မေး။ အရှင်ဘုရား ကန်တော့ပွဲတွေမှာ အုန်သီး၊ငှက်ပျောသီးက မပါမဖြစ် အနေထားလိုဖြစ်နေတာ ဘာဖြစ်လို့ပါလဲဘုရား။ တပည့်တော် သိချင်စိတ်လေး ဖြစ်လာလို့ပါ။
ရိုသေစွာဖြင့်
လင်းမင်းအောင်၊ မန်းလေး။
အဖြေ။ ။ ကန်တော့ပွဲဆိုတာ လူကြီးမိဘစတဲ့ မိမိထက် သီလ၊ သမာဓိ၊ ပညာ၊ အသက်သိက္ခာကြီးသူများကို မိမိက အပြစ်ရှိလို့ တောင်းပန်းတဲ့အခါလည်းကောင်း၊ မိမိအနေနဲ့ မိမိထက် သီလ၊ သမာဓိ၊ ပညာ၊ အသက်သိက္ခာကြီးသူများကို ရိုသေလေးစားလို့ အနေအားဖြင့်လည်းကောင်း မင်္ဂလာဖြစ်အောင် ကန်တော့ပွဲလေး ရှေ့မှာထားပြီး ကန်တော့ခြင်း၊ တောင်းပန်းခြင်းများပြုလုပ်ကြတာဟာ ကောင်းမွန်တဲ့ လုပ်ရပ်တစ်ခုအဖြစ် ဗုဒ္ဓဘာသာမှာ ဖြစ်ပေါ်လာခဲ့တာပါ။
နတ်တင်တဲ့ငှက်ပျောပွဲ အုန်းပွဲနဲ့ အယူအဆခြင်း မတူပါဘူး။ နတ်တင်တဲ့ပွဲက မမြင်ရတဲ့နတ်တွေကို ဘေးအန္တရာယ်များက စောင့်ရှောက်လိမ့်နိုးဖြင့် နတ်ကို တင်နေကြတာပါ။ တကယ်တော့ နတ်တွေဆိုတာကလည်း သာသနာကိုကြည်ညိုလေးစားသူမှန်ရင် သူတို့ကသာ မိမိကိုစောင့်ရှောက်ပေးဖို့ တာဝန်ရှိတာမို့ မိမိတို့အနေနဲ့ အုန်းငှက်ပျောပွဲစတာတွေ တင်စရာ မလိုပါဘူး။
မြတ်စွာဘုရားရှင်လက်ထက်က ဝေဿ၀ဏ်နတ်မင်းကြီးဟာ သာသနာကို မှီခိုကြည်ညိုနေတဲ့ပုဂ္ဂိုလ်တွေကို အမြဲတမ်း စောင့်ရှောက်ပါမယ်ဘုရားလို့ လျှောက်ခဲ့တယ်။ ဝေဿ၀ဏ်နတ်မင်းကလည်း သူ့သဘောနဲ့သူ လာလျှောက်တာမဟုတ်ပါဘူး။ သိကြားမင်းက လျှောက်ခိုင်းလို့ လာလျှောက်ခဲ့တာပါ။ သာသနာကို မှီခိုကြည်ညိုနေကြတဲ့ပုဂ္ဂိုလ်တွေကို သိကြားမင်းက စောင့်ရှောက်မယ်ဆိုတော့ အရပ်လေးမျက်နှာမှာရှိတဲ့ နတ်မင်းကြီး (၄)ယောက်ကလည်း စောင့်ရှောက်ပေးရတယ်။ သိကြားမင်းဟာ သာသနာကြည်ညိုသူတွေကို သူကသာ ရှိခိုးတဲ့အတွက် မိမိတို့ သာသနာကြည်ညိုသူများက သိကြားမင်းကို ရှိခိုးစရာ မလိုပါဘူး။ ငှက်ပျောသီး၊ အုန်းသီးတင်စရာလည်း မလိုသလို ကန်တော့ပွဲလည်း ထိုးစရာ မလိုပေ။
အာဋာနာဋိယသုတ်မှာပါတဲ့ နဂါး၊ ဂဠုန်၊ ကုမ္ဘဏ်၊ ယက္ခ၊ ဂန္ဓဗ္ဗတို့ဆိုတာ ပူဇော်ဖို့ မဟုတ်ပါဘူး။ ရှိခိုးဖို့လည်း မဟုတ်ပါဘူး။ သိကြားမင်းရဲ့ အမိန့်ကြောင့် ဝေဿ၀ဏ်နတ်မင်းစတဲ့ နတ်အပေါင်းတို့ဟာ သာသနာကြည်ညိုသူများကို စောင့်ရှောက်ပေးရပါတယ်။ အဲဒီလို သူတို့စောင့်ရှောက်တာကို မိမိတို့က ငှက်ပျောသီး၊ အုန်းသီးစတာတွေ သူတို့အတွက် တင်ဖို့မလိုပေ။ ဒါကြောင့် ကန်တော့ပွဲဆိုတာ ဗုဒ္ဓဘာသာယဉ်ကျေးမှုအရသာ ဖြစ်ပေါ်လာခြင်းဖြစ်ပြီး နတ်စတာတွေကို ပူဇော်ပသဖို့ ဖြစ်ပေါ်လာခြင်း မဟုတ်ပါဘူးဆိုတာ နားလည်လိမ့်မယ် ထင်ပါတယ်။
ငှက်ပျောသီး၊ အုန်းသီးကိုပဲ ကန်တော့ပွဲအဖြစ် ဘာဖြစ်လို့ ဗုဒ္ဓဘာသာတွေ ပြုလုပ်ကြသလဲ ဆိုတာတော့ ရှေးအစဉ်လာသမိုင်းကို သိမှသေချာမယ်။ ဦးဇင်း အထင်ပြောရရင်တော့ ငှက်ပျောသီးဟာ နေရာတကာမှာ ၀ယ်လို့လွယ်ကူတာရယ်။ နောက်ပြီး အုန်းသီးနဲ့လိုက်ဖတ်မှုရှိတာကြောင့်၊ အုန်းသီးနဲ့ငှက်ပျောသီးထည့်လိုက်ရင် ကန်တော့ပွဲ လှပကြည့်လို့ ကောင်းတာကြောင့်။ နောက်တစ်ခု ကတော့ အုန်းသီးဟာ အပူကို ငြိမ်းစေနိုင်တဲ့သတ္တိရှိတယ်လေ။ မီးလောင်တဲ့လူကို အုန်းရေတိုက်တာ အပူငြိမ်းအောင်လို့တဲ့။ အဲဒီလိုပဲ အုန်းသီးကို ကန်တော့ပွဲတင်တာဟာ ရှိခိုးကန်တော့သူများက မိမိအပူငြိမ်းအောင် တင်ခြင်းဖြစ်တယ်လို့ ထင်မြင်ယူဆမိပါတယ်။
ဒီလောက်ဆို ပြည့်စုံလိမ့်မယ်ထင်လို့ ဒီမှာပဲ နိဂုံးချုပ်ပြီး စာဖတ်သူအားလုံး ကိုယ်စိတ်နှစ်ပါးချမ်းသာကြပါစေလို့ ဆုတောင်းပေးလျက်….။
ရိုသေစွာဖြင့်
လင်းမင်းအောင်၊ မန်းလေး။
အဖြေ။ ။ ကန်တော့ပွဲဆိုတာ လူကြီးမိဘစတဲ့ မိမိထက် သီလ၊ သမာဓိ၊ ပညာ၊ အသက်သိက္ခာကြီးသူများကို မိမိက အပြစ်ရှိလို့ တောင်းပန်းတဲ့အခါလည်းကောင်း၊ မိမိအနေနဲ့ မိမိထက် သီလ၊ သမာဓိ၊ ပညာ၊ အသက်သိက္ခာကြီးသူများကို ရိုသေလေးစားလို့ အနေအားဖြင့်လည်းကောင်း မင်္ဂလာဖြစ်အောင် ကန်တော့ပွဲလေး ရှေ့မှာထားပြီး ကန်တော့ခြင်း၊ တောင်းပန်းခြင်းများပြုလုပ်ကြတာဟာ ကောင်းမွန်တဲ့ လုပ်ရပ်တစ်ခုအဖြစ် ဗုဒ္ဓဘာသာမှာ ဖြစ်ပေါ်လာခဲ့တာပါ။
နတ်တင်တဲ့ငှက်ပျောပွဲ အုန်းပွဲနဲ့ အယူအဆခြင်း မတူပါဘူး။ နတ်တင်တဲ့ပွဲက မမြင်ရတဲ့နတ်တွေကို ဘေးအန္တရာယ်များက စောင့်ရှောက်လိမ့်နိုးဖြင့် နတ်ကို တင်နေကြတာပါ။ တကယ်တော့ နတ်တွေဆိုတာကလည်း သာသနာကိုကြည်ညိုလေးစားသူမှန်ရင် သူတို့ကသာ မိမိကိုစောင့်ရှောက်ပေးဖို့ တာဝန်ရှိတာမို့ မိမိတို့အနေနဲ့ အုန်းငှက်ပျောပွဲစတာတွေ တင်စရာ မလိုပါဘူး။
မြတ်စွာဘုရားရှင်လက်ထက်က ဝေဿ၀ဏ်နတ်မင်းကြီးဟာ သာသနာကို မှီခိုကြည်ညိုနေတဲ့ပုဂ္ဂိုလ်တွေကို အမြဲတမ်း စောင့်ရှောက်ပါမယ်ဘုရားလို့ လျှောက်ခဲ့တယ်။ ဝေဿ၀ဏ်နတ်မင်းကလည်း သူ့သဘောနဲ့သူ လာလျှောက်တာမဟုတ်ပါဘူး။ သိကြားမင်းက လျှောက်ခိုင်းလို့ လာလျှောက်ခဲ့တာပါ။ သာသနာကို မှီခိုကြည်ညိုနေကြတဲ့ပုဂ္ဂိုလ်တွေကို သိကြားမင်းက စောင့်ရှောက်မယ်ဆိုတော့ အရပ်လေးမျက်နှာမှာရှိတဲ့ နတ်မင်းကြီး (၄)ယောက်ကလည်း စောင့်ရှောက်ပေးရတယ်။ သိကြားမင်းဟာ သာသနာကြည်ညိုသူတွေကို သူကသာ ရှိခိုးတဲ့အတွက် မိမိတို့ သာသနာကြည်ညိုသူများက သိကြားမင်းကို ရှိခိုးစရာ မလိုပါဘူး။ ငှက်ပျောသီး၊ အုန်းသီးတင်စရာလည်း မလိုသလို ကန်တော့ပွဲလည်း ထိုးစရာ မလိုပေ။
အာဋာနာဋိယသုတ်မှာပါတဲ့ နဂါး၊ ဂဠုန်၊ ကုမ္ဘဏ်၊ ယက္ခ၊ ဂန္ဓဗ္ဗတို့ဆိုတာ ပူဇော်ဖို့ မဟုတ်ပါဘူး။ ရှိခိုးဖို့လည်း မဟုတ်ပါဘူး။ သိကြားမင်းရဲ့ အမိန့်ကြောင့် ဝေဿ၀ဏ်နတ်မင်းစတဲ့ နတ်အပေါင်းတို့ဟာ သာသနာကြည်ညိုသူများကို စောင့်ရှောက်ပေးရပါတယ်။ အဲဒီလို သူတို့စောင့်ရှောက်တာကို မိမိတို့က ငှက်ပျောသီး၊ အုန်းသီးစတာတွေ သူတို့အတွက် တင်ဖို့မလိုပေ။ ဒါကြောင့် ကန်တော့ပွဲဆိုတာ ဗုဒ္ဓဘာသာယဉ်ကျေးမှုအရသာ ဖြစ်ပေါ်လာခြင်းဖြစ်ပြီး နတ်စတာတွေကို ပူဇော်ပသဖို့ ဖြစ်ပေါ်လာခြင်း မဟုတ်ပါဘူးဆိုတာ နားလည်လိမ့်မယ် ထင်ပါတယ်။
ငှက်ပျောသီး၊ အုန်းသီးကိုပဲ ကန်တော့ပွဲအဖြစ် ဘာဖြစ်လို့ ဗုဒ္ဓဘာသာတွေ ပြုလုပ်ကြသလဲ ဆိုတာတော့ ရှေးအစဉ်လာသမိုင်းကို သိမှသေချာမယ်။ ဦးဇင်း အထင်ပြောရရင်တော့ ငှက်ပျောသီးဟာ နေရာတကာမှာ ၀ယ်လို့လွယ်ကူတာရယ်။ နောက်ပြီး အုန်းသီးနဲ့လိုက်ဖတ်မှုရှိတာကြောင့်၊ အုန်းသီးနဲ့ငှက်ပျောသီးထည့်လိုက်ရင် ကန်တော့ပွဲ လှပကြည့်လို့ ကောင်းတာကြောင့်။ နောက်တစ်ခု ကတော့ အုန်းသီးဟာ အပူကို ငြိမ်းစေနိုင်တဲ့သတ္တိရှိတယ်လေ။ မီးလောင်တဲ့လူကို အုန်းရေတိုက်တာ အပူငြိမ်းအောင်လို့တဲ့။ အဲဒီလိုပဲ အုန်းသီးကို ကန်တော့ပွဲတင်တာဟာ ရှိခိုးကန်တော့သူများက မိမိအပူငြိမ်းအောင် တင်ခြင်းဖြစ်တယ်လို့ ထင်မြင်ယူဆမိပါတယ်။
No comments:
Post a Comment