်သလို သူတစ်ပါးတို့ကိုလည်း မိမိကဲ့သို့ ဘ၀ကိုဖြတ်သန်းတတ်ဖို့ရန် ဆုံးမသွန်သင်လမ်းညွှန်ပေးမှုများ လုပ်ပေးဖို့လည်း လိုပါတယ်။ တကယ်လို့ မိမိက အသိဉာဏ် ဗဟုသုတခေါင်းပါးခဲ့လို့ မကောင်းမှုတွေနဲ့ရည်မှန်းချက်မရှိဘဲ ဘ၀ကိုဖြစ်သလိုဖြတ်သန်းမိခဲ့ရင်လည်း အခုလို ဦးဇင်းရဲ့ပညာပေးစာသားလေးကို ဖတ်ပြီးတဲ့အချိန်ကနေစပြီး ကောင်းမွန်တဲ့လုပ်ရပ်များနဲ့ ဘ၀ကိုဖြန်သန်းသွားမယ်လို့ ဆုံးဖြတ်ချက်ထား လုပ်ဆောင်မယ်ဆိုရင်လည်း နောက်မကျသေးပါ။ မိမိကိုယ်တိုင် နောက်ကျမှသိခဲ့ရရင်လည်း မိမိနဲ့နီးစပ်သူများ နောက်မကျရန်အတွက် မိမိကိုယ်တိုင်လည်း ဗဟုသုတအသိဉာဏ်များရှိရန်လိုသလို မိမိနဲ့နီးစပ်ရာများကိုလည်း အသိဉာဏ်များ ဖြန့်ဝေပေးဖို့ လိုပါတယ်။ ဒါကြောင့် စာဖတ်သူအားလုံး ဗဟုသုတအသိဉာဏ်များတိုးပွားကြပြီး မျက်မှောက်သံသရာ အဆုံးတိုင်အောင် ကောင်းမွန်တဲ့ရည်မှန်းချက်များထားပြီး ရည်မှန်းချက်အတိုင်း ဘ၀ကိုဖြတ်သန်းနိုင်ကြ ပါစေလို့ ဆုတောင်းမေတ္တာပို့သရင်း အဆုံးသတ်လိုက်ပါတော့တယ်။

ဂျာနယ်ကို Download ဆွဲဖတ်ချင်ပါက http://www.mediafire.com/?dkjj1gv9niau71d မှာဖြစ်စေ၊ http://www.shadejournal.com/2011/12/shade-journal_27.html မှာဖြစ်စေ ၀င်ရောက်ယူနိုင်ပါတယ်။

အရှင်ကောမလ(ခ)ဆန်နီနေမင်း