နိုဝင်ဘာလအတွက် အကောင်းဆုံးဆောင်းပါးဆုရခြင်း

ဒါလေးကတော့ ရွှေမြန်မာဥယျာဉ်ဆိုဒ်ကနေ နိုဝင်ဘာလအတွက် အကောင်းဆုံး ဘာသာရေးဆောင်းပါးဆု ချီးမြှင့်တာ ဖြစ်ပါတယ်။ ဒါနဲ့ တစ်ဆက်တည်း စာဆိုတော်နေ့ကို ဂုဏ်ပြုသောအားဖြင့် စာပေဟောပြောပွဲအစီစဉ်မှာ ဦးဇင်းကို ဟောပြောပွဲပုံစံလုပ်ပေးဖို့ တောင်းဆိုတာနဲ့ လူကိုယ်တိုင်ပြောသလိုခံစားပြီး ဆောင်းပါးတစ်ပုဒ် ရေးပေးလိုက်ပါတယ်။

အဲဒီဆောင်းပါးကိုလည်း တင်ပေးပါဦးမယ်လေ။

တဏှာနှင့်ဆန္ဒ

မေး။ ။ မှော်ဆရာအဖွဲ့မှ ရရှိသော မေးခွန်းဖြေလွှာများကိုတွေ့ရပါသောကြောင့် သိလိုသောအချက်တချို့က်ိုမေးလိုက်ရပါသည်။ ကျေးဇူးပြု၍ ဖြေကြားပေးပါရန်မေတ္တာရပ်ခံအပ်ပါသည်။ ပါဠိဘာသာဖြင့် တဏှာဆိုသည့်စကားလုံး၏ အဓိပ္ပါယ်နှင့် ဆန္ဒဆိုသည့် စကားလုံး၏ အဓိပ္ပါယ်ကိုရှင်းရှင်းလင်းလင်းခွဲခြားသိလိုပါသည်။ အမှန်တကယ် မရှင်းလင်းသည့်အတွက် မေးမြန်းခြင်းဖြစ်ပါသည်။ ပညာစမ်းခြင်းမဟုတ်ပါ။

 အောင်ထက်နိုင်၊ နေရပ်မသိသေး။

အင်း ဒကာက မေးလ်ကနေ ချက်ခြင်း မေးတာဆိုတော့ ဦးဇင်းလည်း စာရေးနေတာမို့ ခုပဲ ချက်ခြင်း ဖြေပေးလိုက်ပါမယ်။ ဒီစကားလုံးနှစ်ခုကို ရှင်းလင်းအောင်ဖြေမယ်ဆိုရင်တော့ အများကြီး ရေးရမှာပါ။ ဒါပေမဲ့ သဘောပေါက်ဖို့အတွက်လောက်ကတော့ ခုပဲ ဖြေပေးလိုက်ပါမယ်။

တဏှာ-ဆိုတာက တက်မက်တဲ့စိတ်ကို ခေါ်တာပါ။ ဆန္ဒက ဖြစ်ချင်တာကို ဦးတည်တာပါ။ ဥပမာ-ဒကာက မိန်းကလေးတစ်ယောက်ကို လိုချင်တာ၊ တက်မက်တာ၊ ပိုင်ဆိုင်ချင်တာ အဲဒါတွေက တဏှာပါ။ ဆန္ဒ-ဆိုတာက အဲဒီမိန်းကလေးကို ကောင်းစားစေချင်တဲ့ဆန္ဒရှိတာ။ သူ့ကို ကောင်းစားအောင်ဆိုပြီး သူအကျိုးရှိမဲ့နေရာကို သွားစေချင်တာ။ အဲဒါမျိုးတွေက ဆန္ဒပါ။ ဒါက ဥပမာအနေနဲ့ပြောတာနော်။

ထပ်ရှင်းအောင်ပြောရမယ်ဆိုရင် တဏှာက လောဘ-ကိုယ်ပိုင်ဆိုင်ချင်တာ၊ ဆန္ဒက သူ့အကျိုးရှိစေချင်တာပါ။ ဒကာဟာ မိမိသားသမီးများကို ကောင်းစားစေချင်တာဟာ ဆန္ဒကုသိုလ်ဖြစ်ပြီး မိမိသားသမီးပေါ်မှာ သံယောဇဉ်ဖြစ်ပြီး မခွဲနိုင် မခွာနိုင်ဖြစ်တာဟာ တဏှာပါ ဒကာ။ တချို့ကျတော့လည်း ဆန္ဒနောက်မှာ တဏှာပါတတ်ပါတယ်။ ဥပမာ-သူတစ်ပါးကိုတော့ ကောင်းစားစေချင်တဲ့ဆန္ဒရှိတယ်။ ဒါပေမဲ့ အဲဒီလူကောင်းစားရင် ကိုယ်လည်း ကောင်းစားမယ်ဆိုတဲ့ အဲဒီလူပေါ်မှာ မှီတည်နေတဲ့ တဏှာမျိုးလည်း ရှိတတ်ပါတယ်။ အဲဒီတော့ မိမိက သူတစ်ပါးကို ကောင်းစားစေချင်တဲ့ ဆန္ဒသက်သက်ပဲရှိပြီး ဘာမျှော်လင့်ချက်မှ မရှိရင်တော့ အဲဒါဟာ ဆန္ဒမှန်လို့ ပြောရပါမယ်။ ဥပမာ-ဒုက္ခသံသရာကြီးထဲမှာ ကျင်လည်ချင်တဲ့ တဏှာမရှိတော့လို့ နိဗ္ဗာန်ကို လိုချင်တာဟာ ဆန္ဒပါ။ နိဗ္ဗာန်ကိုတော့ လိုချင်တယ်။ လောကကြီးထဲက ၀ဋ်ဒုက္ခတွေကိုလည်း မစွန့်နိုင်သေးဘဲ တပ်မက်နေသေးတယ်ဆိုရင်တော့ အဲဒါဟာ ဆန္ဒနောက်မှာ တဏှာပါသေးတဲ့အတွက် ကောင်းမွန်ပြည့်စုံတဲ့ ဆန္ဒမဟုတ်ပါ။

ဥပမာအနေနဲ့ပြောရမယ်ဆိုရင် အဖွားကြီးတစ်ယောက်က ငြိမ်းချမ်းမှုတွေသာရှိတဲ့နိဗ္ဗာန်ကိုတော့ ရချင်တယ်ဆိုပြီး နိဗ္ဗာန်ရပါစေလို့ အမြဲဆုတောင်းပါတယ်တဲ့။ အဲဒါကို လူတစ်ယောက်ကသိတော့ အဖွားကြီးနိဗ္ဗာန်တကယ်လိုချင်ရင် ခုရောက်မယ်ဆို လိုက်မလားလို့မေးတဲ့အခါ နိဗ္ဗာန်မှာ ဆေးလိပ်သောက်လို့ရလားလို့ ပြန်မေးပါသတဲ့။ အဲဒီတော့ မေးတဲ့လူက မရဘူးလို့ ပြောတဲ့အခါ ဒါဆို မလိုက်သေးဘူးတဲ့။ ဘာဖြစ်လိုလဲဆိုတော့ နိဗ္ဗာန်မှာ ဆေးလိပ်မသောက်ရရင် ဆေးလိပ်သောက်ချင်သေးလို့ ခုတော့ မလိုက်သေးနိုင်သေးဘူးဆိုပြီး ပြန်ပြောလိုက်ပါတယ်သတဲ့။ ဒါပြင် နိဗ္ဗာန်ရောက်ကိုရောက်ရပါစေလို့၏ဟု ဆုတောင်းနေတဲ့လူတစ်ယောက်ကို နဘေးလူတစ်ယောက်က မင့်နိဗ္ဗာန်ကိုရရင် ခုယူမလားလို့မေးတဲ့အခါ ငါအိမ်ပြန်ပြီး ဇနီးကို တိုင်ပင်ရဦးမယ်လို့ပြောတဲ့လူမျိုးရဲ့ နိဗ္ဗာန်ဆုတောင်းခြင်းဟာလည်း ဆန္ဒနောက်မှာ တဏှာရှိသေးတဲ့ ဆုတောင်းခြင်းမျိုးပါပဲ။ အဲဒီလို နိဗ္ဗာန်တော့လိုချင်တယ်။ ဒါပေမဲ့ လောကကြီးထဲက တပ်မက်စရာတွေကိုတော့ စွန့်လွတ်နိုင်တဲ့စိတ်မရှိသေးဘူးဆိုရင် အဲဒီလူရဲ့ နိဗ္ဗာန်ဆုတောင်းခြင်းဟာ တဏှာပါတဲ့ဆန္ဒလို့ ပြောရပါမယ်။ အဲဒီတော့ တကယ်နိဗ္ဗာန်ရဲ့ချမ်းသာမှုကို လိုချင်တယ်ဆိုရင် ဘယ်လိုသံယောဇဉ်မဆို တပ်မက်မှုမျိုးကိုမဆို စွန့်လွတ်နိုင်တယ်ဆိုတဲ့စိတ်ပြတ်သားမှုရှိပြီး နိဗ္ဗာန်ကိုဆုတောင်းတဲ့သူသာ တဏှာမပါတဲ့ ဆန္ဒဖြစ်ပါတယ်။

အဲဒါကြောင့် မိမိတို့ဟာ တကယ်နိဗ္ဗာန်ချမ်းသာကို လိုချင်တယ်၊ ရောက်ချင်တယ်ဆိုရင်တော့ ခုပြောခဲ့သလို ဆန္ဒနောက်မှာ တဏှာမပါဘဲ လောကကြီးထဲက တပ်မက်စရာတွေကို ချက်ခြင်းမစွန့်လွတ်နိုင်သေးတောင် နိဗ္ဗာန်ကိုရရင်တော့ စွန့်လွတ်မယ်ဆိုတဲ့ စိတ်ပြတ်သားဖို့ လိုပါတယ်။ ဒါမှလည်း မိမိဆုတောင်းတဲ့အရာဟာ တဏှာမပါတဲ့ဆန္ဒမို့ ပြီးပြည့်စုံတဲ့ ဆန္ဒဖြစ်ကာ အကျိုးပေးလည်း ရာနှုန်းပြည့်ဖြစ်ပါလိမ့်မယ်။ ခု ဦးဇင်းတို့ဗုဒ္ဓဘာသာတွေ နိဗ္ဗာန်ကိုဆုတောင်းနေကြတာက အပေါ်ကပြောခဲ့တဲ့လူတွေလို တဏှာသံယောဇဉ်တွေမစွန့်လွတ်နိုင်သေးဘဲ ဆုတောင်းနေပြီး တကယ်ရောက်မယ်ဆိုတော့ မလိုက်ချင်ဘဲဖြစ်နေကြတာမို့ အကျိုးပေးကလည်း ရာနှုန်းမပြည့်ဘဲဖြစ်နေတဲ့အတွက် သံသရာထဲမှာ အချိန်ပိုကြာနေရတာပါ။ ဒါကြောင့် တကယ်လိုချင်ရင် တကယ်ပြတ်သားဖို့လိုတာဆိုတာ မှတ်သားလိုက်နာလုပ်ဆောင်ကြပေါ့လေ။

ဒါကတော့ ချက်ခြင်းမေးတာကို ချက်ခြင်းဖြေလိုက်တဲ့အတွက် မပြည့်စုံလိုအပ်ချက်များရှိပါက ခွင့်လွတ်ပေးကြပါလေ။ စာဖတ်ပရိသတ်အားလုံး ကိုယ်စိတ်နှစ်ပါးချမ်းသာပြီး လိုရာဆန္ဒကို ပြီးပြည့်စုံဖြစ်မြောက်အောင် ဆောင်ရွက်နိုင်ကြပါစေလို့ ဆန္ဒပြုလျက်......။

ဒီတစ်ပါတ် ဂျာနယ်ဆောင်းပါး အချောင်မလိုချင်ကြပါနဲ့

လူသားအားလုံးဟာ လောကကြီးထဲမှာ ကျင်လည်နေရသမျှကာလပတ်လုံး သူ့နေရာနဲ့သူ ရောက်ရာဘုံဌာန၊ သတ္တ၀ါအမျိုးအစားအလိုက် တာဝန်ကိုယ်စီ အလုပ်လုပ်ကြရဦးမှာပါ။ မိမိတို့ဟာ လူရယ်လို့ဖြစ်လာရင်တော့ အသက်အရွယ်အလိုက် တာဝန်ယူဆောင်ရွက်ရမဲ့ အလုပ်ကိစ္စများ ကိုယ်စီကိုယ်စီ ရှိလာကြပါတယ်။ အဲဒီလို လူဖြစ်လာလို့ လူ့တာဝန်ကို မဆောင်ရွက်ဘဲ အလကားနေ၊ အလကားစား၊ ပေါ့ပေါ့နေပေါ့ပေါ့စား လုပ်နေမယ်ဆိုရင် အဲဒီလူဟာ အလိုအလျောက် အချောင်သမားဘ၀ကို ရောက်သွားပါတယ်။  အဲဒါကြောင့် ရရှိလာတဲ့ လူ့ဘ၀လေးမှာ မိမိမျက်မှောက်တာဝန်များကို ကျေပွန်အောင် သိက္ခာတရားနဲ့အတူ ကိုယ်ကျင့်တရားကောင်းအောင် နေရမှာဖြစ်သလို အနာဂတ်ဘ၀ကောင်းစားရေးအတွက်လည်း ကောင်းမှုတွေနဲ့ ရှင်သန်ပေးနေရမှာပါ။

တချို့က မိမိကောင်းစားရင် ပြီးရောဆိုပြီးတော့ တရားတာ၊ မတရားတာကို ဂရုမစိုက်၊ ဘာမှအလေးမထားဘဲ ရရာနည်းနဲ့ ဖြတ်လမ်းနည်းများအသုံးချကာ ဥပဒေဘောင်ပြင်ပက အလုပ်များဖြင့် မိမိဘ၀ကို ရှင်သန်ကြတဲ့လူတွေဟာ တော်တော်လေးကို ဘ၀နာတဲ့လူတွေလို့ ဆိုရမှာပါ။ ဘာဖြစ်လို့လဲဆိုတော့ မိမိရလာတဲ့ဘ၀လေးကို တန်ဖိုးရှိတဲ့လူတစ်ယောက်ဖြစ်အောင်မလုပ်ဘဲ အဆုံးရှုံးခံလိုက်လို့ပါပဲ။ လူဖြစ်လာပြီးတော့ လူရဲ့သိက္ခာကိုမထိန်းဘဲ အချောင်သမားစိတ်ဓာတ်တွေနဲ့ အချောင်လိုချင်နေတဲ့လူတွေကတော့ နေရာတကာမှာမြင်တွေ့နေရတာ ဒုနဲ့ဒေးပါ။ လူတိုင်းတော့မဟုတ်ပေမဲ့ အားလုံးနီးပါး ဖြစ်ကုန်နေကြပြီလို့ ထင်ပါတယ်။ မိန်းကလေးပဲဖြစ်ဖြစ်၊ ယောက်ျားလေးပဲဖြစ်ဖြစ် အချောင်လိုချင်ရင်တော့ အချောင်ပေးဆပ်ရမှာပါ။ အချောင်လိုချင်တဲ့လူတွေဟာ များသောအားဖြင့် စိတ်ဒုက္ခတွေရောက်ပြီး ဘ၀ပျက်သွားရတဲ့လူတွေ အများကြီးရှိပါတယ်။ ဥပမာ-ရွဲကုန်သည်ဇာတ်တော်ကို စာဖတ်သူများ စဉ်းစားကြည့်မယ်ဆိုရင် အချောင်သမားစိတ်ဓာတ်ရှိသူရဲ့ ဆိုးကျိုးနဲ့ရလာဒ်တွေကို သိပါလိမ့်မယ်။ ရွဲကုန်သည်ဇာတ်တော်မှာ သူများပစ္စည်းကို အချောင်များရမလို့ဆိုပြီး အချောင်လိုချင်တဲ့ လူဟာ နောက်ဆုံးဘ၀ပျက်သွားခဲ့ရပါတယ်။ သူနဲ့တန်ရာတန်ရာကို ပေးဆပ်လုပ်ကိုင်တဲ့သူကတော့ သူရဲ့ရိုးသားတဲ့စိတ်ဓာတ်ကြောင့် စိတ်ချမ်းသာစွာနဲ့ အဆင့်မြင့်ဘ၀ကိုရောက်ရပါတယ်။ အဲဒါကြောင့်မို့ မိမိတို့သန္တာန်မှာ ဘယ်အရာကိုမျှ အချောင်လိုချင်တဲ့စိတ်မထားကြဘဲ သူနဲ့တန်ရာကို ပေးဆပ်မယ်ဆိုရင် တန်ဖိုးရှိတဲ့လူတစ်ယောက် ဖြစ်လာပါလိမ့်မယ်။

မိမိတို့မှာ အချောင်ရချင်တဲ့စိတ်ဓာတ်လေး ရှိနေတယ်ဆိုရင်တော့ ဘယ်အလုပ်ကိုပဲလုပ်လုပ် အဲဒီစိတ်ဓာတ်ကြောင့် အဆင်မပြေမှုတွေက သူသွားလေရာတိုင်း နွားနောက်လှည်းဘီးပမာ ကပ်လိုက် နေပါတယ်။ ကိုယ့်ကို ဘယ်လောက်ပဲ အလုပ်နဲ့ပတ်သက်လို့ ယုံကြည့်မှုရှိပါစေ။ အဲဒီအချောင်စိတ်ဓာတ် ကြောင့် မဟုတ်တာလေးတော့ အနည်းငယ်လုပ်မိကြပါတယ်။ အဲဒီအခါတော့ မိမိကို ယုံစားထားတာ တွေဟာ သဲထဲရေသွန်သလို အလကား ဖြစ်ကုန်တော့တာပါပဲ။ “လူကြီးတွေမသိပါဘူးကွာ။  ဒါလေးများ ဘာဖြစ်တာမှတ်လို့။ ရတယ်၊ ဒီလောက်ကတော့ အေးဆေး’’စတာတွေကစပြီး ပြဿနာအကြီးအကျယ် တက်သည်ထိ ဖြစ်ရတတ်ပါတယ်။ များသောအားဖြင့် ကိုယ့်ကို မျက်နှာလွှဲထားတဲ့ လုပ်ငန်းခွင်များတွင် ပိုဖြစ်တတ်ပါတယ်။ ကိုယ့်လက်ကိုယ့်ခြေနဲ့ ကိုင်တွယ်လုပ်ကိုင်ရတဲ့အခါ လွတ်လပ်မှုက မိမိဘက်မှာ ရှိတာကြောင့် မဟုတ်တာလုပ်ချင်စိတ်ကလေးများ အနည်းငယ်ဖြစ်လာတတ်ပြီး အဲဒီစိတ်ကိုမထိန်းနိုင်ဘဲ အမှားဘက်ကို ခြေလှမ်းမိတတ်ကြပါတယ်။ အရင်က ရိုးသားခဲ့တဲ့သူတောင်မှ အခွင့်အရေးရရင် ယူချင်ကြတာချည်းပင်။ လွယ်ရင် သူကြွယ်တောင် သူခိုးဖြစ်တတ်သေးတာမို့ မိမိစိတ်မှာ အချောင်သမားစိတ်ဓာတ်ဝင်လာရင် အမြန်တားဆီးနိုင်ဖို့ လိုပါတယ်။ ရိုးသားစွာ ရှာဖွေစားသောက်ခြင်း ကသာ မိမိဘ၀ကို အေးချမ်းစေပါတယ်။ စိတ်အေးချမ်းမှုရှိမှလည်း ဘ၀က ပိုပြီးပြည့်စုံတယ်လို့ ခံစားရပါတယ်။ ဒါမှလည်း မိမိမျက်မှောက်တမလွန်မှာ စိတ်ချမ်းသာစွာနဲ့ နေထိုင်ရမှာပါ။

တချို့က အရေးကြီးလို့ဖြစ်စေ၊ မိမိလိုချင်တဲ့ပစ္စည်းတန်ဖိုး အလွန်များနေလို့ဖြစ်စေ တစ်ပါးသူတို့ရဲ့ ပစ္စည်းများကိုယူမိ၊ ခိုးမိကြတဲ့သူများလည်း ရှိပါတယ်။ တကယ်တော့ ဒါဟာလည်း အချောင်သမား စိတ်ဓာတ်လို့ ခေါ်လို့ရပါတယ်။ ကိုယ့်ဝင်ငွေကို မိမိသာ အသိဆုံးသာမို့ ရှေ့ဆက်လျှောက်ရမဲ့ ခရီးလမ်းအတွက် ၀င်ငွေထက် များပြားလှတဲ့ ထွက်ငွေတွေကို သတိနဲ့ ထိန်းရမှာပါ။ မိသားစုထဲပဲဖြစ်ဖြစ်၊ ကိုယ်နဲ့နီးစပ်ရာ ပတ်ဝန်းကျင်မှာဘဲဖြစ်ဖြစ် အချောင်ရ အချောင်စားသမားဆိုရင်တော့ လူတိုင်းက ငြိုငြင်ကြမှာပါ။  တချို့ကျတော့လည်း လူပျင်းအားကြီးကာ အချောင်သမားဘ၀ကို ရောက်တတ်သလို တချို့ကျတော့လည်း သူများအချောင်ရတာကိုမြင်ပြီး အချောင်သမားများဘ၀ကို ရောက်သွားကြပါတယ်။ ဒါကြောင့် မိမိပတ်ဝန်းကျင် အပေါင်းအသင်းများကိုလည်း ဂရုစိုက်လေ့လာ ပေါင်းသင်းဆက်ဆံဖို့ အရေးကြီးပါတယ်။

အချောင်သမားစိတ်ဓာတ်နဲ့ပတ်သတ်ပြီး ရှင်းအောင်ပြောရမယ်ဆိုရင် ရည်းစားစကားကိုလည်း မိမိပြောမဲ့သူကို တကယ်လက်ထက်ယူဖြစ်ဖို့ မသေချာရင် မပြောသင့်ပေ။ ဘာဖြစ်လို့လဲဆိုတော့ မိမိက သူတစ်ပါးကို ချစ်တယ်လို့ပြောထားရင် အဲဒီအပြောခံရတဲ့သူဟာ ကိုယ်ယူမယ်ထင်ပြီး တခြားသူများက လာပြောရင် လက်မခံဘဲ နေမိမှာပါ။ အဲဒီတော့ တကယ်လို့များ ကိုယ်ကမယူဖြစ်ရင် အဲဒီအပြောခံရတဲ့သူဟာ တခြားသူများကိုလည်း ငြင်းဆန်ထားလို့ သူ့မှာ ဟိုမရောက်ဒီမရောက်၊ ဟိုဟာမရ၊ ဒီဟာမရနဲ့ ဘ၀မှာ လက်လွတ်ဆုံးရှုံးမှုများနဲ့ ရင်ဆိုင်ရပြီး ဘ၀ရဲ့ဆုံးရှုံးမှုတွေ ခံစားရမှာသေချာပါတယ်။ တကယ်လို့ မိမိက လက်ထပ်ယူဖို့ မသေချာတဲ့အတွက် သူ့ကိုချစ်တယ်လို့ မပြောမိပါက သူကို တခြားလူက လာပြောတဲ့အခါ သူရဲ့ဘ၀ခရီး ရပိုင်ခွင့်တွေ မဆုံးရှုံးတော့ပါဘူး။ အဲဒီတော့ မိမိတကယ်လက်ထက် ယူနိုင်မယူနိုင်ဆိုတာကို သေချာစဉ်းစားပြီး တကယ်လက်ထပ်ယူဖို့ အခြေအနေရှိမှသာ သူတစ်ပါးကို ချစ်တယ်လို့ ပြောသင့်ပါတယ်။ တကယ်လို့ မသေချာဘူးဆိုရင်တော့ သူတစ်ပါးကို ချစ်တယ်ဆိုတာတောင် မပြောမိဖို့ လိုပါတယ်။ ဘာဖြစ်လို့လဲဆိုတော့ ဒါဟာ တခြားလူရဲ့ ရပိုင်ခွင့်တွေကို လက်လွတ်စေနိုင်လို့ပါ။ တကယ်လို့ ကိုယ်က တကယ်ချစ်လို့ လက်ထပ်ယူဖို့ ဆုံးဖြတ်ထားတဲ့အတွက် သူတစ်ပါးကိုချစ်တယ်ပြောပြီး အကြောင်းမတိုက်ဆိုင်လို့ လက်ထပ်မယူဖြစ်တာဆိုရင်တော့ အဲဒီလူဟာ အချောင်သမားစိတ်ဓာတ်ရှိသူ မဟုတ်ဘူးပေါ့။ အဲဒါကြောင့် မိန်းကလးများကလည်း ကိုယ့်ကို ချစ်တယ်ပြောတိုင်း ဒီလူဟာ မိမိကို တကယ်လက်ထပ်ပြီး ဘ၀တစ်ခုကို သက်ဆုံးတိုင် တည်ဆောက်မဲ့လူ ဟုတ်မဟုတ်ဆိုတာကို သတိထားလေ့လာစောင့်ကြည့်ပြီးမှ အဖြေပေးသင့် မပေးသင့် ချင့်ချိန်ကြပေါ့လေ။

ခုခေတ်မှာ များသောအားဖြင့် တရားဝင်လက်ထပ်ယူမယ်ဆိုတာကို စိတ်မကူးဘဲ ချစ်တယ်ပြောပြီး အဖြေရပါက ခဏတာလက်တွဲ ပြုမှုတာတွေ များနေပါတယ်။ ဒါဟာ ဘာဖြစ်လို့လဲဆိုတော့ မိန်းကလေးများကလည်း မိမိနဲ့အတူ ကိုယ်ပိုင်ကမ္ဘာလေးတည်ဆောက်မဲ့သူ ဟုတ်မဟုတ်ဆိုတာကို သေချာမစဉ်းစားဘဲ တဏှာကိုဦးစားပေးပြီး အလွယ်တကူ အဖြေပေးကြတဲ့အတွက် ယောက်ျားလေးများက လည်း အချောင်ရလို့ တွဲသွားတွဲလာလုပ်နေကြတာပါ။ ဒါပြင် ပိုဆိုးတာက အချောင်ရရင် စားမယ်ဝါးမယ်ဆိုပြီး အမျိုးမျိုးလိမ်ညာဟန်ဆောင်ပန်ဆောင် မူယာတွေလုပ်ပြီး ခန္ဓာကိုယ်ပါ အချောင်ယူလိုက်ကြခြင်းတွေပါပဲ။ တကယ်တမ်း မိမိချစ်တဲ့လူဆိုရင် တရားဝင်လက်ထက်ယူပြီး ကိုယ်ပိုင်ကမ္ဘာလေးတည်ဆောက်လို့ အိမ်ထောင်ဦးစီးတာဝန်ယူကာ လုပ်ကိုင်ကျွေးမွေးရမဲ့ တာဝန်တွေ ယူပေးရမယ်။ မိမိကြောင့် ပေါက်ဖွားလာမဲ့ သားသမီးများကိုလည်း ကျွေးမွေးပေးတာကအစ တာဝန်ယူရမှာပါ။

ခုတော့ အဲဒီလိုမဟုတ်ဘဲ အချောင်သာစားချင်ပြီး လုပ်ကျွေးရမှာကြောက်လို့ မယူခြင်း၊ မွေးလာမဲ့ကလေးကိုလည်း တာဝန်မယူချင်တာဟာ အချောင်သမားများသာ ဖြစ်ပါတယ်။ ဒီနေရာမှာ တချို့က စောဒကတက်လာနိုင်ပါတယ်။ တချို့နိုင်ငံကလူတွေ ဒီလိုပဲ ပြုမှုနေထိုင်တာတော့ ဘာပြောမလဲလို့မေးလာရင် မိမိနဲ့ လူမျိုး၊ ယဉ်ကျေးမှု၊ ဘာသာအယူဆမတူရင် အရာအားလုံးကို လိုက်မတုဖို့ လိုတယ်ဆိုတာ မှတ်ထားပါလို့ပဲ ပြောရပါစေ။ ကံအကျိုးပေးကို မယုံကြည်တဲ့လူတွေနဲ့ နေရာတကာမှာ နှိုင်းယှဉ်အတုယူ ကျင့်သုံးမယ်ဆိုရင် မိမိပါ ကံအကျိုးပေးကို မယုံကြည်တဲ့လူဖြစ်သွားပါက နောက်နောင်ဘ၀များတွင် ရင်လေးစရာတွေနဲ့ ကြုံတွေ့ရမယ်ဆိုတာ သတိထားဖို့ လိုပါတယ်။ အဲဒီလိုသာ သတိရား၊ ဆင်ခြင်မှုတရားတွေ မရှိကြဘူးဆိုရင် သံသရာစက်ကွင်းထဲကနေ လွတ်လိမ့်မည် မဟုတ်ပေ။

ယောက်ျားလေးရော မိန်းကလေးများပါ သတိထားဆင်ခြင်မှုတရားများ ကင်းမဲ့နေခြင်းကြောင့် မြန်မာနိုင်ငံ ရုံးပိတ်ရက်များတွင် အချောင်သမားတွေနဲ့ ကာမရာဂဦးစားပေးတဲ့ မိန်းကလေးများ တည်းခိုးခန်းတွေ ပြည့်နေတယ်လို့ အွန်လိုင်းပေါ်ကနေတဆင့် သတင်းများသိနေရပါတယ်။ အဲဒီလို အချောင်စားနေကြတာဟာ မိမိယဉ်ကျေးမှုထိခိုက်တဲ့အပြင် မကောင်းမှုများဖြစ်ကာ မျက်မှောက်မှာလည်း မိမိတို့မှာ အနည်းနဲ့အများတော့ ဆိုးကျိုးဖြစ်တယ်ဆိုတာ လူတောထဲမှာနေတဲ့လူတွေက စာရေးသူထက် ပိုသိမယ်ထင်ပါတယ်။ အဲဒီလို သိရဲ့သားနဲ့ ပြုလုပ်နေကြတာဟာ ကိုယ်ချင်းစာတရားမရှိတဲ့ အချောင်သမားစိတ်ဓာတ်ရှိသူများသာ ဖြစ်ပါတယ်။ ဒါပြင် တချို့ကျတော့လည်း ကိုယ်ပိုင်မိသားစု ကမ္ဘာလေးတည်ဆောက်ပြီး မနေချင်ဘဲ အလွယ်နည်း၊ ဖြတ်လမ်းနည်းနဲ့ ပျော်ပါးနေကြသူတွေဟာလည်း တကယ့်ကို အချောင်သမားများပါ။ တစ်သက်လုံး တာဝန်ယူရမယ့်အလုပ်ကို ရှောင်ပြေးပြီး ခဏတာအတွက်တော့  ပိုက်ဆံပေးရင်ရတာပဲဆိုပြီး မကောင်းတဲ့ အကျင့်စရိုက်တွေနဲ့ အချောင်သမား စိတ်ဓာတ်တွေပေါင်းကာ ပျက်စီးနေကြတာပါ။ ယောက်ျားသားများအတွက်တော့ ဒီအချောင်သမား ဆိုတဲ့စိတ်က ဘ၀တော့မပျက်ပေမဲ့ နာမည်တော့ ပျက်လောက်ပါတယ်။

တချို့ကျတော့လည်း သူတစ်ပါးကို ချစ်တယ်ပြောပြီး လိမ်ညာမယူဘဲ အသုံးအဖြုန်းများကို မက်မော၊ ကိုယ်နဲ့မတန်မရာတွေကိုသုံးချင်ပြီး မိမိဖြစ်ချင်တာကိုရှေ့တန်းတင်ကာ အရှက်သိက္ခာ၊ မိန်းမဣနြေ္ဒကို မထိန်းသိမ်းဘဲ အလွယ်နည်းနဲ့ အချောင်ရမဲ့ပိုက်ဆံကိုသာမက်မောပြီး မိမိခန္ဓာကိုယ်အား ပေးဆပ်တဲ့မိန်းကလေးများနဲ့ ကာမရာဂကို ကျုးလွန်နေကြတာဟာလည်း အချောင်သမားစိတ်ဓာတ်ရှိတဲ့ မိန်းကလေးများ ရှိနေကြလို့ပါ။ တကယ်လို့သာ အချောင်သမားစိတ်ဓာတ်မရှိဘူးဆိုရင် ဒီလိုပျော်တော်ဆက်များ လောကမှာ ရှိမှာမဟုတ်ပေ။ တချို့သော မိန်းကလေးများကျတော့လည်း တိုက်ရိုက်တော့ ခန္ဓာကိုယ်ကို ရောင်းမစားပေမဲ့ သွယ်ဝိုက်တဲ့နည်းနဲ့ မာယာများကာ သူများပိုက်ဆံကို အချောင်လိုချင်တဲ့သူတွေကလည်း ရှိနေကြပါတယ်။ ဘယ်အရာမှ အလားကားမရဘူးဆိုတာ အားလုံးသိကြမှာပါ။ သူတစ်ပါးဆီက တစ်ခုခုရယူပြီးရင်တော့ ထိုက်သင့်သလောက်ပြန်ပြီး ပေးဆပ်ကြရပါတယ်။ ဒီလိုသူတစ်ပါးဆီက အလကားမရမှန်းသိပြီး မိမိဘက်ကတစ်ခုခုပေးရမဲ့ဆိုတာကို သိရဲ့သားနဲ့ အချောင်များရမလားလို့ လုပ်ကြည့်တဲ့သူတွေဟာ အန္တရာယ်က မိမိလက်တကမ်းမှာရှိနေတာကို မသိချင်ယောင်ဆောင်ပြီး လုပ်နေကြတာကတော့ ရဲတင်းလွန်းတယ်လို့ ဆိုချင်ပါတယ်။ မိမိဘ၀ကို မိမိပိုင်တယ်ဆိုပေမဲ့ အမျိုးဂုဏ်ကို ထိန်းရမယ်ဆိုတာလည်း သိထားသင့်ပါတယ်။ ဒါပြင် မိမိမျက်မှောက်ဘ၀အတွက်တွင်မကဘဲ တမလွန်အတွက်ပါကြည့်ပြီး လူသားတို့ရဲ့ စောင့်ထိန်းရမဲ့ ကိုယ်ကျင့်တရားများ ရှိဖို့လိုသလို လူသားဆိုတာ အရှက်နဲ့လူလုပ်ရတဲ့အတွက် အရှက်သိက္ခာ တည်ရှိဖို့ လည်း ဂရုစိုက်ရပါမယ်။

မိမိချစ်တဲ့သူကို တရားဝင်လက်ထပ်ယူပြီး ပေါင်းသင်းနေထိုင်ကာ အိမ်ထောင်တစ်ခုကို တည်ထောင်တဲ့အခါမှာ မိမိက အလုပ်မလုပ်ဘဲ သူတစ်ပါးပစ္စည်းခိုးခြင်းစတဲ့ မတရားတဲ့အလုပ်တွေနဲ့ လုပ်ကိုင်ကျွေးမွေးကြတာဟာလည်း မိမိရဲ့ လုံလ၊ ၀ီရိယ၊ ဉာဏ်အစွမ်းအားတွေကို မဟုတ်တဲ့နေရာ အသုံးချကာ အချောင်ရလိုစိတ်နဲ့ ပြုလုပ်မကျွေးသင့်ပေ။ တကယ်တမ်းစဉ်းစားကြည့်မယ်ဆိုရင် ဒါမျိုးတွေဟာ မလုပ်သင့်ပါဘူး။ ကိုယ်ကတော့ မိသားစုကို ပြည့်စုံချမ်းသာစေချင်တယ်ဆိုပြီး သူတစ်ပါးမိသားစု စိတ်ဆင်းရဲအောင်လုပ်တာဟာ မတရားတဲ့လုပ်ရပ်ဖြစ်လို့ ဘယ်သောအခါမှ ရေရှည်ခံမဲ့ ချမ်းသာမျိုးမဟုတ်သလို နောက်နောင်ဘ၀တွင်လည်း မိမိတစ်ယောက်တည်းသာ အဲဒီအချောင်လုပ်ရပ်ရဲ့ အကျိုးရလဒ်တွေကို ခံစားရမှာပါ။ ဒါပြင် ဒီလိုမကောင်းတဲ့အလုပ်နဲ့ လုပ်ကျွေးခြင်းဟာ လောကီစည်းကမ်းနဲ့မညီလို့ မျက်မှောက်မှာ အများက အထင်ကြီးလေးစားမှုမရှိသလို အနာဂတ်ဘ၀တွင် လည်း မိမိလုပ်ရပ်ရဲ့ဆိုးကျိုးများကို မိသားစုများက ၀ိုင်းဝန်းခံစားပေးမှာမဟုတ်တဲ့အတွက် သန့်ရှင်းတဲ့အလုပ်များနဲ့သာ လုပ်ကိုင်ကျွေးမွေးသင့်ပါတယ်။ တချို့က မကောင်းမှုနဲ့ လုပ်ကိုင်ကျွေးလို့ ငါ့မိသားစု ဒီဘ၀မှာ ချမ်းသာပြီးနေရတာကို ပျော်ရွှင်နေတတ်သဘောကျနေတတ်ပြီး နောက်နောင် ဘ၀တွေမှာ ကိုယ်တစ်ယောက်တည်း ဒီမကောင်းမှုဆိုးကျိုးတွေကို ခံစားရမယ်ဆိုတဲ့ အသိဉာဏ်မရှိကြပေ။ တကယ်တော့ မျက်မှောက်မှာသာ အိမ်ထောင်ဦးစီးများက မကောင်းမှုနဲ့လုပ်ကျွေးလို့ ချမ်းသာတဲ့ ပစ္စည်းများကို မိသားစုအားလုံးက ၀ိုင်းဝန်းခံစားနိုင်သော်လည်း ထိုမကောင်းမှုရဲ့ ဆိုးကျိုးတွေကို မျက်မှောက်မှာပဲဖြစ်စေ၊ တမလွန်မှာပဲဖြစ်စေ ခံစားရတဲ့အခါ ပြုလုပ်သူတစ်ယောက်သာ ခံစားရတဲ့အတွက် အိမ်ထောင်ဦးစီးများအနေနဲ့ ကိုယ့်မိသားစုကို အချောင်ရတဲ့အလုပ်များနဲ့ လုပ်ကိုင်မကျွေးမိဖို့ အရေးကြီး ပါတယ်။

နိုင်ငံခြားမှာ အလုပ်သွားလုပ်တဲ့သူတွေကလည်း မိမိမိသားစုများကို တာဝန်မကျေပွန်၊ ဖောက်ပြန်မှုများရှိမယ်ဆိုရင် ဒါဟာ အချောင်သမားများဖြစ်သွားပါတယ်။ တခြားနိုင်ငံမှာသွားပြီး အလုပ်လုပ်ကြရတဲ့အခါကျတော့ သူများနိုင်ငံက ဓလေ့အတိုင်း လိုက်လုပ်တတ်မိကြတဲ့အတွက် အိမ်ထောင်ရေးဖောက်ပြန်မှုတွေ၊ သစ္စာမဲ့မှုတွေ၊ အိမ်ထောင်ပျက်မှုတွေ ရှိတတ်ပါတယ်။ အဲဒီလိုဖြစ်တဲ့သူတွေဟာ မိမိတာဝန်ကို မိမိဆုံးခန်းတိုင်အောင် မယူချင်တဲ့ အချောင်သမားများပါ။ တစ်ရွာကို တစ်ကျီမက ဆောက်ကုန်ကြတာ တော်တော်ကလေးကို ကြားနေရပါတယ်။ တခြားနိုင်ငံကို အလုပ်သွားလုပ်တဲ့အခါ ဒီဘက်မှာလဲ မလွတ်မလပ်၊ ဟိုဘက်လဲမကင်းဖြစ်နေကြတဲ့ လူတွေဟာ မိမိတာဝန်တစ်ခုကို ပြီးဆုံးအောင်ယူမဲ့ဆိုတဲ့ စိတ်ဓာတ်မထားဘဲ အချောင်ရတုန်း စားလိုက်ဦးမယ်ဆိုတဲ့ စိတ်နဲ့ တွေ့တဲ့နေရာ အချောင်နှိုက်နေကြတာဟာ တကယ်ကို အချောင်သမားတွေဖြစ်လို့ပါ။

မြတ်ဗုဒ္ဓကိုယ်တိုင်ကလည်း အချောင်သမားစိတ်ဓာတ်နဲ့ပတ်သတ်ပြီး သံဃာတော်များကို သာသနာဘောင်မှာ အချောင်စားပြီး မနေကြပါနဲ့။ လူတွေရဲ့ လှူဒါန်းမှုနဲ့ ထိုက်တန်တဲ့ သာသနာ ပြုလုပ်ငန်းများဖြစ်စေ၊ မဂ်ဗိုလ်နိဗ္ဗာန်ကို ကိုယ်တိုင်သိမြင်အောင်ဖြစ်စေ၊ သူတစ်ပါးသိမြင်အောင်ဖြစ်စေ တစ်ခုခုကို ပြုလုပ်ပေးပါ။ အချောင်သမားဆိုတာ နောက်ဘ၀မှာလည်း အချောင်ပဲ ဖြစ်ရတာမို့ ဘယ်အရာကိုမှ အချောင်မလိုချင်ကြပါနဲ့။ ကောင်းမှု၊ ဆိုးမှုတွေကို မိမိတို့ဘာသာ ဖန်တီးမိကြတာမို့ ကိုယ့်ကိုကိုယ်သာ အသိဆုံးနဲ့ အရေးကြီးဆုံးပါ။ သူတစ်ပါးကြောင့်မဟုတ်ဘဲ “ကိုယ့်ကိုကိုယ်ဖျက် သံချေးတက်ဆိုတာလို မိမိကိုယ်ကို ဘယ်လိုအနေအခြေရှိတယ်ဆိုတာ ချင့်ချိန်ကြည့်ရင် သိပါတယ်။ ဒါကြောင့် မိမိတို့ဟာ တစ်ခုခုကို လိုချင်တယ်ဆိုရင် အဲဒီအရာနဲ့ ညီမျှတဲ့တန်ဖိုးကို လုပ်ဆောင်ပေးပါ။ ဒီဘ၀မှာ အချောင်ရလို့ တစ်ခုခုကို ယူလိုက်တယ်ဆိုရင် နောက်နောင်ဘ၀တွေမှာ ဒီထက်မကတဲ့ ဒုက္ခတွေပြန်လည်ပေးဆပ်ရမှာမို့ ဘယ်အရာကိုမှ အချောင်မလိုချင်ကြပါနဲ့။


ဂျာနယ်ကို ဖတ်ချင်တယ်ဆိုရင်တော့ http://www.mediafire.com/?7u002mu4k3rgh2q#2 မှာ Download လုပ်ယူနိုင်ပါတယ်။

သောတာပန်နဲ့ပတ်သတ်၍ သိကောင်းစရာများ(၂)

မေး။ ။ တစ်ခုထပ်မံလျှောက်ထားလိုသည်မှာ “ဘုံစဉ်စံ”ဟူသော စကားလုံး ဖြစ်ပါတယ်။ ထိုစကားလုံးဟာ သောတာပန်တည်ပြီးသူတို့ကို ဆိုလိုသောစကားလုံးသာဖြစ်ပါသလားဘုရား။ ထိုသို့ဖြစ်သည်ရှိသော် လူသောတာပန်အရိယာသေပြီးလျှင် အထက်ဘုံတို့ကိုသာ ဘုံစဉ်စံ တက်သွားမည်ဖြစ်၍ လူ့ဘုံ၌ တဖန်ပြန်၍ ပဋိသန္ဓေ မဖြစ်ရတော့ဟူ၍ မှတ်ယူရမည်လော။ ရှင်းလင်းပြသပေးတော်မူပါအရှင်ဘုရား။

သန်းထိုက်ထွန်း၊ စင်္ကာပူ

ဖြေ။ ။ သောတာပန်အမျိုးအစားတွေက အများကြီးရှိပါတယ်။ ဥပမာ-လူ့ဘ၀မှာပဲ (၇)ကြိမ်လုံးဖြစ်ပြီး နောက်ဆုံးဘ၀မှာမှ ရဟန္တာဖြစ်မဲ့သူ၊ နတ်ပြည်မှာပဲနေပြီး ရဟန္တာဖြစ်မဲ့သူ၊ လူပြည်လာပြီး နတ်ပြည်မှာ ရဟန္တာဖြစ်မဲ့သူ။ နတ်ပြည်ကနေ သကဒါဂါမ်ဖြစ်ပြီး သုဒ္ဓ၀ါသဗြဟ္မာပြည်မှာ ရဟန္တာဖြစ်မဲ့သူစတာတွေ အမျိုးမျိုးရှိကြပါတယ်။ ဘာဖြစ်လို့ ဒီလိုကွဲပြားရသလဲဆိုတော့ သောတာပန်ဖြစ်တဲ့ပုဂ္ဂိုလ်ဟာ (၇)ဘ၀တိတိ ကြိုက်တဲ့ဘုံတွေမှာ ကြိုက်သလိုသွားလာနိုင်ခွင့်ရှိလို့ မိမိနှစ်သက်တဲ့ဘ၀တွင် အဆင့်တတ်ပြီး ရဟန္တာဖြစ်နိုင်ပါတယ်။ သောတာပန်ဖြစ်ပြီးတဲ့ဘ၀ကနေ နောက်ထပ်(၇)ဘ၀ထိပဲ သံသရာထဲမှာ ကျင်လည်ရမှာပါ။ ဒါဟာလည်း မိမိတို့ အားထုတ်မှုအပေါ်မှာ မူတည်ပါတယ်။ တချို့ကျတော့လည်း တစ်ဘ၀ပဲကူးပြီး နောက်ဘ၀မှာ ရဟန္တာဖြစ်အောင် လုပ်ကြပါတယ်။ တချို့ကျတော့ နှစ်ဘ၀နေတယ်။ တချို့ကျတော့လည်း (၇)ဘ၀ထိနေထိုင်ကြကာ (၇)ဘ၀နောက်ဆုံးမို့ နောက်ဆုံးဘ၀ကျမှ ရဟန္တာဖြစ်အောင် အားထုတ်ကြပါတယ်။ ဒီလို ကွာခြားရတဲ့အကြောင်းကတော့ ၀ိပဿနာအားထုတ်မှု အားကောင်းမကောင်းပေါ်မှာ မူတည်သလို ပါရမီနည်းများပေါ်မှာလည်း မူတည်ပါတယ်။ ဒါကြောင့် ၀ိပဿနာအားထုတ်မှုအားကောင်းတဲ့သူ၊ ပါရမီကောင်းတဲ့သူဟာ တစ်ဘ၀ကူးပြီး ရဟန္တာဖြစ်သလို အားမကောင်းတဲ့သူကတော့ (၇)ဘ၀ထိနေထိုင်ပြီးမှ ရဟန္တာဖြစ်ပါလိမ့်မယ်။

ဘုံစဉ်ကတော့ သောတာပန်တည်သူများရဲ့ ကြိုက်နှစ်သက်ရာအလိုက် ဖြစ်လို့ရပါတယ်။ ၀ိသာခါကျောင်းအမကတော့ နတ်ပြည်ကနေ ဗြဟ္မာ့ပြည်ဘုံစဉ်စံဖြင့် ရဟန္တာဖြစ်ပြီး အထက်ကပြောခဲ့တဲ့ သိကြားမင်းကတော့ လူ့ပြည်မှာလာပြီး သကဒါဂါမ်ဖြစ်ကာ ဗြဟ္မာ့ပြည်မှာ ရဟန္တာဖြစ်မယ်တဲ့။ အဲဒီတော့ ဘုံစဉ်စံဆိုတာ တချို့သော သောတာပန်များအတွက်ဖြစ်ပြီး တချို့သော သောတာပန်များအတွက် မဟုတ်ပါလို့ မှတ်ယူရပါမယ်။

သောတာပန်ပုဂ္ဂိုလ်ဟာ ကိလေသာများ ကြွင်းကျန်သေးသော်လည်း အပါယ်လားကြောင်း မကောင်းမှုတို့ကို ပြုလုပ်ခြင်းမရှိတာကြောင့် အပါယ်သို့လားရခြင်း သဘောမရှိတော့ပါ။ ဒါပြင် အောက်သို့လျှော့ကျရိုးထုံးစံမရှိဘဲ အထက်မဂ်ကိုသာ တက်ကြလေ့ရှိပါတယ်။ ယခင်ဘ၀က သောတာပန်ဖြစ်ပြီးသူများဟာ ယခုဘ၀တွင် သကဒါဂါမ်စတဲ့ အထက်မဂ်ဖိုလ်ကိုသာ ရဖို့အကြောင်း ရှိပါတော့တယ်။ ယခင်ဘ၀က သောတာပန်ဖြစ်ပြီးသူဟာ မဂ်ရဲ့နိယာမသဘောအရ မွေးကတည်းက သောတာပန်အဖြစ် မွေးဖွားလာသောကြောင့် ဖြစ်ပါတယ်။ ဒါကြောင့် မြတ်စွာဘုရားလက်ထက်က တရားတစ်ပုဒ်ဟောပြီးတိုင်း သောတာပန်ဖြစ်ကြတဲ့ ပုဂ္ဂိုလ်တို့တွင် ယခင်ဘ၀က သောတာပန်ဖြစ်ပြီးသူများ မပါပါ။ အရင်ဘ၀က သောတာပန်ဖြစ်ခဲ့သူများဆိုရင်လည်း အထက်မဂ်ဗိုလ်ဖြစ်တဲ့ သကဒါဂါမ်၊ အနာဂါမ်၊ ရဟန္တာများ ဖြစ်ကြပါလိမ့်မယ်။

ဘ၀တစ်ခုကနေ သောတာပန်ဖြစ်ပြီးသူများရဲ့ လက်ရှိဘ၀တွင် ထူးခြားတဲ့လက္ခဏာများကို သိရှိရန်အတွက် တင်ပြပေးရမယ်ဆိုရင် အဲဒီလို သောတာပန်ဖြစ်ခဲ့သူ၊ ဖြစ်ပြီးသူများဟာ အမိသတ်ခြင်း၊ အဘသတ်ခြင်း၊ ရဟန္တာသတ်ခြင်း၊ ဘုရားရှင်ကို သွေးစိမ်းတည်အောင်ပြုခြင်း၊ သံဃာကွဲပြားအောင်ပြုခြင်း၊ ဘုရားမှတပါး အခြားဆရာကို ကိုးကွယ်ရာဟု မိမိကိုယ်တိုင်လည်း မပြု၊ သူတစ်ပါးကိုလည်း မညွှန်ပြခြင်း (ဘာသာပြောင်းခြင်း)ဆိုတဲ့ အဘိဋ္ဌာနခြောက်မျိုးကို ယခုဘ၀တွင် မိမိရဲ့သောတာပန်အဖြစ်ကို မသိသော်လည်း မဂ်ရဲ့ မပြောင်းမလဲတည်မြဲတဲ့ နိယာမသဘောအရကြောင့် အထက်ပါအချက်တို့ကို မပြုလုပ်ပေ။

ယခုဘ၀တွင် ရတနာသုံးပါး ထင်ရှားရှိရင် ဘာသာခြားမှာမွေးဖွားခဲ့ရင်သော်မှလည်း အရွယ်ရောက်တဲ့အခါ ရတနာသုံးပါးကိုသာ ယုံကြည်ကိုးကွယ်လာမှာပါ။ မိမိရဲ့ သဘောဆန္ဒအရသော်လည်းကောင်း၊ သူတစ်ပါးရဲ့ တိုက်တွန်းချက်ကြောင့်သော်လည်းကောင်း ပါဏာတိပါတစတဲ့ မကောင်းမှုတို့ကို မပြုလုပ်ပါ။ အဲဒီလို ငါးပါးသီလမြဲခြင်း၊ အယူမမှားခြင်းတို့အပြင် သောတာပန်အဖြစ်မွေးဖွားလာတဲ့ပုဂ္ဂိုလ်ဟာ သမ္မာအာဇီဝနည်းဖြင့်သာ စီးပွားရှာခြင်း၊ သူတစ်ပါး ကြီးပွားချမ်းသာသည်ကို မနာလိုငြူစူတဲ့ ဣဿာ၊ မိမိစီးပွား မိမိရပိုင်ခွင့်များကို နှမြောတွန့်တိုတဲ့ မစ္ဆရိယများမရှိခြင်း၊ အဂတိလေးပါး မလိုက်စားခြင်း၊ ရတနာသုံးပါးနဲ့ပတ်သတ်ပြီး ဒေါမနဿမဖြစ်ခြင်း၊ လွန်ကျူးမိတဲ့အပြစ်များကို ဖုံးကွယ်ထားမှုမရှိခြင်း စတဲ့အချက်များနဲ့လည်း ပြည့်စုံပါတယ်။

ဒါပြင် သောတာပန်ဟု တိုက်ရိုက်သိနိုင်တဲ့အချက်များကို ထပ်မံတင်ပြပေးရမယ်ဆိုရင်

၁။ လောဘ ဒေါသ မောဟပေါ်တိုင်ပေါ်တိုင်း ချက်ချင်းသိခြင်း။

၂။ သိတာနဲ့တစ်ပြိုင်နက် ငြိမ်းအေးအောင်လုပ်နိုင်ခြင်း။

၃။ သာသနာတွင်းမှတစ်ပါး အခြားမှာ ငြိမ်းချမ်းမှုချမ်းသာကို ရနိုင်တဲ့လမ်းလုံးဝမရှိဘူးဟု ယုံကြည်မှုရှိခြင်း။

၎။ ကျူးလွန်ထားတဲ့အပြစ်ကို ချက်ချင်းကုသလိုတဲ့စိတ်ရှိပြီး ကုသိုလ်နဲ့ ပြန်လည်ကုသခြင်း။

၅။ ကိစ္စကြီးငယ်ရှိလို့ အကူအညီ သက်သေလိုက်ရငြားသော်လည်း သီလ သမာဓိ ပညာ အပျက်မခံ၊ အထိခိုက်မခံခြင်း။

၆။ တရားတော်နာတဲ့အခါ အာရုံတစ်ပါး စိတ်မသွားဘဲ ကောင်းမွန်စွာနာယူခြင်း။

၇။ ခန္ဓာဉာဏ်ရောက်တရားတွေနာရတဲ့အခါ ၀မ်းမြောက်လို့မဆုံး၊ ကြည်ညိုမဆုံး၊ ကျေးဇူးတင်မဆုံးဖြစ်ခြင်း။

ဒီအချက်တွေနဲ့ ပြည့်စုံရင်တော့ အဲဒီလူဟာ သောတာပန်လို့ ခေါ်လို့ရပါတယ်တဲ့။ အဲဒီတော့ သောတာပန်ဆိုတာ ဘယ်လိုဟာလဲဆိုတာလည်း သိနားလည်ပြီး ဘယ်သူက သောတာပန်ဖြစ်နိုင်မဖြစ်နိုင်ဆိုတာလည်း ခန့်မှန်းလို့ရလောက်ပြီလို့ ထင်ပါတယ်။ သောတာပန်တစ်ယောက်ရဲ့ အင်္ဂါများနဲ့ သောတာပန်ဟုတ်မဟုတ်ကို စစ်ဆေးကြည့်လို့ရပြီဆိုရင် ကျန်တဲ့အထက်မဂ်ဗိုလ်ရတဲ့ပုဂ္ဂိုလ်တွေအကြောင်းကို ပိုပြီး စစ်ဆေးကြည့်လို့ ရနိုင်ပါပြီလေ။

ဒီနေရာမှာ ဆက်စပ်မိတာနဲ့ ရဟန္တာများ ယခုမျက်မှောက်ခေတ်မှာရှိလားလို့ မေးလာကြတဲ့လူတွေအားလုံးပါ သိရှိနားလည်အောင် ပြောပြပေးလိုက်ပါမယ်။ မြတ်ဗုဒ္ဓက သာသနာတည်းဟူသော သူတော်ကောင်းတရားထွန်းကားနေသမျှကာလပတ်လုံး ရဟန္တာမဆိတ်သုဉ်းပါလို့ သုဘဒ္ဒရဟန်းကို ဟောတော်မူခဲ့တဲ့ မဟာပရိနိဗ္ဗာနသုတ်တွင် မိန့်တော်မူခဲ့တဲ့အတွက် သာသနာရှိနေရင် သောတာပန်ကနေ ရဟန္တာထိပါ ဖြစ်နိုင်ပါတယ်။ အဲဒီတော့ မိမိတို့ဖြစ်ချင်ရင် ဖြစ်အောင်လုပ်ရမဲ့နည်းလမ်းများကို စနစ်တကျလိုက်နာပြီး ကျင့်ကြံဖို့သာ လိုပါတယ်။

ဒါပြင် မိမိကိုယ်တိုင်သော်လည်းကောင်း၊ သူများကိုလည်းကောင်း အရိယာပုဂ္ဂိုလ်ဟုတ်မဟုတ်ကို အထက်ကသောတာပန်အင်္ဂါများနဲ့ ကိုက်ညီကြည့်ကာ ဆုံးဖြတ်ယုံကြည်ကြပါလေ။ ကိုင်း အပိုင်း(၂)ကို မျှော်နေကြတယ်ဆိုလို့ ချက်ခြင်းပဲ အချိန်ပေးပြီး ရေးဖြေပေးလိုက်ပါတယ်။ အများအတွက် အချိန်ပေးခြင်းကို ဒီမှာတော့ ဒီမျှနဲ့ပဲ ရပ်တန့်ရင်း စာဖတ်ပရိသတ်အားလုံး ကိုယ်စိတ်နှစ်ပါး ချမ်းသာပြီး လိုရာဆန္ဒပြည့်ဝကြပါစေလို့ ဆုတောင်းမေတ္တာပို့သလျက်…။

သောတာပန်နဲ့ပတ်သတ်၍ သိကောင်းစရာများ(၁)

မေး။ ။ လူ-သောတာပန်အရိယာ သေပြီးနောက် လူ့ဘုံ၌ တဖန်ပြန်၍ ပဋိသန္ဓေဖြစ်ရိုး ထုံးစံရှိပါသလားဘုရား။ “အရိယာသောတာပန်တည်ပြီးလျှင်(သောတာပန်ကိစ္စ၌အလုံးစုံပြီးမြောက်ပြီး ဖြစ်၍၊ ဈာန်ကိစ္စတို့လို “လျှောလို့” တဖန်ပြန်လည်ဖြစ်တည်အောင် လုပ်ရရိုး ထုံးစံလုံးဝမရှိ၊) ပုထုဇဉ် အဖြစ်သို့ ပြန်ရောက်ရိုး ထုံးစံလုံးဝမရှိ၊ အပါယ်လေးဘုံသို့ ရောက်ရိုးထုံးစံလုံးဝမရှိ၊ (၈)ခုမြောက်ဘဝ ရောက်ရိုးထုံးစံလုံးဝမရှိ၊ အလွန်ဆုံး (၇)ဘဝ သုဂတိ၌ကျင်လည်၍ နိဗ္ဗာန်သို့ မျက်မှောက်ပြုရသည်။ ” ထိုသို့ သံဃာတော်များ ဟောကြားသည်ကို ကြားနာခဲ့ဖူးပါသည်။

ထိုသို့ဆိုလျှင် တပည့်တော် တွေးမိသည်မှာ လူအရိယာသောတာပန် သေပြီးနောက် လူ့ပြည်၌ လူ့ပဋိသန္ဓေ နေရသည်ရှိသော် လူသောတာပန်ကလေးပဲ မွေးရမည်။ (ပြတ်ပြတ်သားသား ဆုံးဖြတ်ဖို့ရာ မဝံ့ရဲ၍ အရှင်ဘုရားကို တိုင်ပင်ရပါသည်ဘုရား။) သို့မဟုတ်၊
ထိုသို့မဟုတ်ဘဲ လူအရိယာသောတာပန် သေပြီးနောက် လူ့ဘုံ၌ တဖန်ပြန်၍ ပဋိသန္ဓေ မဖြစ်ရတော့ဟူ၍ မှတ်ယူရမည်လော။

သန်းထိုက်ထွန်း၊ စင်္ကာပူ

ဖြေ။ ။ လူသောတာပန်သေပြီးလျှင် လူ့ဘ၀ကို ပြန်လည်ဖြစ်နိုင်ပါတယ်။ မြတ်ဗုဒ္ဓလက်ထက်က သောတာပန်တည်သူများဟာ ယခုချိန်ဆို နတ်ပြည်၊ ဗြဟ္မာပြည်ရောက်နေမှာ သေချာပါတယ်။ အဲဒီတော့ သူတို့ဟာ တကယ်လို့များ လူ့ပြည်ကိုလာချင်ပါက ဂေါတမမြတ်စွာဘုရားရဲ့ သာသနာတော်မှာတော့ လူ့ဖြစ်ခွင့်တော့ ကြုံတော့မှာ မဟုတ်ပါ။ ဘာဖြစ်လို့လဲဆိုတော့ နတ်သက်တမ်းဟာ ကြာရှည်လှတဲ့အတွက် သာသနာကွယ်ပြီးနောက်ပိုင်း သာသနာမရှိတဲ့အချိန်မှသာ လူဖြစ်ကြပါလိမ့်မယ်။ သာသနာပကာလမှာ ပစ္စေကဗုဒ္ဓါများတောင် ဖြစ်ကြသေးတယ်ဆိုတော့ သောတာပန်လူများလည်း ဖြစ်နိုင်ပါတယ်။ ပစ္စေကဗုဒ္ဓါတွေဟာ သူတို့လည်း သောတာပန်အဆင့်ကနေ တစ်ဆင့်ချင်းတက်ပြီး ဖြစ်ရမှာပါ။ ဒါကြောင့် သာသနာပကာလမှာ ယခုသာသနာခေတ်က သောတာပန်တည်သူများ၊ နတ်ပြည်ရောက်နေတဲ့ သောတာပန်များဟာ လူဖြစ်နိုင်ကြပါတယ်။

ဓမ္မပဒပါဠိတော်၊ တဏှာဝဂ်၊ သက္ကပဥှသုတ်မှာ သိကြားမင်းဟာ သောတာပန်တည်သွားသူ ဖြစ်ပါတယ်။ အဲဒီအခါမှာ သူဟာ လူ့ပြည်ကို ပြန်လည်လာဦးမယ်လို့ ပြောသွားပါတယ်။ အဲဒီတော့ သိကြားမင်း လူ့ပြည်လာမဲ့အချိန်ဟာ သာသနာမရှိတဲ့အချိန်သာ ဖြစ်မှာပါ။ ဘာဖြစ်လို့လဲဆိုတော့ သိကြားမင်းဘ၀သက်တမ်းမကုန်ခင် သာသနာက ကွယ်မှာမို့ပါ။ ဒါကြောင့် လူ့ဘ၀နဲ့သောတာပန်တည်သူဖြစ်စေ၊ နတ်ဘ၀ကနေသောတာပန်တည်သူဖြစ်စေ လူ့ပြည်ကိုလာချင်ပါက လာ၍ဖြစ်နိုင်ပါတယ်။ သိကြားမင်းပြောသွားတဲ့စကားကို ထောက်မယ်ဆိုရင် လူသောတာပန်ကလေး မွေးဖွားနိုင်တယ်ဆိုတာကိုလည်း အတိအကျမှတ်သားနိုင်ပါတယ်။

နောက်တစ်ခုက လူသောတာပန်ကလေး မွေးမမွေးကိစ္စကို မြတ်ဗုဒ္ဓတိုက်ရိုက်ဟောထားတဲ့ ပါဠိတော်ထဲမှာတော့ မတွေ့ဖူးပါဘူး။ ဒါကလည်း အထူးဆန်း မဟုတ်ပါဘူး။ ဘာဖြစ်လို့လဲဆိုတော့ သောတာပန်ဖြစ်သွားတဲ့လူဟာ စက်ဆုတ်ရွံရှာဖွယ်ကောင်းတဲ့ လူ့ပြည်ကို လာချင်စိတ်မရှိကြတာ များပါတယ်။ ဒါကြောင့် သောတာပန်များဟာ နတ်ပြည်မှာပဲ ဖြစ်ကြတာပါ။ အဲဒါကြောင့် မြတ်စွာဘုရားဟောခဲ့တဲ့တရားတော်တွေထဲမှာ မတွေ့ရခြင်း ဖြစ်ပါတယ်။ သိကြားမင်းကြီးကသာ လူ့ပြည်ကို လာဦးမယ်လို့ သူတစ်ယောက်တည်းပဲ ပြောသွားတာပါ။ ကျန်တဲ့သောတာပန်ဖြစ်သူတွေကတော့ လူ့ပြည်ကိုလာမယ်လို့မပြောဘဲ နတ်ပြည်ကိုသာ သွားရောက်ကြပြီး နောက်ဆုံး သုဒ္ဓါဝါသဗြဟ္မာပြည်မှာ ရဟန္တာဖြစ်သွားကြပါလိမ့်မယ်။

ဒါပေမဲ့ မြတ်ဗုဒ္ဓတရားတွေကို အကျယ်ချဲ့ဖွင့်ဆိုပြီး တွေးခေါ်ကြံဆနိုင်တဲ့ အဋ္ဌကထာဆရာတော်များ၊ ဋီကာဆရာတော်များနှင့် တည်တောဆရာတော်ကဲ့သို့သော ဆရာတော်များကတော့ လူသောတာပန်မွေးတာရှိခဲ့တယ်လို့ မြတ်ဗုဒ္ဓလက်ထက်က ကောသလမင်းကြီးရဲ့ သားတော်နှင့်အထိန်းတော်ရဲ့သားတော်နှစ်ယောက်ကို ထောက်ဆပြီး ယူဆကြပါတယ်။ အဲဒီသားတော်နှစ်ယောက်ဟာ မွေးပြီးမကြာခင် ကင်မွန်းတပ်မင်္ဂလာလုပ်တဲ့အခါ စကားပြောကြတာကို ကောသလမင်းရဲ့ သမီးဖြစ်သူ သုမနဒေ၀ီက ကြားခဲ့ပါတယ်။ အဲဒီအခါ သုမနဒေ၀ီမင်းသမီးက ဒီကလေးနှစ်ယောက်အကြောင်းကို မြတ်ဗုဒ္ဓအား သွားလျှောက်တဲ့အခါ မြတ်ဗုဒ္ဓက သူတို့ဟာ ကဿပဘုရားရှင်လက်ထက်က တရားကျင့်ခဲ့တဲ့ ရဟန်းတော်များဖြစ်ကြောင်း၊ အဲဒီဘ၀ကနေ နတ်ပြည်ရောက်ပြီး ယခုဘ၀မှာ လူလာဖြစ်ကြောင်း၊ သူတို့ဟာ ဒီဘ၀မှာ ရဟန္တာများ ဖြစ်ကြမယ်လို့ မိန့်တော်မူခဲ့ပါတယ်။

အဲဒီကလေးနှစ်ယောက်ဟာ ဘ၀တွေကို ပြန်လည်မှတ်မိတဲ့ ဇာတိဿရဉာဏ်ရရှိတယ်ဆိုတာကိုတော့ သူတို့ကလေးနှစ်ယောက် စကားပြောတာကို ထောက်ဆပြီး သိနိုင်ပါတယ်။ သူတို့ဟာ သောတာပန်ဟုတ်မဟုတ်ကိုတော့ သူတို့အရင်ဘ၀က တရားကျင့်ခဲ့တာရယ်၊ နတ်ပြည်ကိုရောက်ခဲ့တာရယ်၊ နောက်ပြီး ဒီဘ၀မှာလည်း တကယ်ကို ရဟန္တာများဖြစ်သွားကြတာတွေကိုထောက်ဆပြီး ကဿပဘုရားရှင်လက်ထက်က တရားကျင့်ရင်း သောတာပန်ဖြစ်ခဲ့ကြကာ ဂေါတမမြတ်စွာဘုရားလက်ထက်မှာ သောတာပန်ကလေးများဟု ယူဆကြခြင်း ဖြစ်ပါတယ်။

မေးခွန်းရှင်က သောတာပန်အကြောင်းနဲ့ဆက်စပ်လို့ နှစ်ခုမေးထားတာဆိုတော့ ကျန်တစ်ခုကို ဆက်လက်ရေးသားလိုက်ပါဦးမယ်။

တိုင်းပြည်တစ်ခု လှပစေဖို့

ကမ္ဘာပေါ်တွင် လူသားချင်းအတူတူဖြစ်လာကြသော်လည်း လူမျိုးချင်းမတူကြခြင်းကြောင့် တိုင်းနိုင်ငံများ ကွဲပြားခြားနားခဲ့ရပါတယ်။ အဲဒီလို မိမိတို့လူမျိုးတိုင်းပြည်ဆိုပြီး အသီးသီး ကွဲပြားသွားသလို နိုင်ငံရေး၊ စီးပွားရေး၊ ယဉ်ကျေးမှုစတဲ့အချက်များလည်း တစ်နိုင်ငံနှင့်တစ်နိုင်ငံ မတူညီကြပေ။ မိမိတို့လူမျိုးနိုင်ငံ ကောင်းစားရေးများကို နိုင်ငံအုပ်ချုပ်သူများနှင့် တိုင်းသူပြည်သား များဟာ အားသွန်းကြိုးပမ်းဆောင်ရွက်လေ့ရှိကြပါတယ်။ သို့သော် တချို့နိုင်ငံများတွင် စည်းစနစ် မမှန်ကန်မှုကြောင့် တိုးတတ်သင့်သလောက် မတိုးတတ်ဘဲဖြစ်နေပါတယ်။ ဒါကြောင့် တိုင်းပြည် တစ်ခုတိုးတတ်ဖို့ရန် သတ်မှတ်ကျင့်သုံးရမဲ့ နည်းစနစ်များကို ရှာဖွေတင်ပြပေးလိုက်ပါတယ်။

တိုင်းပြည်တစ်ခု လှပတိုးတတ်ဖို့ရန်အတွက် ဘယ်လိုနည်းစနစ်များ သတ်မှတ်ကျင့်သုံး ရမလဲ။ အုပ်ချုပ်သူများရဲ့ အဓိကလိုအပ်ချက်ဟာ ဘာလဲ။ အုပ်ချုပ်သူများနှင့်ပြည်သူများဟာ ဘယ်လိုပြုမှုနေထိုင်ရင် တိုင်းပြည်တိုးတတ်အောင်မြင်မလဲစတဲ့အချက်များကို စဉ်းစားကြည့်တဲ့ အခါ မြတ်ဗုဒ္ဓသက်တော်ထင်ရှားရှိစဉ်အခါက အဖက်ဖက်မှ တိုးတတ်အောင်မြင်ခဲ့တဲ့ ဝေသာလီပြည်အကြောင်းကို သတိရလိုက်ပါတယ်။ ရှေးယခင်က ဝေသာလီပြည်မင်းများ တိုးတတ် အောင်မြင်ရန်အတွက် ကျင့်သုံးခဲ့တဲ့ နည်းစနစ်များကို အတုယူကျင့်သုံးမယ်ဆိုရင် မလွဲဧကန် တိုးတတ်အောင်မြင်မှာပါ။ အဲဒီလိုလိုက်နာသုံးခြင်းကြောင့် တိုင်းပြည်အုပ်ချုပ်သူများ စည်းလုံး ညီညွတ်မှုရှိနေမယ်ဆိုရင် တခြားတိုင်းပြည်များက မိမိတိုင်းပြည်ဖွံ့ဖြိုးတိုးတတ်မှုကို မနာလို ၀န်တိုစိတ်ဖြစ်ကာ အနှောက်အယှက်ပေးမည့်ဘေးမှလည်း ကင်းလွတ်ပါလိမ့်မယ်။ အဲဒီလို အဖက်ဖက်မှပြည့်စုံပြီး ဖွံ့ဖြိုးတိုးတတ်ရန်အတွက် လိုက်နာကျင့်သုံးရမည့်အရာများကတော့

၁။ တိုင်းပြည်ကိုအုပ်ချုပ်တဲ့ အဖွဲ့အစည်းများဟာ အချင်းချင်းမကြာခဏ စည်းဝေးတိုင်ပင်ရပါမယ်။ အစည်းဝေးလုပ်တယ် ဆိုတာ ကောင်းတဲ့အကျင့်တစ်ခုဖြစ်သလို လုပ်သင့်တဲ့အလုပ် တစ်ခုလည်း ဖြစ်ပါတယ်။ များပြားလှတဲ့ တိုင်းသူပြည်သားများအတွက် လိုအပ်ချက်များကို ဦးခေါင်းတစ်လုံးတည်းနှင့်စဉ်းစားတာထက် ဦးခေါင်းအများကြီးများနှင့် စဉ်းစားတိုင်ပင်ပြုလုပ်တာ က ကောင်းသောအကြံများ ဖြစ်ပေါ်လာနိုင်ပါတယ်။ အများနှင့်စည်းဝေးတိုင်ပင်ခြင်းကြောင့် တိုင်းပြည်အတွက်လိုအပ်ချက်များကို အားလုံးက ၀ိုင်းဝန်းတင်ပြကြသဖြင့် တိုင်းပြည်တိုးတတ်ရေး အတွက် လုပ်ဆောင်ရမဲ့အရာများကိုသိရှိနားလည်ပြီး လုပ်ဆောင်ပေးမှသာ တိုင်းပြည်ဟာ တိုးတတ်မှာပါ။ စည်းဝေးတိုင်ပင်ခြင်းမရှိရင် တိုင်းပြည်မှာနေ့စဉ်ဖြစ်ပျက်သမျှတို့ကို မသိရှိလို့ ပြုလုပ်မပေးနိုင်ဘူးဆိုရင် တိုးတတ်တဲ့တိုင်းပြည် ဖြစ်လာမည်မဟုတ်ပေ။

၂။ အစည်းအဝေးကျင်းပတဲ့အခါ လူကြီးများဟာ တက်ညီလက်ညီနှင့် ဆွေးနွေးတိုင်ပင် ပြောဆိုကာ တိုင်းပြည်အတွက် လိုအပ်ချက်များကို ဆောင်ရွက်ပေးရပါမယ်။ ဒါဟာလည်း အထူးလိုအပ်တဲ့ အချက်ပါ။ အဖွဲ့အစည်းအားလုံး တစ်ဦးနှင့်တစ်ဦး ညီညွတ်မှုရှိမှသာ တိုင်းပြည် အတွင်း လိုအပ်တဲ့ပြုပြင်စရာများကို တက်ညီလက်ညီနဲ့ ပြုလုပ်နိုင်မှာပါ။

၃။ ရှေးယခင်က ပဋ္ဌာန်းထားတဲ့ ဥပဒေများကို ပြုပြင်ပြောင်းလဲမှုမလုပ်ဘဲ အဲဒီစည်းကမ်း များကိုသာ မင်းနှင့်ပြည်သူများဟာ စနစ်တကျ လိုက်နာကျင့်သုံးရပါမယ်။ ခုစည်းကမ်းတစ်မျိုး ထုတ်လုပ် တော်ကြာ ပြောင်းသွားလိုက်ဖြစ်နေရင် တိုင်းသူပြည်သားများဟာ ဘာလုပ်လို့ဘာကိုင် ရမှန်းမသိဘဲဖြစ်နေခြင်းကြောင့် တိုင်းပြည်တိုးတတ်ရေးလုပ်ငန်းများ နှောင်နှေးနေပါလိမ့်မယ်။ အလုပ်တစ်ခုဟာ သေချာကျနစွာ သိရှိနားလည်ပြီး လုပ်ကိုင်ဆောင်ရွက်မှသာ အောင်မြင်တာပါ။ ခု ဟိုဟာ လုပ်မယ်၊ တော်ကြာ ဒါလုပ်မယ်ဆိုပြီး ဗျာများနေပါက တစ်ခုမှမပြီးမြောက်ခြင်းကြောင့် တိုင်းပြည်တိုးတတ်လာလိမ့်မည် မဟုတ်ပေ။

စည်းကမ်းတစ်ခု ထုတ်တော့မယ်ဆိုရင် ဒီစည်းကမ်းဟာ အများပြည်သူလိုက်နာ ကျင့်သုံးနိုင်မဲ့အရာ ဟုတ်မဟုတ်ကို အများနှင့်တိုင်ပင်ပြီး ဥပဒေထုတ်ရပါမယ်။ အဲဒီလိုမဟုတ်ဘဲ မိမိတို့ထုတ်ချင်တဲ့စည်းကမ်းထုတ်နေမယ်ဆိုရင် အဲဒီဥပဒေကို ဘယ်သူမှလည်း လိုက်နာကျင့်သုံးမှု မရှိပါက ထိုတိုင်းပြည်ဟာ တိုးတတ်အောင်မြင်တဲ့ နိုင်ငံတစ်ခု ဖြစ်လာမည်မဟုတ်ပါ။ ဒါကြောင့် ရှိခဲ့ပြီးသော စည်းကမ်းများကိုသာ အားလုံးက လိုက်နာကျင့်သုံးနိုင်အောင် ဆောင်ရွက် ပေးရပါမယ်။

၎။ တိုင်းပြည်အုပ်ချုပ်သူများဟာ မိမိတို့ထက် အသက်ကြီးသော အရာရှိများအား ရိုသေလေးစားပြီး ပြောစကားကိုလည်း နားထောင်ရပါမယ်။ မိမိထက်ကြီးသူများက ဒါလုပ်ဆိုရင် တိကျမှန်ကန်စွာ မခိုးမကပ်ဘဲ လုပ်ရမှာပါ။ အဲဒီလိုမဟုတ်ဘဲ ခိုင်းတာတစ်မျိုး လုပ်တာတစ်မျိုးဖြစ်နေပါက တိုင်းပြည်လိုအပ်ချက်များ မပြီးမြောက်သဖြင့် ဆုတ်ယုတ်ပျက်စီးမှုများ ဖြစ်နေပါမယ်။ အထက်လူကြီးနှင့်အောက်လူငယ်များဟာ တစ်ဦးနှင့်တစ်ဦး နားလည်မှု၊ ကိုယ်ချင်းစာမှုရှိပြီး ဆရာကတပည့်ကို စေတနာထားသလို တပည့်ကလည်း ဆရာကို ရိုသေလေးစား ပြောစကားနားထောင်ရပါမယ်။ ဒါမှလည်း ဆရာတပည့် ချစ်ခင်ညီညွတ်မှုရှိသဖြင့် အလုပ်တိုင်းဟာ အောင်မြင်မှာပါ။ ကြီးတဲ့သူများကလည်း အောက်လက်ငယ်သားများဟာ မိမိခိုင်းသလို လုပ်မလုပ်ဆိုတာကို သေချာလေ့လာ စစ်ဆေးပေးရပါမယ်။ ခိုင်းသာခိုင်းပြီး ပြန်လည်စစ်ဆေးခြင်း မရှိဘူးဆိုရင် အောက်လက်ငယ်သားများရဲ့ ကျွမ်းကျင်မှုအားနည်းလို့ဖြစ်စေ၊ အလုပ်ကို ခိုးကပ်လုပ်လို့ဖြစ်စေ၊ ပြောစကားနားမထောင်ဘဲ သူတို့လုပ်ချင်တာလုပ်လို့ဖြစ်စေ ချွတ်ယွင်းချက်များ ရှိနိုင်ပါတယ်။ အဲဒီလို ဖြစ်လာနိုင်တဲ့ချွတ်ယွင်းချက်များကို အထက်လူကြီးက လိုက်လံစစ်ဆေးမှုမရှိဘဲ ဒီတိုင်းသာ ထားလိုက်မယ်ဆိုရင် ထိုတိုင်းပြည်ဟာ တိုးတတ် အောင်မြင်သော တိုင်းပြည် ဖြစ်လာမည်မဟုတ်ပေ။

၅။ မိမိတို့တိုင်းပြည်မှာရှိတဲ့ အမျိုးသမီးများအား အနိုင်ကျင့်ခြင်း၊ နှိပ်စက်ခြင်း၊ သိမ်းပိုက်ခြင်းများ မပြုလုပ်ရပါ။ အဲဒီလိုမဖြစ်အောင်လည်း အုပ်ချုပ်သူများက စည်းကမ်းစနစ်နှင့် တင်းကြပ်ပေးရပါမယ်။ အားငယ်တဲ့ မိန်းမသားများအား မိမိတို့က အားမာန်ကြီးတယ်ဆိုပြီး အနိုင်ကျင့်တာဟာ မကောင်းမှုတစ်မျိုးပါ။ အားနွဲ့တဲ့အမျိုးသမီးများအား အနိုင်ကျင့်သော သူယုတ်မာများရှိနေမယ်ဆိုရင် ထိုတိုင်းပြည်ဟာ တိုးတတ်မည်မဟုတ်ပေ။ ဒါကြောင့် တိုင်းပြည်တွင်းရှိ အမျိုးသမီးများအား နိုင်ထက်စီးနင်းမလုပ်ဘဲ ယောက်ျားများနှင့် တန်းတူအခွင့်ရေးပေးကာ တက်နိုင်သမျှ ဖေးမကူညီခြင်းဖြင့် နိုင်ငံတော်ကြီးတိုးတတ်အောင် ပြုလုပ်ပေးရပါမယ်။

၆။ တိုင်းသူအုပ်ချုပ်သူများဟာ ရှေးယခင်ကမင်းတို့ရဲ့ နတ်ကွန်း (စေတီ)တို့ကို အရိုအသေ အလေးအမြတ် ပူဇော်ကြရပါမယ်။ တိုင်းပြည်အကျိုးရှိအောင် အသက်စွန့်လုပ်ဆောင်ပေးခဲ့သော ပုဂ္ဂိုလ်များအား ကျေးဇူးဆပ်သည့်အနေဖြင့် ရှေးယခင်က ပြုလုပ်ခဲ့တဲ့အတိုင်း အထိမ်းအမှတ် ပူဇော်မှုများ ပြုလုပ်ပေးရပါမယ်။ ဒါမှလည်း လူကြီးသူမများကို ရိုသေခြင်းကြောင့် ကျေးဇူးသိတတ်သော နိုင်ငံတော်ကြီးဖြစ်ကာ တိုးတတ်အောင်မြင်မှာပါ။ ပူဇော်သင့်တာကို မပူဇော်ဘဲ မပူဇော်သင့်တဲ့အရာများကို ပူဇော်ပသအားထားနေမယ်ဆိုရင် ထိုတိုင်းပြည်ဟာ ဆုတ်ယုတ်ပျက်စီးခြင်းနှင့်သာ ရင်ဆိုင်ရဖွယ် ရှိပါတယ်။

၇။ မိမိတိုင်းပြည်သို့ မကြွလာသေးသော ရဟန်းသံဃာတို့ကို ကြွလာစေအောင် တိုင်းပြည် အတွင်းမှာရှိနေသော ရဟန်းသံဃာများကို ချမ်းသာစွာနေရအောင် ပြုလုပ်ပေးရပါမယ်။ ဒါမှသာ တိုင်းပြည်တစ်ခုဟာ သူတော်ကောင်းတို့ရှိနေခြင်းကြောင့် အစစအရာရာ ပြည့်စုံပြီး ဘေးအန္တရာယ်အပေါင်းမှ ကင်းလွတ်ချမ်းသာနေမှာပါ။ အုပ်ချုပ်သူရော ပြည်သူပြည်သားများကပါ သူတော်ကောင်းတရား မရှိကြဘူးဆိုရင် ထိုတိုင်းပြည်ဟာ အန္တရာယ်အပေါင်းကျရောက်ပြီး ပျက်စီးမှုများနှင့်သာ ရင်ဆိုင်ရပါလိမ့်မယ်။ ဒါကြောင့် တိုင်းပြည်တွင်း သူတော်ကောင်းတရား ထွန်းကားအောင် ပြုလုပ်ပေးရပါမယ်။

ဒီ(၇)ချက်ဟာ တိုင်းပြည်တိုးတတ်ခြင်းရဲ့ နည်းလမ်းများဖြစ်ခြင်းကြောင့် ဒီမိုကရေစီလမ်းစဉ်လို့ ဆိုနိုင်ပါတယ်။ ယခုခေတ် သတ်မှတ်နေတဲ့ ဒီမိုကရေစီနည်းလမ်း များစွာရှိပေမဲ့ ဒီ(၇)ချက်သာ ပြည့်စုံအောင် ကျင့်သုံးမယ်ဆိုရင် ထိုတိုင်းပြည်ဟာ တိုးတတ်မှာ အမှန်ပါ။ အဲဒီနည်းလမ်းများကို မကျင့်သုံးဘဲ တိုင်းပြည်ရှိ လူသားအားလုံးက တစ်ဦးနှင့်တစ်ဦး နားလည်မှုမရှိ၊ လိုက်လျော့မှုမရှိဘဲ တင်းမာနေကြမယ်ဆိုရင် ဘယ်သောအခါမှ တိုးတတ်တဲ့နိုင်ငံ ဖြစ်လာမှာမဟုတ်ပါ။ တိုင်းပြည်အုပ်ချုပ်သူများကလည်း ငါတို့က အုပ်ချုပ်သူတွေဆိုပြီး လုပ်ချင်တာ လုပ်နေမယ်။ တိုင်းပြည်တွင်းရှိ ပြည်သူနှင့်အဖွဲ့အစည်းများကလည်း သူတို့အုပ်ချုပ် တာ နည်းလမ်းမကျဘူးဆိုပြီး ပြစ်တင်မှုတွေ တိုက်ခိုက်မှုတွေ ဖြစ်နေကြမယ်ဆိုရင် တစ်ဦးနှင့်တစ်ဦး ညီညွတ်နားလည်မှုမရှိခြင်းကြောင့် ထိုတိုင်းပြည်ဟာ တိုးတတ်မှုမရှိဘဲ ပျက်စီးမှုများနှင့်သာ ရင်ဆိုင်ရမှာ သေချာပါတယ်။

မိမိနိုင်ငံသားချင်း မကျေမနပ်ဖြစ်ပြီး ရန်ငြိုးများထားကာ တိုက်ခိုက်မှုများလုပ်နေကြမည် ဆိုပါက တိုင်းပြည်ဘဏ္ဍာငွေများဟာ တိုက်ခိုက်မှုအတွက် သုံးလိုက်ရခြင်းကြောင့် အလဟဿဖြစ်သွားပါတယ်။ အဲဒီလို တိုင်းပြည်အတွက် အကျိုးမရှိဘဲ တိုင်းပြည်ဘဏ္ဍာငွေများ ဆုံးရှုံးနေမယ်ဆိုရင် တိုင်းပြည်ဟာ ဆင်းရဲပြီးဆင်းရဲဖြစ်နေမှာပါ။ ဒါပြင် တိုင်းပြည်အတွင်း တိုက်ခိုက်မှုများဖြစ်နေရင် ပြည်သူပြည်သားများဟာ အသက်အန္တရာယ်နှင့်ရင်ဆိုင် နေရခြင်းကြောင့် စီးပွားရေးအလုပ်ကိုင်များပျက်စီးကာ တိုင်းပြည်ကြီး ပျက်စီးသထက် ပျက်စီးနေပါလိမ့်မယ်။

ဒါကြောင့် တစ်ဦးနှင့်တစ်ဦး၊ အဖွဲ့အစည်းတစ်ခုနှင့်တစ်ခုဟာ တိုင်ပင်သင့်တာ တိုင်ပင်ပြီး လုပ်သင့်တာကိုလည်း ညီညွတ်စွာဖြင့် မိမိလူမျိုးတိုင်းပြည်တိုးတတ်အောင် မာန်မာနတွေ တင်းမာမှုတွေမရှိကြဖို့ လိုပါတယ်။  တိုင်းပြည်တွင်းရှိ အဖွဲ့အစည်းအားလုံးဟာ တစ်ဦးနှင့်တစ်ဦး နားလည်ညီညွတ်မှုရှိပြီး တိုင်းပြည်အတွက် ပြုလုပ်စရာရှိတာကို ဖေးမကူညီလုပ်ကိုင် ဆောင်ရွက်ကြမယ်ဆိုရင် တိုးတတ်တဲ့နိုင်ငံတစ်ခု ဖြစ်လာမှာပါ။ အဲဒီလိုမဟုတ်ဘဲ တိုင်းပြည်တွင်းရှိ အဖွဲ့အစည်းအားလုံးဟာ မိမိကောင်းစားဖို့ တစ်ခုတည်းသာကြည့်ပြီး ဘယ်သူသေသေ ငတေမာရင်ပြီးရောဆိုတဲ့စိတ်ဓာတ်များရှိနေလျှင်တော့ ထိုတိုင်းပြည်ဟာ ဘယ်သောအခါမှ တိုးတတ်လာလိမ့်မည်မဟုတ်ပေ။

တိုင်းပြည်တွင်းရှိ လူသားအားလုံးဟာ မိမိတိုင်းပြည်ကို လှပစေချင်တယ်ဆိုရင်တော့ အုပ်ချုပ်သူများကလည်း ဝေသာလီမင်းသားများ အုပ်ချုပ်သလို စည်းစနစ်တကျအုပ်ချုပ်ကာ တိုင်းပြည်လိုအပ်ချက်များကို ပြုပြင်ဆောင်ရွက်ပေးရပါမယ်။ ပြည်သူများကလည်း မိမိတိုင်းပြည် တိုးတတ်ရေးအတွက် စည်းကမ်းများလိုက်နာကာ လုပ်စရာရှိတာကို မခိုးမကပ်ဘဲ ပြုလုပ် ဆောင်ရွက်သွားမယ်ဆိုရင် ဘက်စုံဖွံ့ဖြိုးတိုးတတ်တဲ့ နိုင်ငံတော်ကြီးတစ်ခုအဖြစ် ကမ္ဘာပေါ်မှာ ရပ်တည်နိုင်ပြီး မော်ကြွားနိုင်မှာ အမှန်ပါ။

ဒီဆောင်းပါးလေးကို လွန်ခဲ့တဲ့(၃)လလောက်က တက္ကသိုလ်ကျောင်းသူတစ်ဦးကနေ စာစီစာကုံးရေးခိုင်းတာကြောင့် ရေးပေး လိုက်ပါတယ်။ နောက်ပိုင်းကျတော့ ဂျာနယ်တစ်ခုကနေ တိုင်းပြည်တိုးတတ်ရန်အတွက် လိုအပ်တဲ့အချက်အလက်များကို မြတ်ဗုဒ္ဓဟောကြားခဲ့တဲ့ နည်းလမ်းများနဲ့ ရေးသားပေးပါလို့ တောင်းဆိုတာနဲ့ ဒါကိုပဲ အချောသတ်ပြန်ရေးပေးလိုက်ပါတယ်။ အဲဒီဂျာနယ်က ထည့်မထည့်တော့ ဦးဇင်းကို အကြောင်းမပြန်လို့ သေချာမသိရသေးပေ။ အခု ဦးဇင်းလည်း ၀က်ဆိုဒ်တင်ဖို့ ရေးချိန်လည်း မအားသေးတာနဲ့ ဘာများတင်စရာရှိလဲလို့ လိုက်ကြည့်လိုက်တဲ့အခါ ဒီဆောင်းပါးလေးတွေ့တာနဲ့ အင်တာနက်မှာ မတင်ရသေးတာမို့ ဦးဇင်းစာဖတ်ပရိသတ်များ လုပ်ငန်းခွင်မှာဖြစ်စေ၊ တိုင်းပြည်အတွက်ဖြစ်စေ အသုံးဝင်တဲ့အကြောင်းအရာလေးများ ပါနေခြင်းကြောင့် အသုံးတည့်က အသုံးပြုနိုင်ရန် အင်တာနက်ပေါ်သို့ တင်ပေးလိုက်ခြင်း ဖြစ်ပါတယ်။

အရှင်ကောမလ(ခ)ဆန်နီနေမင်း

sanninaymin@gmail.com

http://www.sanninaymin.com/

ကိုလံဘိုမြို့၊ သီရိလင်္ကာနိုင်ငံ။

ဒီခေါင်းစဉ်လေး ရခဲ့တယ်

ဦးဇင်းလည်း Master of Philosophy (M.phil) ဘွဲ့ ကျမ်းတင်ဖို့ ခေါင်းစဉ်ရဖို့ရန်အတွက် အရင်တစ်ပတ်က ဆွေးနွေးခဲ့တာ အဆင်မပြေတာနဲ့ ဒီတစ်ပတ်တနင်္လာနေ့တွင် တစ်ခေါက်ပြန်လည်သွားရောက်ပြီး ပါမောက္ခနဲ့ သွားတွေ့လိုက်ပါတယ်။ အရင်တစ်ပတ်က ပါမောက္ခပြောတဲ့စကားတွေကို ပြန်လည်ဆန်းစစ်ကြည့်တဲ့အခါ မြန်မာပြည်နှင့်သီရိလင်္ကာရဲ့ ဘာသာရေးအကြောင်း ကွာခြားမှုဓလေ့ထုံးစံတွေကို အတော်လေးသိချင် စိတ်ဝင်စားပုံရှိနေတယ်ဆိုတာ စဉ်းစားမိတာနဲ့ မထူးပါဘူးလေ သူများမရေးသေးတော့လည်း ကိုယ်ပဲ ရေးလိုက်တာပေါ့ဆိုပြီး

1. A comparative study of the Buddhist ordinations between Sri Lanka and Myanmar.

2. Significance of Buddhist festivals in Theravada Buddhism: An analysitical study with a special reference to Sri Lanka and Myanmar history.

ခေါင်းစဉ်နှစ်ခုကို စဉ်းစားသွားပါတယ်။

ဒါနဲ့ ဆရာနဲ့လည်းတွေ့ရော ဆရာရေ ဦးဇင်းကတော့ ဆရာတို့နိုင်ငံမှာ (၄)နှစ်ကျော်နေရဦးမှာဆိုတော့ ဒီနိုင်ငံက ဘာသာရေးယဉ်ကျေးမှု ဓလေ့ထုံစံတွေကို လေ့လာချင်တယ်။ စိတ်လည်းဝင်စားတယ်။ ဒါကြောင့် ဒီခေါင်းစဉ်နှစ်ခုထဲက တစ်ခုကို ရွေးချယ်ပေးပါလို့ သူတို့နိုင်ငံအကြောင်း စိတ်ဝင်စားတယ်ပြောလိုက်တာနဲ့ နံပါတ်(၁)ခေါင်းစဉ် A comparative study of the Buddhist methods of ordinations in Sri lanka and Myanmar ဆိုတဲ့ခေါင်းစဉ်မှာ Methods of လေးထည့်ပေးပြီး between နေရာမှာ in ထည့်ပေးကာ “A comparative study of the Buddhist methods of ordinations in Sri Lanka and Myanmar-သီရိလင်္ကာနှင့်မြန်မာနိုင်ငံတို့၏ ရှင်ပြုရဟန်းခံခြင်းအကြောင်းများကို ဗုဒ္ဓဘာသာနည်းလမ်းများဖြင့် နှိုင်းယှဉ်တင်ပြလေ့လာခြင်း”ဆိုတဲ့ခေါင်းစဉ်ကို အတည်ပြုပေးလိုက်ပါတယ်။ ဒီခေါင်းစဉ်ဟာ လွယ်မလိုနဲ့ ခက်ဆိုတာမျိုးပါ။ ဘာဖြစ်လို့လဲဆိုတော့ မြန်မာနိုင်ငံနှင့်သီရိလင်္ကာ သာသနာရောက်ရှိပုံကနေ စရေးရမှာဖြစ်သလို မြတ်ဗုဒ္ဓလက်ထက်က ရှင်ပြုရဟန်းခံအကြောင်းတွေကိုပါ လေ့လာသုံးသပ်ပြရမှာဆိုတော့ သမိုင်းကြောင်းလည်း နိုင်မှဖြစ်မှာပါ။ မြန်မာနိုင်ငံအကြောင်းကတော့ ထားပါတော့ မြန်မာလိုရေးထားတဲ့စာတွေကို ကိုယ်ကဖတ်တတ်တယ်လေ။ သီရိလင်္ကာအကြောင်းကတော့ အင်္ဂလိပ်လိုအကုန်မရှိရင် သီရိလင်္ကာစကားပါ သင်မှဖြစ်မှာ။ ဒါမှလည်း တချို့အကြောင်းအရာတွေကို အင်တာဗျူးလုပ်ပြီး စုံစမ်းလေ့လာလို့ ရမှာလေ။

ဒီတစ်ခါခေါင်းစဉ်သွားဆွေးနွေးတဲ့အခါကျတော့လည်း သုံးခွန်းပဲ ပြောလိုက်တာနဲ့ အဆင်ပြေသွားတယ်။ အရင်တစ်ပတ်ကတော့ နာရီဝက်ကြာအောင် ခေါင်းစဉ်တစ်ခုကို ရွေးချယ်ပေးဖို့ပြောလည်း မရ၊ ကိုယ်ကြိုက်တာလည်း ပြောမရခဲ့ပါဘူး။ ခုအဆင်ပြေချင်တော့ ခဏလေးပဲ။ ဒါဟာလည်း ဦးဇင်းရဲ့ ကောင်းမှုတွေလည်း ပါမယ်ထင်ပါတယ်။ ဘာဖြစ်လို့လဲဆိုတော့ ခေါင်းစဉ်အတည်ပြုရန် သွားမပြောခင် တနင်္ဂနွေနေ့က သူငယ်ချင်းတွေကို စားစရာဒါနပြုခဲ့တယ်လေ။ နောက်ပြီး သွားခါနီးလည်း ပါမောက္ခကို တက္ကသိုလ်ရောက်သည်အထိ တစ်လှမ်းလုံး မေတ္တာပို့တယ်။ ဘုရားဂုဏ်တော်တွေ ရွတ်သွားတယ်။ ဒါပြင် သူတို့နိုင်ငံကအကြောင်းရော မြန်မာအကြောင်းပါ ပါနေတဲ့ခေါင်းစဉ်ဆိုတော့ ပါမောက္ခစိတ်ဝင်စားတာလည်း ပါတာပေါ့လေ။

ဘာပဲဖြစ်ဖြစ် ဒီဇင်ဘာ(၁၀)ရက်နေ့မှာတော့ ကျောင်းအပ်ရတော့မယ်။ ကျောင်းအပ်ရရင် ကျောင်းကြေးက ဘယ်လိုသွင်းရမလဲလို့ ငွေလက်ခံတဲ့ ဆရာတစ်ယောက်ကို သွားမေးကြည့်တဲ့အခါကျတော့ M.phil က တစ်နှစ်ကို USD (900) Ph.D က တစ်နှစ်ကို USD (1000) တဲ့။ သီရိလင်္ကာနိုင်ငံမှာက M.phil တန်းကို (၂)နှစ်၊ Ph.D တန်းကို (၃)နှစ်ပြဋ္ဌာန်းထားပါတယ်။ တကယ်လို့ မိမိက M.phil ကျမ်းရေးတဲ့အခါ ကျမ်းခေါင်းစဉ်နဲ့ပတ်သတ်တာကို လိုရင်းအချက်တွေ၊ အတွေးခေါ်အသစ်တွေ တစ်နှစ်အတွင်း များများတင်ပြပေးနိုင်မယ်ဆိုရင်တော့ တစ်နှစ်တည်းနဲ့ M.phil တန်းကို Upgrade လုပ်ပြီး အဆင့်ကျော်တတ်ကာ Ph.D တန်းကို တက်လို့ရပါတယ်။ ဒါပေမဲ့ M.phil ဘွဲ့တော့ မရတော့ဘူးပေါ့လေ။ ဒါပြင် Ph.D ကျမ်းရေးတဲ့အခါ သုံးနှစ်နဲ့မပြီးဘူးဆိုရင် တစ်နှစ်သက်တမ်းထပ်တိုးပေးပါတယ်။ များသောအားဖြင့်လည်း သက်တမ်းတိုးယူကြရပါတယ်။ ဘာဖြစ်လို့လဲဆိုတော့ သုံးနှစ်အတွင်းမှာ ကျမ်းရေးတဲ့အခါ ကျမ်းဟာပြည့်စုံလုံလောက်မှုမဖြစ်တာရယ်။ တက္ကသိုလ်က ဆရာအားလုံးရဲ့ စိတ်ကြိုက်မဖြစ်တာရယ်ကြောင့် တစ်နှစ်ဖြစ်စေ၊ ခြောက်လဖြစ်စေ သက်တမ်းတိုး ယူကြရပါတယ်။ ဒါက ဦးဇင်းသိသလောက်အတွေ့အကြုံများကို သီရိလင်္ကာနိုင်ငံမှာ ဒေါက်တာလုပ်ချင်သူများပါသိရအောင် တင်ပြပေးတာပါ။

သီရိလင်္ကာနိုင်ငံမှာ ဘုန်းကြီးများသာမဟုတ်၊ လူကျောင်းသားများပါ ဒေါက်တာလုပ်လို့ ရပါတယ်။ ကိုးရီးယား၊ ဂျပန်၊ တရုတ်နှင့်သီရိလင်္ကာလူများ လောကီဘွဲ့ကနေ M.A ဒီပလိုမာတက်ရောက်ကြကာ ဒေါက်တာအထိ လုပ်နေကြတာ ရှိပါတယ်။ မြန်မာပြည်က B.SC ဘွဲ့ရရှိပြီးသူဆို သီရိလင်္ကာနိုင်ငံမှာ M.A ဒီပလိုမာတက်ပြီး M.A, M.phil, Ph.D ဘွဲ့တို့ကို လူများရော ဘုန်းကြီးများပါ ဆက်တတ်လို့ ရပါတယ်။ တကယ်လို့ မိမိက အင်္ဂလိပ်စာလည်း တော်မယ်၊ ပိုက်ဆံလည်း ရှိမယ်ဆိုရင်တော့ ဒီနိုင်ငံက M.phil ဘွဲ့ယူပြီး အမေရိကန်၊ အင်္ဂလန်နိုင်ငံတို့မှာပါ ဒေါက်တာဘွဲ့သွားတတ်လို့ ရပါတယ်။

ဦးဇင်း ခုတင်ခဲ့တဲ့ ခေါင်းစဉ်ကို တက္ကသိုလ်က ပါမောက္ခဆရာတွေ ဒီလ(၂၆)ရက် တက္ကသိုလ်စည်းဝေးမှာ တင်ပြပြီး အားလုံးက သဘောတူတယ်ဆိုတာနဲ့ ကျောင်းအပ်ပြီး ရေးရပါတော့မယ်။ စာအုပ်စာတမ်း အထောက်အထားတွေရှာရန်နှင့် ကျမ်းငယ်အကျဉ်းချုပ် Synopsis ရေးရန် (၆)လတော့ အချိန်ပေးပါတယ်။ ဒီပေးထားတဲ့ (၆)လအတွင်းမှာ ကျမ်းရေးမဲ့ စာအုပ်စာတမ်းအထောက်အထားများနှင့်ကျမ်းငယ်အကျဉ်းချုပ်ကို ရေးသားရှာဖွေ တင်ပြပေးရမှာပါ။

အဲဒီတော့ ဦးဇင်းစာဖတ်ပရိသတ်များလည်း ဦးဇင်းကျမ်းခေါင်းစဉ်နဲ့ပတ်သတ်တဲ့ စာအုပ်စာတမ်းများဖြစ်စေ၊ ၀က်ဆိုဒ်လေးများဖြစ်စေ ရှာဖွေတွေ့ရှိကြမယ်ဆိုရင် ဦးဇင်းဆီကို ပို့ပေးရင်တော့ ကောင်းမယ်ထင်ပါတယ်။ ဦးဇင်းအတွက် ၀ိုင်းဝန်းရှာဖွေပေးပါက အချိန်အားလပ်ချိန်ရရင် ကျန်တဲ့စာတွေ ရေးလို့ရတာပေါ့။ ဖြစ်နိုင်ရင် စာအုပ်များတွေ့ရှိပါက စာတိုက်ကနေ ပို့ပေးနိုင်ရင်တော့ အကောင်းဆုံးပေါ့လေ။ ဦးဇင်းအရင် ဒီမှာဒေါက်တာလုပ်နေတဲ့သူငယ်ချင်းတစ်ပါး ပြောတာကတော့ မင့် ဒီကစာအုပ်တွေကို ရှာရ၀ယ်ရတာနဲ့ကို ဒေါ်လာ(၁၀၀၀)လောက်တော့ ကုန်မယ်တဲ့။ ဒါဟာ မြန်မာပြည်နဲ့ဆိုင်တဲ့ စာအုပ်တွေ မပါသေးဘူးတဲ့။ တချို့စာအုပ်တွေကို အွန်လိုင်းကနေ ၀ယ်ရမယ်တဲ့။ နောက်ပြီး ထိုင်းနိုင်ငံကနေလည်း ၀ယ်ရမယ်တဲ့လေ။ မြန်မာပြည်ပြန်ပြီး စာအုပ်တွေစုသယ်ခဲ့ရဦးမယ်တဲ့။ အင်း ဖြစ်လာမှတော့ ဘယ်တက်နိုင်ပါ့မလဲ။ ဖြစ်သမျှအကြောင်း အကောင်းချည်းပဲလို့တွေးပြီး မဖြစ်ဖြစ်အောင် လုပ်ရတော့မှာပေါ့လေ။ ခုတော့ ဒီလောက်နဲ့ပဲ ဦးဇင်းအတွေ့အကြုံများကို ရပ်နားထားပြီး နောက်မှဆက်လက်တင်ပြပေးပါဦးမယ်။ ဦးဇင်းစာဖတ်ပရိတ်သတ်အားလုံးလည်း ကိုယ်စိတ်နှစ်ပါးချမ်းသာပြီး လိုရာဆန္ဒပြည့်ဝကြကာ ပန်းတိုင်ကို လျင်မြန်စွာလျှောက်လှမ်းနိုင်ကြပါစေလို့ ဆုတောင်းပေးလျက်……။