အမေး။ ။ အရှင်ဘုရား…. ဒု၊ သ၊ န၊ သော၊ဆိုတဲ့စကာလုံးလေးလုံးရဲ့အဓိပ္ပါယ်သက်သက်ကိုသာ တပည့်တော် သိချင်ပါတယ်၊ တပည့်တော်နဲ့အတူ သိချင်နေကြတဲ့သူများအားလုံးအတွက် ရှင်းရှင်းလင်းလင်းဖြေကြားပေးတော် မူပါဘုရား။
မောင်ပြည့်စုံ
ရန်ကုန်
အဖြေ။ ။မောင်ပြည့်စုံရေရဲ့ မေးခွန်းအရဆိုရင် အဖြေကို အကျယ်မသိချင်ဘဲ တိုကျဉ်းလိုရင်းသိချင်နေပုံ ရတယ်လို့ ယူဆရပါတယ်။ ဒါကြောင့် “ဒု သ န သော”ရဲ့ ဖြစ်ပေါ်လာပုံ အကြောင်းအရာများကို မဖေါ်ပြတော့ပါဘူး။ အဓိပ္ပါယ်ကို တိုကျဉ်း လိုရင်းလေးပဲ ပြန်ပေးလိုက်ပါတယ်။
‘ဒု’ ဆိုတဲ့စကားလုံးရဲ့ အပြည့်အစုံက “ ဒုဇ္ဇီဝိတ မဇီဝိမှိ၊ ယေသန္တေ န ဒဒမှသေ။ ၀ိဇ္ဇမာနေသု ဘောဂေသု၊ ဒီပံ နာကမှ အတ္တနော”ဖြစ်ပါတယ်။ ဒီဂါထာရဲ့အဓိပ္ပါယ်က “ငါတို့ဟာ မကောင်းတဲ့အသက်မွေးခြင်းနဲ့ အသက်မွေး ခဲ့ကြတယ်။ စည်းစိမ်ဥစ္စာများ ထင်ရှားရှိရက်နဲ့ မပေးလှူခဲ့ကြရဘူး။ ငါတို့မှီခိုအားကိုးရာတစ်ခုဖြစ်တဲ့ ကုသိုလ်ကောင်းမှုကို မပြုခဲ့ကြရဘူး”။
‘သ’ ဆိုတဲ့စကားလုံးရဲ့အပြည့်အစုံက သဋ္ဌိဝဿ သဟဿာနိ၊ ပရိပုဏ္ဏာနိ သဗ္ဗသော။ နိရယေ ပစ္စမာနာနံ၊ ကဒါ အန္တော ဘ၀ိဿတိ။ ဒီဂါထာရဲ့ အဓိပ္ပါယ်က.. “ငါတို့ဟာ လောဟကုမ္ဘီငရဲမှာ အနှစ်ခြောက်သောင်း ခံခဲ့ရပြီးပြီ၊ ဘယ်အခါမှ အဆုံးနိင်ပါ့မလဲ”။
‘န’ စကားလုံးရဲ့အပြည့်အစုံက “နတ္ထိ အန္တော ကုတော အန္တော၊ န အန္တော ပဋိဒိဿတိ။ တဒါ ဟိ ပကတံ ပါပံ၊ မမ တုယှဉ္စ မာရိသာ” ဖြစ်ပါတယ်။ ဒီဂါထာရဲ့အဓိပ္ပါယ်က.. “ ငါတို့အား အဆုံးအပိုင်းအခြားမရှိ၊ ငရဲရဲ့အဆုံးဟာ ဘယ်မှာရှိတော့မလဲ၊ ငရဲခံရတဲ့ အပိုင်းအခြားက မထင်ရှား။ ငါတို့ လူဖြစ်ခဲ့စဉ်က မကောင်းမှုကို ပြုခဲ့မိပြီ”။
‘သော’ စကားလုံးရဲ့အဓိပ္ပါယ်က.. “သောဟံ နူန ဣတောဂန္တွာ၊ ယောနိံ လဒ္ဓါန မာနုသိံ။ ၀ဒညူ သီလသမ္ပန္နော၊ ကာဟာမိ ကုသလံ ဗဟုံ” ဖြစ်ပါတယ်။ အဓိပ္ပါယ်က.. ငါဟာ ဒီငရဲမှ လွတ်ပြီး လူ့ဘ၀ကို ရတဲ့အခါ အလှူခံပုဂ္ဂိုလ်တို့ရဲ့စကားကို သိနားလည်ကာ သီလပြည့်စုံစွာနဲ့ ကုသိုလ်ကောင်းမှုတို့ကို များစွာပြုလုပ်တော့ မယ်”။ ဒါဟာ ဒု သ န သော ဆိုတဲ့စကားလုံးရဲ့ အဓိပ္ပါယ်အကျယ်ဖြစ်ပါတယ်။
(ဓမ္မပဒအဋ္ဌကထာ၊ဗာလ၀ဂ်၊ အညတရပုရိသ၀တ္ထု)
ဦးကောဝိဒ(မြိတ်) http://venkawwida.com/မှ
No comments:
Post a Comment