အရှင်ဘုရား မရှင်းတာလေးမေးခွင့်ပြုတော်မူပါဘုရား။ ဘုရားရှင်လက်ထက်တော် အခါက ရဟန်းများဟာ (Dance Teacher) လုပ်ခဲ့ဘူးတာများရှိပါသလားဘုရား။ နောက်ပြီး ဝိနည်းကျမ်းထဲမှာကော (Dance Teacher) လုပ်ခွင့်ပြုထားတဲ့ သိက္ခာပုဒ်များကော ရှိပါသလားဘုရား။ ရှိရင်လဲအဲဒီသိက္ခာပုဒ်ကိုရှင်းပြပေးစေလိုပါတယ်။ မရှိရင်လဲမရှိပါပဲနဲ့လုပ်တဲ့ ရဟန်းဟာဘယ် လိုအပြစ်များရှိတယ်ဆိုတာ ဖြေကြားပေးစေ လိုပါတယ်ဘုရား။
ဒကာရေ ကခြင်းကို ဥပုသ်စောင့်ထားတဲ့ လူတွေတောင် သူတစ်ပါးအား ကခိုင်းခြင်း ကိုယ်တိုင်ကခြင်းများ မပြုလုပ်ရပါဘူး။ သူတစ်ပါးကို ခိုင်းလျှင်လည်းကောင်း၊ ကိုယ်တိုင် ပြုလုပ်လျှင်လည်းကောင်း ဥပုသီလကျိုးပါတယ်။ ဥပုသ်သီလကျိုးတဲ့အတွက် ဥပုသ် စောင့်ထိန်း၍ ရရှိမည့်အကျိုးများ မရရှိတော့ပါပေ။
ရဟန်းတစ်ပါးသည် ရဟန်းဝတ်ပြီဆိုကတည်းက ကခြင်းစတဲ့ ဆိုင်ရာသီလတွေကို ထိန်းရပါတယ်။ အဲဒီတော့ ရဟန်းဝတ်နဲ့ ကိုယ်တိုင်လည်း မကရပါ။ သူများကိုလည်း မကခိုင်းရပါ။ တကယ်လို့ မိမိကိုယ်တိုင် ကလျှင်လည်းကောင်း၊ သူတစ်ပါးအား ကခိုင်းလျှင်လည်းကောင်း ထိုရဟန်းအား ပါစိတ်အာပတ်သင့်ပါတယ်။
ထိုကဲ့သို့ မြတ်ဗုဒ္ဓပညတ်ခဲ့သော အသေးစားသိက္ခာပုဒ်များကို ကျူးလွန်ပါက ထိုရဟန်းသည် ဈာန်မဂ်ဖိုလ်စတဲ့ တရားထူးများကို မရရှိနိုင်တော့ပါ။ အဓိကကျတဲ့ ပါရာဇိက(၄)ပါးကို ကျူးလွန်လျှင်တော့ လူသားတွေ ပဉ္စာနန္တရိယကံငါးပါးကို ကျူးလွန်းလျှင် အပါယ်လေးပါးသို့ တိုက်ရိုက်ရောက်နိုင်သကဲ့သို့ ရဟန်းများသည်လည်း အပါယ်လေးပါးသို့ တိုက်ရိုက်ရောက်နိုင်ပါပေသည်။
တကယ်လို့ မိမိမှာ သိက္ခာပုဒ်အသေးစားလေးများ သင့်ရောက်နေပါက သင့်ရောက်သည့်နေ့ ရက်မကုန်ခင် မိမိသင့်ရောက်သည့် အာပတ်ကို ကုစားရပါတယ်။ အကယ်၍ မကုစားပါက ထိုအပြစ်များသည် နေ့စဉ်လိုလို သင့်ရောက်နေပါပေသည်။
တကယ်စဉ်းစားကြည့်လျှင် ရဟန်းဘောင်သည် လွယ်သလိုလိုနဲ့ အလွန် စောင့်ထိန်းရခက်သော ဘ၀ပင်ဖြစ်ပေသည်။ ရဟန်းဘ၀သည် နေတတ်လျှင် အမြင့်ဆုံးသို့ အရောက်လွယ်သလောက် မနေတတ်လျှင်လည်း အောက်သို့ရောက်အောင် လွယ်ကူလှသော ဘ၀ပင်ဖြစ်ပါသည်။
ယခုခေတ်ကာလတွင် ရဟန်းဘ၀နေရခြင်းသည် ပို၍ပင် စောင့်ထိန်းရခက်လှပေသည်။ တော်ရုံတန်ရုံ စိတ်ဓာတ်ဆုံးဖြတ်ချက်ဖြင့် ရဟန်းဘ၀ကို နေတတ်ဖို့ရန် မလွယ်ကူလှပေ။ ထို့ကြောင့် ရဟန်းဘ၀သည် လူသားတို့အနေဖြင့် အပေါ်ယံ ကြည့်လျှင်လည်းကောင်း၊ မြတ်ဗုဒ္ဓပညတ်ဟောကြားခဲ့သော ၀ိနည်းဥပဒေသများကို နားမလည်လျှင်လည်းကောင်း လွယ်ကူလှသောဘ၀ဟု ထင်မြင်တတ်ပေသည်။
တချို့က ရဟန်းဘ၀သည် ချမ်းသာတယ်၊ ဇိမ်ကျတယ်ဟု ထင်မြင်မိတတ်ကြပေသည်။ ရဟန်းအလုပ်ကို တကယ်လုပ်ပါက လူသားများထက် ပို၍ပင် အလုပ်များသလို ပို၍လည်း ထိန်းချုပ်မှုတွေများသောကြောင့် စိတ်ကျဉ်းကျပ်မှုများ ရှိလှပေသည်။ အကယ်၍ ယောက်ျားလေးများသည် လူ့ဘ၀ရခိုက် ရဟန်းဘ၀ကို ရချင်သောစိတ်ဆန္ဒများရှိပါက ဒုလ္လလရဟန်း မ၀တ်ခင် မိမိစိတ်ဓာတ်ကို အရင်ဆုံးခိုင်မာအောင် ပြုလုပ်ထားရပေမည်။ အဘယ်ကဲ့သို့ ဆုံးဖြတ်ထားရမည်နည်းဆိုသော် မိမိတို့သည် ရဟန်းဝိနည်းဥပဒေသများကို မသိသေးလျှင် ရဟန်းဝတ်ပြီးသိလာတဲ့အခါမှာ ထိုသိက္ခာပုဒ်များကို ရဟန်းဘ၀တည်သမျှ မကျိုးပေါက်အောင် စောင့်ထိန်းမည်ဟု သန္ဒိဋ္ဌာန်ပြတ်သားဖို့တော့ လိုပေသည်။
အဲဒီတော့ အဖြေရှည်လျားသွားပြီးဖြစ်တဲ့အတွက် ဤမျှနဲ့နိဂုံးချုပ်လိုက်ပါတော့မည်။ လူသားအားလုံး ကောင်းမှုကုသိုလ်များ နေ့စဉ်မပြတ် ပြုလုပ်နိုင်ကြပါစေလို့ ဆန္ဒပြုလျက်…..။
No comments:
Post a Comment