ဒီမေးဖြေကို ဦးဇင်းဆိုဒ်မှာရော တခြားဆိုဒ်မှာရော၊ ဂျာနယ်မှာပါ တင်ပြပေးပြီးသားပါ။ ဒါပေမဲ့ အပိုင်း(၄)ပိုင်းထိ ခွဲတင်ပြထားတာဆိုတော့ အားလုံးက မဆက်စပ်မိလို့လား မသိဘူး။ ခဏခဏ သေခါနီးမှာ ဘာလုပ်ရမလဲလို့ ပြန်မေးနေကြတာကြောင့် ပြန်လည်ပေါင်းစု တင်ပြပေးလိုက်ပါတယ်။
မေး။ ။ တပည့်တော် ငယ်ငယ်ကတည်းက သိချင်တာလေးတွေရှိပါတယ်ဘုရား။ နည်းနည်းလေး ကြီးတော့လည်း စာအုပ်တွေထဲမှာ ရှာဖတ်ပေမယ့် နားမလည်နိုင်ဘူးဘုရား။ လူတစ်ယောက်က သေခါနီးမှာ သူလုပ်ဖူးတဲ့ ကောင်းမှုတွေကို မြင်ယောင်ပြီး သေသွားရင် ကောင်းရာသုဂတိ လားတယ်လို့ ပြောကြတယ်ဘုရား။ ဒါဆို သူလုပ်ခဲ့တဲ့မကောင်းမှုတွေကရော ဘယ်တော့မှ ခံရမှာလဲဘုရား။ဖြေ။ ။ ဒီမေးခွန်းလေးကလည်း သိသလိုလိုနဲ့ ယောင်းဝါးဝါးဖြစ်တတ်ပါတယ်။ ဒီအကြောင်းအရာများဟာ အလွန်အင်မတန် သေချာကျနစွာ သိထားသင့်ပါတယ်။ ဘာဖြစ်လို့လဲဆိုတော့ လူသားတွေရဲ့ ဘ၀ဖြတ်သန်းမှုနဲ့ဆိုင်လို့ပါ။ ဦးဇင်းကိုယ်တိုင်တောင် ငယ်ငယ်က ဒီအကြောင်းအရာများကို ၀ါးတားတား ဖြစ်ခဲ့ပါတယ်။ ခု နောက်ပိုင်းကျမှ စာအုပ်တွေဖတ်၊ ဉာဏ်မှီသလောက် စဉ်းစားတွေးခေါ်ကြည့်မှ အတော်အတန် နားလည်လာပါတယ်။ အဲဒါကြောင့် လူသားအားလုံး သိရှိနားလည်ထားကြရန်အတွက် ရေးသားတင်ပြပေးလိုက်ပါတယ်။
သတ္တ၀ါမှန်သမျှ ဘ၀ကိုလိုချင်တပ်မက်တဲ့ လောဘတဏှာရှိနေသမျှ၊ ဘ၀ကုန်ဆုံးရာ လမ်းကြောင်းမှန်ကိုသိပြီး ဘ၀တစ်ဖန် မဖြစ်လာအောင် အားမထုတ်ထားသေးသမျှ တစ်ဘ၀မှတစ်ဘ၀သို့ ကူးပြောင်းဖြစ်နေကြရဦးမှာပါ။ တချို့က ဘ၀ဆိုတာ ဒီဘ၀သေရင် နောက်ဘ၀မဖြစ်တော့ဘူးလို့ အယူရှိကြပါတယ်။ အဲဒီလိုအယူရှိသူများဟာ လူဝင်စားများကို မမြင်မကြားလို့ အကြောင်းတရား အကျိုးတရားတို့ တစ်ခုနှင့်တစ်ခု ဆက်စပ်နေတာကို သေချာကျနစွာ နားမလည်ထားသေးလို့ပါ။
လူတစ်ယောက် သို့မဟုတ် သတ္တ၀ါတစ်ဦးဟာ ဘ၀တစ်ခုမှ တစ်ခုသို့ ပြောင်းလဲတဲ့အခါ သေခါနီးကာလတွင် ကံ၊ ကမ္မနိမိတ်၊ ဂတိနိမိတ် (၃)မျိုးအနက် တစ်မျိုးမျိုးပေါ်ကာ နောက်ဘ၀သစ်သို့ ပြောင်းလဲသွားပါတယ်။ စိတ်ရဲ့ဖြစ်စဉ်ဟာ အင်မတန်မြန်တာကြောင့် အဲဒီနိမိတ်တွေဖြစ်ဖို့ သီးသန့်စောင့်ဆိုင်းပေးနေချိန်ရယ်လို့ မရှိပါဘူး။ ကားတိုက်လို့၊ ဓါးထိုးခံရလို့၊ ဗုံးမှန်လို့စတဲ့ ချက်ချင်းသေနိုင်တဲ့ပုဂ္ဂိုလ်များသော်မှလည်း ထိုနိမိတ်(၃)မျိုးတွင် တစ်ခုခုတော့ ဖြစ်ကြပါတယ်။
စိတ်ရဲ့လျင်မြန်မှုဟာ ဘယ်လောက်ဝေးတဲ့နေရာကိုဖြစ်စေ အာရုံပြုနိုင်ပါတယ်။ နီးတဲ့နေရာလည်း ချက်ချင်းရောက်နိုင်သလို ဝေးတဲ့နေရာကိုလည်း ချက်ခြင်းရောက်နိုင်တာဟာ စိတ်ရဲ့လျင်မြန်မှုပဲ ဖြစ်ပါတယ်။ တစ်ဘ၀မှ တစ်ဘ၀ပြောင်းသို့ ပြောင်းလဲသွားတယ်ဆိုတာ မျက်မှောက်ဘ၀မှာရှိတဲ့ ရုပ်တရားနာမ်တရားတွေ ပျက်ကာ ဘ၀သစ်ကို ရုပ်သစ်စိတ်သစ် သွားဖြစ်တာပါ။ ရုပ်တရားနာမ်တရားတွေဟာ ဖြစ်လိုက်ပျက်လိုက် အမြဲလုပ်နေကြပါတယ်။ အဲဒါကြောင့် ယခုဘ၀ရုပ်နာမ်တွေ ပျက်ပြီးတာနဲ့တပြိုင်နက် ဘ၀သစ်ကူးကာ ရုပ်နာမ်သစ်တွေ ချက်ချင်းတန်းဖြစ်ကြပါတယ်။ အဲဒီလို ရုပ်နာမ်သစ်တွေ ဖြစ်တဲ့အခါမှာ သူသီးသန့်ချည်း ဖြစ်တာမဟုတ်ဘဲ အရင်ဘ၀ဟောင်းက ပျက်သွားခဲ့တဲ့ရုပ်နာမ်တွေရဲ့ အထောက်အပံ့နဲ့ ဖြစ်လာကြတာပါ။ ဒါကြောင့် ဘ၀သစ်ဖြစ်တယ်ဆိုတာ ရုပ်သစ်နာမ်သစ်ချည်း ဖြစ်တာမဟုတ်သလို ဘ၀ဟောင်းက ရုပ်နာမ်တွေ ပါလာတာလည်း မဟုတ်ပါ။
ဥပမာ-ကျောက်လှိုင်ဂူထဲမှာ အော်လိုက်တဲ့အခါ မိမိအော်သံဟာ နံရံကိုရိုက်ခတ်ကာ အသံတစ်ခုပြန်လည်ပေါ်လာပါတယ်။ အဲဒီပေါ်လာတဲ့အသံဟာ မိမိရဲ့အသံလားဆို မိမိအသံမဟုတ်သလို မိမိရဲ့မူရင်းအသံနဲ့ကင်းပြီး အဲဒီအသံဖြစ်လာတာလည်း မဟုတ်ပါဘူး။ အဲဒီလိုပဲ သတ္တ၀ါတစ်ဦး ယခုဘ၀သေလွန်ပြီး ရုပ်နာမ်တရားများ ချုပ်သွားသွားပြီးတဲ့နောက် ဘ၀သစ်မှာ ဆက်တိုက်ရုပ်နာမ်သစ်တွေ ဖြစ်ပါတယ်။ အဲဒီရုပ်နာမ်တရားများဟာ ဘ၀ဟောင်းက ရုပ်နာမ်တရားလည်း မဟုတ်သလို ဘ၀ဟောင်းက ရုပ်နာမ်တရားနဲ့လည်းကင်းပြီး ဖြစ်လာတာ မဟုတ်ပါဘူး။ သူ့ဘ၀ဟောင်းက ရုပ်နာမ်တရားကြောင့် အခုဘ၀သစ်မှာ ရုပ်နာမ်သစ် ဖြစ်လာရခြင်းပါ။ တကယ်လို့မိမိက ရုပ်နာမ်တရားတွေ မဖြစ်နိုင်အောင် ဘ၀တွေကို လိုချင်တဲ့အ၀ိဇ္ဇာ၊ တဏှာစတဲ့ ကိလေသာများ ပယ်သတ်နိုင်မယ်ဆိုရင်တော့ ရုပ်နာမ်သစ်တွေ ဖြစ်လာမှာမဟုတ်တော့ပါဘူး။
တချို့က လူတစ်ယောက်သေရင် (၇)ရက်မကျွတ်ဘဲ အိမ်ပတ်ဝန်းကျင်မှာ နေသေးတယ်လို့ ထင်နေကြပါတယ်။ အဲဒီလိုနေနိုင်တဲ့ပုဂ္ဂိုလ်ကလည်း တစ်ခုခုဆွဲသေသွားပြီး ပြိတ္တာဖြစ်တဲ့ပုဂ္ဂိုလ်များမှသာ ကောင်းမှုကုသိုလ်ကို သာဓုခေါ်ရန် စောင့်နေတတ်ပါတယ်။ အရင်ဘ၀က သေခါနီးကာလမှာ တစ်ခုခုကိုစွဲပြီးသေသွားသူများတဲ့သူများဟာ ပြိတ္တာဘုံသို့ ရောက်ကြတာများပါတယ်။ ကုသိုလ်ကောင်းမှုရှိတဲ့ပုဂ္ဂိုလ်များပင်ဖြစ်သော်လည်း အစွဲလမ်းနဲ့သေရင် ပြိတ္တာဘုံဖြစ်ပြီး ဆင်းရဲဒုက္ခ ခံစားရပါတယ်။ ကောင်းမှုကုသိုလ်ရှိတဲ့သူများဟာ မိမိ၏ဆွေမျိုးသားချင်း သူငယ်ချင်းများက ကောင်းမှုလုပ်ပြီး အမျှဝေရင် သာဓုခေါ်လိုက်တာနဲ့ အရင်ဘ၀ကလုပ်ခဲ့တဲ့ ကောင်းမှုကံကြောင့် နတ်ဘုံသို့ ရောက်သွားပါတယ်။ ကောင်းမှုလည်းမရှိဘဲနဲ့ သေသွားပြီး ပြိတ္တာဘုံဖြစ်ရင်တော့ သာဓုခေါ်ရုံဖြင့် ဘ၀ပြောင်းမသွားနိုင်ပါ။ အစားအစာ အ၀တ်အစား နေစရာများ ပြည့်စုံရုံသာ ရရှိပါလိမ့်မယ်။
လူတစ်ယောက်သေပြီး မိမိအိမ်ပတ်ဝန်းကျင်မှာဖြစ်စေ၊ မိမိအိမ်အတွင်းမှာဖြစ်စေ သေသွားသူရဲ့ အတ္တ၀ိညာဉ်လေး (၇)ရက်နေတယ်ဟု ယူဆသူများဟာ မိမိခန္ဓာကိုယ်ထဲမှာ အတ္တ၀ိညာဉ်ကောင်ရှိတယ်လို့ ယူဆနေကြတဲ့ အတ္တ၀ါဒများသာ ဖြစ်ပါတယ်။ စာရေးသူတို့ မြတ်ဗုဒ္ဓဟာ အနတ္တ၀ါဒဖြစ်တာမို့ မည်သည့်အရာမျှ မြဲမြံတည်ရှိနေတယ်ဆိုတာ မရှိပါဘူး။ ရုပ်တရားနာမ်တရားတွေ ဒီလောက်လျင်မြန်စွာ ဖြစ်လိုက်ပျက်လိုက်ဖြစ်နေတဲ့ ခန္ဓာကိုယ်ကြီးထဲမှာ ဘယ်လိုလုပ်အတ္တကောင်က ရှိနေနိုင်ပါ့မလဲ။
ဒီဘ၀သေရင် နောင်ဘ၀ဆိုတာ မရှိဘူးလို့ အယူရှိကြတဲ့လူတွေအား (၂)နှစ်သားအရွယ်လောက်ထိ မိမိဖြစ်ခဲ့တဲ့ ဘ၀ဟောင်းကို ပြန်လည်မှတ်မိနေတဲ့ ကလေးများနဲ့သက်သေပြရပါမယ်။။ အဲဒီကလေးများဟာ အရင်ဘ၀က မိမိခံစားခဲ့ရတဲ့ ဒုက္ခကိုစွဲလို့ဖြစ်စေ၊ မိမိပစ္စည်းဥစ္စာများကို အမှတ်သင်္ကေတကြီးစွာနဲ့ ထားခဲ့တာကို စိတ်စွဲခဲ့လို့ဖြစ်စေ၊ သမာဓိအားကောင်းအောင် ကြိုးစား အားထုတ်ခဲ့လို့ဖြစ်စေ အသိဉာဏ်အားကောင်းချိန် ကလေးဘ၀မှာ သူတို့အရင်ဘ၀က အဖြစ်အပျက်များကို ပြန်လည်ပြောပြနိုင်ကြပါတယ်။ ဒါပေမဲ့ အသိဉာဏ်အားနည်းလာတဲ့ အသက်ကြီးသောအရွယ်တွင် ပြန်လည်မပြောပြနိုင်တော့ပါ။ မွေးကတည်းက သေသည်အထိ မိမိဖြစ်ခဲ့တဲ့ဘ၀ကို ဇာတိဿရဉာဏ်ရရှိသူများသာ ပြန်လည်ပြောပြပေးနိုင်ပါတယ်။
တစ်ဘ၀မှတစ်ဘ၀သို့ပြောင်းတဲ့ခါ စိတ်ဟာချက်ခြင်းဆက်တိုက်ဖြစ်နေတဲ့အတွက် ယခုဘ၀က ချုပ်ပျက်ပြီးတာနဲ့တစ်ပြိုင်နက် နောက်ဘ၀မှာ ဆက်တိုက်စိတ်သစ်ရုပ်သစ်တွေ သွားဖြစ်ပါတယ်။ ကြားကာလရယ်လို့ သီးသန့်မရှိပါဘူး။ ဘာဖြစ်လို့လဲဆိုတော့ စိတ်တရား ရုပ်တရားတို့ရဲ့ ပြောင်းလဲမှု ဖြစ်ပျက်မှုတွေဟာ လျင်မြန်လွန်လို့ ဖြစ်ပါတယ်။ ရုပ်တရားရဲ့ ဖြစ်ပျက်မြန်မှုကို ၀ိပဿနာမရှု့လို့ မသိရင်တောင်မှ စိတ်တရားရဲ့ လျင်မြန်မှုကိုတော့ လူတိုင်းသိကြမယ်ထင်ပါတယ်။ အဲဒီလို မြန်ဆန်လှတဲ့ စိတ်တရားရုပ်တရားတွေမှာ ဘယ်လိုလုပ်ကြားကာလရယ်လို့ ရှိနိုင်ပါမလဲ။
တကယ်တော့ သတ္တ၀ါတစ်ဦး ဘ၀ပြောင်းတယ်ဆိုတာ မိမိတို့ ခုနှစ်သက္ကရာဇ်တွေပြောင်းသလို ချက်ခြင်းပြောင်းလဲနေတာပါ။ (၂၀၁၀)ဒီဇင်ဘာ(၃၁)ရက်နေ့ ည(၁၂)နာရီကျော်လွန်သွားလို့ (၂၀၁၁)ဖြစ်သွားသလို တစ်ဘ၀က ရုပ်နာမ်တရားတွေကုန်လို့ နောက်ဘ၀သစ်ရုပ်နာမ်တရားတွေ ဆက်ဖြစ်သွားတာပါ။ (၂၀၁၀)ကနေ (၂၀၁၁)လို့ ပြောင်းလဲသွားသလို လူ့ဘ၀ကနေ နတ်ဘ၀ သို့မဟုတ် အပါယ်ဘ၀တစ်ခုခုသို့ ပြောင်းလဲသွားခြင်းပါ။ (၂၀၁၀)မှာလည်ပတ်နေတဲ့ အချိန်ကာလဟာ ကြားကာလရပ်နားမှုမရှိဘဲ ပြောင်းလဲသွားသလို ရုပ်တရားနာမ်တရားတွေဟာလည်း အရင်ဘ၀ကပျက်ပြီးတာနဲ့ ကြားကာလမရှိဘဲ အသစ်တစ်ဖန် ဆက်တိုက်ဖြစ်သွားပါတယ်။
ဒါကြောင့်လည်း ရဟန်းတစ်ပါးဟာ တရားအားထုတ်ရင်း ပျံလွန်တော်မူသွားတဲ့အခါ နတ်ပြည်ကိုရောက်ပြီး နတ်သားသွားဖြစ်တာကို မသိရှာခဲ့တာပါ။ သူကတော့ နတ်ပြည်မှာ နတ်သားဖြစ်နေသော်လည်း တရားကတော့ ထိုင်လျက်ပါပဲတဲ့။ လူ့ပြည်က ထိုင်းလျက်သေသွားခြင်းကြောင့် နတ်ပြည်မှာလည်း ထိုင်လျက်ပဲ နတ်သားဖြစ်နေပါတယ်။ သူတရားထိုင်နေတာကို နဘေးနတ်သမီးတွေက ထူးဆန်းဖြစ်ကာ ဒီနတ်သားဟာ ဘယ်လိုလဲ။ နတ်ပြည်လာပြီး မပျော်ပါးဘဲနဲ့ တရားထိုင်နေပါလားဆိုပြီး သူနားမှာ ပူညံပူညံလုပ်နေကြပါတယ်။ အဲဒီလို နတ်သမီးတွေသူနားမှာ ပူညံလုပ်နေတာကို နတ်သားကတော့ တရားအားထုတ်ရင်း စိတ်ထဲမှာ ဘုန်းကြီးကျောင်းကိုလာတဲ့ ဒကာမတွေ စကားပြောနေတာလို့ ထင်နေပါတယ်။ နောက်ဆုံး နတ်သမီးတွေက သူ့ရှေ့မှာ မှတ်တစ်ချက်ထောင်ပြပြီး မျက်လုံးလေးဖွင့်ကြည့်လိုက်ပါဦးလို့ ပြောတဲ့အခါကျမှ သူ့ကိုယ်သူ ရဟန်းဘ၀ကနေ နတ်သားဘ၀ဖြစ်နေတာပါလားလို့ သိသွားပါတယ်။ အဲဒါကို ကြည့်မယ်ဆိုရင် သတ္တ၀ါတွေတစ်ဘ၀မှတစ်ဘ၀သို့ ပြောင်းတဲ့အခါ စိတ်တရားရုပ်တရားတွေဟာ ဆက်တိုက်လိုက်ဖြစ်ပျက်နေတယ်ဆိုတာ သိသာပါတယ်။ ဒီလောက်ဆို ဘ၀ပြောင်းတဲ့ခါ စိတ်တရားရုပ်တရားတွေရဲ့ လျင်မြန်စွာ ဆက်တိုက်ဖြစ်ပျက်နေမှုကို သိလောက်မယ်ထင်ပါတယ်။
ဦးဇင်းတို့ဗုဒ္ဓဘာသာရဲ့ ရည်မှန်းချက်ပန်းတိုင်းဟာ အဲဒီဖြစ်ပျက်နေတဲ့စိတ်တရား ရုပ်တရားတွေ ရပ်တန့်သွားရာနိဗ္ဗာန်ကိုရောက်ဖို့ပါ။ ဒါကို လူတွေက ယခုရနေတဲ့ဘ၀ကနေ နောက်ဘ၀ကိုကူးပြောင်းရမှာ ကြောက်နေကြပါတယ်။ တကယ်တော့ မိမိတို့ဟာ ရုပ်တရားစိတ်တရားတွေကို ဖြစ်စေတတ်တဲ့ ဘ၀ကိုလိုချင်မှု လောဘ၊ ဖြစ်လာတဲ့ဘ၀ကို နှစ်သက်တွယ်တာမှုဖြစ်ပြီး အမှန်တရားကို မမြင်အောင် ဖုံးကွယ်ထားတဲ့ အ၀ိဇ္ဇာတရားတို့ ကင်းရှင်းအောင် လုပ်ရမှာပါ။ အဲဒီလို သစ္စာတရားသိရှိအောင် အားမထုတ်ထားသေးသမျှ ဘ၀တွေဟာ ဖြစ်နေဦးမှာပါ။ အဲဒီတော့ မိမိတို့က တကယ် သေရမှာကြောက်တယ်ဆိုရင် အဝိဇ္ဇာအစရှိတဲ့ကိလေသာတရားတွေကို သစ္စာတရားနဲ့ ပယ်သတ်နိုင်အောင် ကြိုးစားရမှာပါ။ ဒီဘ၀တစ်ခုတည်းသာ သေရမှာမဟုတ်တဲ့အတွက် ဒီဘ၀လေးပဲ သေရမှာကြောက်မနေကြဘဲနဲ့ အမြဲမသေရအောင် ကြိုးစားအားထုတ်ရပါလိမ့်မယ်။
သတ္တ၀ါတစ်ဦး သေခါနီးကာလမှာ နိမိတ်(၃)မျိုးတွင် တစ်မျိုးမျိုးပေါ်ပြီး ဘ၀ပြောင်းကြပါတယ်။ အဲဒီသေခါနီးကာလမှာ ပေါ်လာတဲ့နိမိတ်(၃)မျိုးကတော့ ကံနိမိတ်၊ ကမ္မနိမိတ်၊ ဂတိနိမိတ်တို့ပဲ ဖြစ်ပါတယ်။ ထို(၃)မျိုးတွင် ကံနိတ်မိတ်ဆိုသည်မှာ ယခုဘ၀အတိတ်ကပြုလုပ်ခဲ့တဲ့ ကောင်းကံမကောင်းကံနှင့် အရင်အရင်ဘ၀တွေက မိမိပြုလုပ်ခဲ့တဲ့ ကောင်းကံမကောင်းကံတွေကို မြင်မိတာပါ။
ဥပမာ-မိမိစိတ်ထဲမှာ မိမိလုပ်ခဲ့တဲ့ ကောင်းမှုကုသိုလ်များကို ပြန်လည်အာရုံပြုမိနေတာ၊ မေတ္တာပို့မိနေတာ၊ ဘုရားဂုဏ်တော်ပွားများမိနေတာ၊ ၀ိပဿနာအားထုတ်နေမိတာစတဲ့ ကုသိုလ်အာရုံများ ပေါ်နေနိုင်သလို ပစ္စည်းဥစ္စာအပေါ် စွဲလမ်းနေတာ၊ သားသမီးစတဲ့သံယောဇဉ်များပေါ် စွဲလမ်းနေမိတာစတဲ့ အကုသိုလ်စိတ်များလည်း ဖြစ်ပေါ်နေနိုင်ပါတယ်။
ကမ္မနိမိတ်ဆိုတာက မိမိမျက်မှောက်မှာဖြစ်စေ၊ အတိတ်ကဖြစ်စေ ပြုလုပ်ခဲ့တဲ့ သက်ရှိ၊ သက်မဲ့အရာဝတ္ထုတွေကို မြင်မိတာပါ။ ဥပမာ-မိမိပြုလုပ်ခဲ့တဲ့ ကျောင်းအလှူ၊ တံတားအလှူ၊ ဘုရားစေတီအလှူစတဲ့ ကုသိုလ်နိမိတ်တွေဖြစ်ပေါ်နိုင်သလို သူတစ်ပါးအသက်ကို သတ်ခဲ့တာ၊ သူတစ်ပါးကို ညှင်းပန်းနှိပ်စက်ခဲ့တာ၊ သူတစ်ပါးပစ္စည်းကို ခိုးခဲ့တာ၊ သူတစ်ပါးသားမယားကို ပြစ်မှားမိခဲ့တာစတဲ့ အကုသိုလ်နိမိတ်တွေ ဖြစ်ပေါ်နေနိုင်ပါတယ်။
ဂတိနိမိတ်ဆိုတာကတော့ မိမိဘ၀ကူးတဲ့အခါ ရောက်ရှိခံစားရမဲ့ ဘုံဌာနသတ္တ၀ါတွေကို အာရုံထင်တာပါ။ ဥပမာ-လူ့ဘ၀ရောက်မဲ့သူဆို မိခင်ဝမ်းတွင်း၊ တိရစ္ဆာန်ဖြစ်မဲ့သူဆို တိရစ္ဆာန်အကောင်ပုံ၊ နတ်ဖြစ်မဲ့သူဆို နတ်ဘုံနတ်သား၊ ငရဲကျမဲ့သူဆို ငရဲဘုံဆင်းရဲများ၊ ပြိတ္တာအသူရကာယ်ဖြစ်မဲ့သူဆို တောတောင်ချိုင့်ဝှမ်းတွေ ပြိတ္တာပုံစံတွေကို မိမိအာရုံမှာ လာပေါ်နေပါတယ်။
ပုဂ္ဂိုလ်တစ်ဦးတစ်ယောက်ဟာ သေခါနီးမှာ နိမိတ်(၃)မျိုးထဲက တစ်ခုခုကိုမြင်ပြီး သူမြင်ရာအလိုက် ဘ၀ပြောင်းလဲ ဖြစ်သွားရပါတယ်။ ကုသိုလ်နိမိတ်တစ်ခုခုကိုမြင်ရရင်တော့ အဲဒီလူဟာ ကောင်းတဲ့လူပြည်၊ နတ်ပြည်၊ ဗြဟ္မာ့ပြည်ကို ရောက်ရှိမှာ သေချာပါတယ်။ မကောင်းတဲ့နိမိတ်မြင်ရရင်တော့ အဲဒီလူဟာ မကောင်းတဲ့ အပါယ်လေးပါးကို ကျရောက်မှာ သေချာပါတယ်။
သေခါနီးကာလမှာ များသောအားဖြင့် နောက်ဆုံးပြုလုပ်တဲ့ ကောင်းမှု၊မကောင်းမှုကို အာရုံထင်ကြတာ များပါတယ်။ ကုသိုလ်နေ့စဉ်ပြုလုပ်သောပုဂ္ဂိုလ်ဟာ ကုသိုလ်ဆိုင်ရာ နိမိတ်များ မြင်တတ်သလို မကောင်းမှုတွေ အမြဲပြုလုပ်ပြီး မကောင်းမှုကိုပဲ အာရုံစိုက်ခဲ့တဲ့ပုဂ္ဂိုလ်ကတော့ မကောင်းတဲ့နိမိတ်တွေကို မြင်လာမိမှာ သေချာပါတယ်။
ဒါပေမဲ့ အသက်ထွက်ရန် အချိန်အနည်းငယ်ရတဲ့ပုဂ္ဂိုလ်ကို သူ့အနီးအနားမှာရှိတဲ့ပုဂ္ဂိုလ်များက မကောင်းတဲ့နိမိတ်မထင်ဖို့ရန် ကောင်းမှုလေးပြုပေးကာ ကောင်းတဲ့စိတ်ဖြစ်အောင် လုပ်ပေးလို့ ရပါတယ်။ ဥပမာ-အသက်ထွက်ခါနီးလူရှေ့မှာ ဘုရားစာရွတ်ပေးတာ၊ တရားနာခိုင်းတာ၊ ကောင်းမှုလုပ်ပြီး ဒါဟာ မင့်အတွက် လုပ်ပေးတာမို့ သာဓုခေါ်ကာ ၀မ်းမြှောက်ပေးပါ၊ ဒါလေးကို အာရုံပြုပြီး လှူပေးပါ။ စိတ်ထဲမှာ မကောင်းတာကို အာရုံမပြုဘဲနဲ့ ကောင်းတဲ့အာရုံကိုပဲ ပြုပေးပါစတာတွေ ပြောဆိုလုပ်ကိုင်ပေးမည်ဆိုရင် အသက်ထွက်ခါနီးပုဂ္ဂိုလ်ဟာ ထိုကောင်းမှုစိတ်လေး အာရုံပြုရင်းသေသွားပါက ကောင်းတဲ့ဘုံ ရောက်သွားနိုင်ပါတယ်။
သေခါနီးမှ ကောင်းမှုလုပ်လိုက်လို့ ကောင်းတဲ့ဘုံကို အကျိုးပေးတဲ့ပုဂ္ဂိုလ်ဟာ အရင်က မကောင်းတာတွေပဲ လုပ်ခဲ့တဲ့ပုဂ္ဂိုလ်ဆိုရင်တော့ ခဏတာသာ ကောင်းတဲ့ဘုံကိုရောက်ပြီး သူမကောင်းကျိုးများကို ပြန်လည်ခံစားရပါမယ်။ ဥပမာ-သေခါနီးမှာ ကောင်းမှုလုပ်ပြီး ကောင်းတဲ့အာရုံကြောင့် လူပြည်ရောက်သွားသော်လည်း အဲဒီပုဂ္ဂိုလ်ဟာ အရင်က မကောင်းတာတွေပဲ လုပ်ခဲ့ရင် လူဖြစ်ပြီး လူချင်းမတူတဲ့ စွံ့အနားမကြား၊ ဒုက္ခိတ၊ ရောဂါများခြင်း၊ မွေးပြီးခဏသေခြင်း၊ ဆင်းရဲနုံခြာတဲ့ဘ၀ဖြစ်ခြင်း၊ ဉာဏ်ထိုင်မှိုင်ခြင်းစတဲ့ မကောင်းကျိုးများကို ခံစားရပါလိမ့်မယ်။ လူပြည်မဟုတ်ဘဲ နတ်ပြည် ရောက်သွားရင်လည်း နတ်ခြင်းမတူဘဲ စည်းစိမ်းနည်းပါးခြင်း၊ အခြံအရံနည်းပါးခြင်း၊ ရုပ်ရေနုံခြာခြင်းစတဲ့ မကောင်းကျိုးများကို ခံစားရပါမယ်။
တချို့က အထင်မှားနေကြတဲ့အယူလေးတွေလည်း ရှိပါသေးတယ်။ ဘာဖြစ်လို့ သေခါနီးမှလုပ်တဲ့ကုသိုလ်က အရင်အကျိုးပေးသလဲ၊ သေခါနီးမှ ကောင်းမှုလုပ်ရင် အဲဒီပုဂ္ဂိုလ်ဟာ ကောင်းတဲ့ဘုံရောက်တယ်ဆိုတော့ သေခါနီးမှလုပ်မယ်လို့ စိတ်ကူးကြသူများလည်း တွေ့ရပါတယ်။ သေခါနီးမှ ကောင်းမှုလုပ်လို့ ကောင်းတဲ့ဘုံကိုအကျိုးပေးသော်လည်း မိမိသေခါနီးတွင် ကောင်းမှုလုပ်ဖို့ရန် ဘယ်လိုသေခြင်းမျိုးနဲ့ သေမလဲဆိုတာ မသိနိုင်ပါ။ ဥပမာ-ရုတ်တရက်သေသွားနိုင်တဲ့ သေခြင်းများနဲ့သေသွားရင် ဘယ်မှာကောင်းမှုလုပ်နိုင်မလဲ၊ မိမိဘယ်ချိန်ဘယ်နေရာ ဘယ်လိုလူမျိုးတွေရှေ့မှာ သေရမယ်ဆိုတာရော ဘယ်သူကကြိုတင်သိနိုင်မလဲဆိုတာတွေ ရှိသေးသည့်အတွက် မသေခင် အသက်ရှင်နေတုန်းမှာ ကောင်းမှုများကို နေ့စဉ်လုပ်ပြီး မိမိစိတ်မှာ ကုသိုလ်အာရုံများဖြင့် ပျော်မွေ့နေအောင် လုပ်ပေးရပါမယ်။
မိမိတို့ဟာ ယခုလူ့ဘ၀ရနေလို့ ယခုဘ၀အတွက် သိပ်ပူပန်စရာမလိုတော့ပါ။ အနာဂတ်ဖြစ်လာမဲ့ ဘ၀တွေကောင်းဖို့ကိုသာ အဓိကထားလုပ်ပေးရပါမယ်။ မျက်မှောက်တစ်ဘ၀ကောင်းစားဖို့နဲ့ ရှေ့ဆက်ဖြစ်ရမဲ့ဘ၀ပေါင်းများစွာ ကောင်းစားဖို့တို့ကို နှိုင်းယှဉ်ကြည့်ကာ ဘယ်အရာက ပိုအရေးပါသလဲ ဘယ်အတွက်ကို အဓိကထားလုပ်ပေးရမလဲဆိုတာ စဉ်းစားပြီးမကောင်းမှုများကို ဒီဘ၀အတွက်နဲ့တော့ မလုပ်ဘဲနဲ့ကောင်းမှုများကိုသာ အနာဂတ်ဘ၀များစွာအတွက် ကောင်းဖို့ရန် လုပ်ပေးကြဖို့ အဓိကလိုအပ်ပါပေတယ်။
နောက်ဆုံးသေခါနီးမှပြုလုပ်တဲ့ကုသိုလ်ဟာ အဘယ့်ကြောင့်အရင်အကျိုးပေးသလဲဆိုရင် သေခါနီးပုဂ္ဂိုလ်ရဲ့စိတ်ဟာ ယုံကြည်မှုအပြည့်နဲ့ပြုလုပ်တဲ့အတွက်ကြောင့် ဖြစ်ပါတယ်။ ထို့ပြင် သဘာဝတရားနဲ့ကြည့်မယ်ဆိုရင်လည်း နောက်မှလုပ်တဲ့အလုပ်ဟာ အရင်အကျိုးပေးတတ်တဲ့ သဘောကြောင့်လည်း ပါပါတယ်။
ဥပမာ-နွားခြံထဲမှာ နွားသွင်းတဲ့အခါ ငယ်ရွယ်ပြီးခွန်အားရှိတဲ့ နွားကလေးများဟာ အိုမင်းရင့်ရော်နေတဲ့ နွားကြီးများကို တိုးဝှေ့ပြီး ရှေ့ကနေ အရင်ဝင်နေကြတဲ့အခါ နွားအိုကြီးများဟာ နောက်ဆုံးမှဝင်ရတာကြောင့် နွားခြံတံခါးဝသာ နေရာရတတ်ပါတယ်။ သို့သော် နွားခြံအပြင်သို့ ထွက်ရတဲ့အခါ နောက်မှဝင်ရတဲ့ နွားအိုကြီးများက အရင်ထွက်ကြရပါတယ်။ အဲဒီဥပမာလိုပဲ ဘ၀ဟောင်းမှ ဘ၀သစ်သို့ ပြောင်းလဲတော့မဲ့အချိန်တွင် သေခါနီးမှလုပ်တဲ့ကုသိုလ်က ရှေးကနေအရင်အကျိုးပေးလိုက်တာပါ။
တချို့က အဖေမုဆိုးသားသတ်သမားကြီးကို သားဖြစ်သူရဟန္တာက ကောင်းမှုလုပ်ပေးလို့ မုဆိုးကြီးနတ်ပြည်ရောက်သွားတဲ့ တရားဇာတ်လမ်းဖတ်ပြီး သံသယဖြစ်နေကြတာ တွေ့ရပါတယ်။ မုဆိုးကြီးဟာ သေခါနီး(၁)လလောက်အလိုမှ သားဖြစ်သူရဟန္တာမထေရ်ထံ ရောက်လာပြီး ရဟန်းဝတ်ကာ တရားအားထုတ်ခဲ့ပါတယ်။ သေခါနီးနောင်တတရားရလို့ တရားအားထုတ်သော်လည်း သူလုပ်ခဲ့အကုသိုလ်တွေများတာကြောင့် အဲဒီအကုသိုလ်တွေကိုပဲ စိတ်ကအာရုံရောက်ပြီး အကုသိုလ်တရားတွေက သူကိုလာခြောက်နေသလိုဖြစ်နေတဲ့အတွက် မုဆိုးရဟန်းကြီး တရားအားထုတ်လို့ မရရှာပါဘူး။
ဒီလိုနဲ့ သေခါနီးလည်းရောက်ရော မုဆိုးကြီးဟာ မကောင်းတဲ့နိမိတ်ဖြစ်တဲ့ ခွေးဆွဲတာတွေ ခွေးကြီးတွေလိုက်နေတာတွေမြင်ပြီး အော်ဟစ်နေပါတယ်။ အဲဒီအခါမှာ သားဖြစ်သူရဟန်းက အင်း-ငါ့ခမည်းတော်တော့ သူလုပ်ခဲ့တဲ့မကောင်းမှုအကုသိုလ်တွေကြောင့် မကောင်းတဲ့နိမိတ်တွေမြင်ကာ အပါယ်ကိုသွားရတော့မှာပဲ။ ငါလို သားရဟန်းတစ်ပါးရှေ့မှာ ဒီလိုမကောင်းတဲ့နိမိတ်တွေမြင်ပြီး အပါယ်ကိုမသွားရအောင် ငါလုပ်ပေးမှဖြစ်မယ်ဆိုပြီး သားရဟန်းက သူဖခင်မုဆိုးကြီးကို စေတီရင်ပေါ်သို့မရွေ့ပြီး ပန်းများရှာပေးကာ ဖခင် ဒီပန်းများဟာ ဖခင်အတွက် ပူဇော်ပေးခြင်းဖြစ်ပါတယ်။ ဖခင် ပန်းများကို မြတ်ဗုဒ္ဓအား ပူဇော်နေတယ်လို့ အာရုံပြုပေးပါလို့ ပြောလိုက်တဲ့အခါ မုဆိုးကြီးအာရုံပြုလုပ်တဲ့အတွက်ကြောင့် ကုသိုလ်စိတ်ဖြစ်ကာ နတ်ပြည်မှ နတ်သမီးလာခေါ်တဲ့ ကောင်းတဲ့နိမိတ်မြင်ပြီး နတ်သားသွားဖြစ်ပါတယ်။
ခဏတာဘုရားလှူတဲ့ အာရုံလေးပြုမိတာနဲ့ ကောင်းတဲ့နတ်ပြည်ကိုရောက်သွားတဲ့ မုဆိုးကြီးကိုကြည့်ပြီး လူတချို့က ကောင်းကံမကောင်းကံတို့ရဲ့ အကျိုးပေးကို သံသယမရှင်း ဖြစ်နေကြတာပါ။ အဲဒါကို ရှင်းပြပေးချင်လို့လည်း ဒီပို့စ်ကို ပြီးအောင် ရေးလိုက်တာ။ တကယ်တော့ မုဆိုးကြီးဟာ နောက်ဆုံးပြုလုပ်တဲ့ ကောင်းမှုကံလေးကြောင့် နတ်ပြည်ကိုရောက်သွားတာ မှန်ပါတယ်။ ဒါဟာလည်း အထက်က နွားခြံဥပမာလို သဘာဝတရားအတိုင်း ဘ၀တစ်ခုရဲ့နောက်ဆုံးကုသိုလ်က အရင်အကျိုးပေးလိုက်လို့ပါ။
မုဆိုးကြီးနတ်ပြည်ရောက်သွားပေမဲ့ နတ်ပြည်မှာ ကြာကြာအသက်ရှည်ဖို့ စိည်းစိမ်ချမ်းသာပြည့်စုံဖို့မရှိပါဘူး။ ခဏနေပြီးရင် သူ့ဟာနတ်သက်ကြွေရမှာပါ။ ဒါကို သားဖြစ်သူရဟန်းကသိလို့ သူ့ဖခင်ရှိရာ နတ်ပြည်သို့သွားပြီး တရားဟောပေးလိုက်တဲ့အခါ မုဆိုးကြီး သောတာပန်အရိယာဖြစ်သွားပါတယ်။
ဦးဇင်းကသာ ယခုဘ၀ဟာ လူ့ဘ၀ကိုရနေပြီးမို့ ဒီဘ၀အတွက်အဓိကမထားဘဲ နောက်ဘ၀များစွာအတွက် အဓိကထားလုပ်ပါလို့ ပြောဆိုပေးနေပေမဲ့ တချို့က လူ့ဘ၀ဆိုတာရဖို့မလွယ်ဘူး။ ဒါကြောင့် လူဖြစ်တုန်းလေး ကိုယ်နေချင်သလို နေလိုက်မယ်ဆိုတဲ့ ပုဂ္ဂိုလ်တွေကိုလည်း တွေ့ရပါတယ်။ လူ့ဘ၀ကို ကောင်းမှုကုသိုလ်လုပ်တဲ့ပုဂ္ဂိုလ်ဟာ ပြန်လည်ရရှိနိုင်ပါတယ်။ ဒီဘ၀ပဲ ပျော်အောင်နေတော့မယ်လို့ စိတ်ကူးထားပြီး ကောင်းမှုမလုပ်ဘဲ မကောင်းမှုများကိုပဲလုပ်တာကမှ အပါယ်လေးပါးမှလွတ်ဖို့ ခဲယဉ်းသွားပါမယ်။ လူ့ဘ၀မှာ ဒါနရော သီလရော ၀ိပဿနာပါလုပ်မယ်ဆိုရင် လူ့ဘ၀ကိုရဖို့က အလွယ်လေးပါ။ မိမိမှာသာ အယူမှားခြင်း၊ အမိသတ်၊ အဖသတ်၊ ဘုရားပြစ်မှား၊ ရဟန္တာသတ်တာ၊ ရဟန်းတွေသင်းကွဲအောင်လုပ်တာဆိုတဲ့ ကုသိုလ်နဲ့ချေဖျောက်လို့မရတဲ့ ဒီအပြစ်တွေမရှိဘူးဆိုရင် ဒီဘ၀နဲ့ နိဗ္ဗာန်ရောက်အောင်ထိ လုပ်လို့ရပါတယ်။ ကျန်တဲ့ လူ့ပြည် နတ်ပြည်ဆိုတာကတော့ ပိုတောင်လွယ်ပါသေးတယ်။ တကယ်လို့ မိမိအရင်က မသိတတ်နားမလည်လို့ဖြစ်စေ၊ နားလည်ပြီး မိုက်မဲခဲ့လို့ဖြစ်စေ မကောင်းမှုများ လုပ်မိခဲ့သည်ရှိသော် ထိုမကောင်းမှုများကို မိမိသိတတ်နားလည်ချိန်၊ တရားသဘောသိချိန်တွင် ကောင်းမှုလုပ်ကာ ချေဖျက်ရင် ရပါတယ်။ ရေများရေနိုင် မီးများ မီးနိုင်ဆိုသလို မကောင်းမှုရှိခဲ့ရင် အဲဒီမကောင်းမှုထက် ကောင်းမှုများအောင် လုပ်ပေးပေါ့လေ။
အထက်ဖော်ပြခဲ့ပါ မုဆိုးကြီးဟာလည်း မကောင်းမှုများလုပ်ခဲ့ပါတယ်။ သို့သော် သူလုပ်ခဲ့တဲ့မကောင်းမှုများဟာ အပြစ်ကြီးမားပြီး ချေဖျက်လို့မရတဲ့ အပြစ်များမဟုတ်လို့ အရိယာမဂ်ကုသိုလ်နဲ့ ပယ်သတ်ခဲ့ခြင်း ဖြစ်ပါတယ်။ ဒါကြောင့် မိမိတို့လူသားများလည်း အထက်ဖော်ပြပါ ချေဖျက်လို့မရတဲ့ အပြစ်(၆)မျိုးမရှိပါက ၀ိပဿနာအားထုတ်ခြင်းဖြင့် ရိုးရိုးအကုသိုလ်များကို ချေဖျက်လို့ ရပါတယ်။ အဲဒါကြောင့် ကြုံခဲလှတဲ့ ဘုရားသာသနာ၊ ရခဲလှတဲ့ လူ့ဘ၀၊ ရှိခဲလှတဲ့ဗုဒ္ဓအသိဉာဏ်ရှိချိန် အသက်ရှင်စဉ်လေးမှာ ဒီဘ၀လေးခဏတာ ကောင်းစားရေးကိုကြည့်ပြီး မကောင်းမှုများကိုမလုပ်ဘဲ ကောင်းမှုများလုပ်ကာ အအေးချမ်းဆုံးဖြစ်တဲ့ နိဗ္ဗာန်ကိုလျင်မြန်စွာရရှိအောင် ဆောင်ရွက်နိုင်ကြပါစေလို့ ဆုတောင်းရင်း ဤမျှနဲ့ပဲ နိဂုံးချုပ်လိုက်ပါတယ်။
